இன்று கும்பகோணத்தின் கோர நாள்- அஞ்சலி கவிதை

by மகா பிரபு Sat Jul 16, 2011 6:50 am

First topic message reminder :

இன்று
கோயில் நகரத்தின்
கோர நாள்!
தெய்வங்கள் பல இருந்தும்
காக்க நாதி இல்லை!
பள்ளி சென்றவர்கள்
பாடையில் சென்ற சோகம்!
ஆண்டுகள் ஆறான போதும்
ஆரவில்லை தீயின் வடு!
கருகிய பிஞ்சுகளை எண்ணி
கண்ணீர் வடிப்போம்!
கருகிய பிஞ்சுகளுக்கு
கவிதையால் உயிர் கொடுப்போம்.

by பாலாஜி Sat Jul 16, 2011 1:17 pm

இங்கு தேவையற்ற மறுமொழிகள் தேவையில்லை ..

by பூஜிதா Sat Jul 16, 2011 1:31 pm

மணிக்கவும் அண்ணா அன்பு மலர்

by அப்துல்லாஹ் Sat Jul 16, 2011 1:38 pm

வை.பாலாஜி wrote:இங்கு தேவையற்ற மறுமொழிகள் தேவையில்லை ..

நன்றி ஜி
உங்களின் இந்த சுட்டிக்காட்டுதல் மிகவும் பயனுடைத்தது....

by kitcha Sat Jul 16, 2011 2:20 pm

எனக்கு கவிதை எழுதத் தெரியாது.மன்னிக்கவும்.அதனால் அவர்களுக்காக ஒரு சில நிமிடம் மவுனம் இருந்து என் மவுனத்தையே கவிதையாக்குகிறேன். அழுகை

by அப்துல்லாஹ் Sat Jul 16, 2011 2:22 pm

துள்ளித் திரிந்த சிறகுகள் அன்று
துவண்டு சரிந்தண விறகுகள் போல்
பள்ளியில் கருகிய முல்லைகள்
பயில வந்த பாசமிகு பிள்ளைகள்
கத்திக் கதறிய அவர்தம் சோகம்
கனன்ற தீயிலோ வெந்ததவர் தேகம்
வெந்தீ நாக்கில் வேக வைக்க
வேண்டுமெனில் என்னுடல் நான் தருவேன்
வெள்ளை மனமுடை பிஞ்சுகளை
வெள்ளரிப் பழமாய் சுட்டதென்ன
கெட்டவர் கேடுடையார் இருக்க - நீ
தொட்டது தளிர்பிஞ்சு மலர்களன்றோ.....
காலம் கடந்து நினைத்திடினும்
கண்களில் கண்ணீர் துளிர்க்குதம்மா
அன்புக்குழந்தைகளை நினைத்து நெஞ்சம்
ஆற்றிடாத் துயர் அடையுதாம்மா
எழுதிடும் எனை இங்கு தேற்றிவிட
எனக்கருகில் யாரும் இல்லை அந்தோ
அழுதிடும் உங்கள் அனைவருடன்
கழியட்டும் என் துன்ப நினைவுகளும்...

kumbakonam fire" alt="" />

by செய்தாலி Sat Jul 16, 2011 2:24 pm

பஞ்சபூதங்களில் மாசற்றவன் என்று
மார்தட்டும் நீ வெட்கப்படு
மலரவேண்டிய மொட்டுமலர்களை
உன் வேட்கையால் கரித்ததற்கு

இதற்க்குமேல் சொல்ல வார்த்தை இல்லை என்னிடம்
மேல்சொல்லபட்ட வரிகள் ஏற்கனவே இங்கு கிறுக்கியதுதான் http://www.eegarai.net/t64582-topic#578060

by **ayyamperumal** Sat Jul 16, 2011 3:11 pm

அகரம் போட சென்ற பிள்ளைகளை
ஆகாரமாய் எடுத்து கொண்ட தீயே - அன்று
அருவி போல ஓடிய எங்கள் - கண்ணீரை
பருகித்தான் தாகம் தீர்த்தயோ ?

பிஞ்சுகளை எரித்து
தீட்டு பட்ட தீயே - நீ
தூய்மையாக வேண்டுமானால்
சிகரம் போல வளர்கிற
கல்விக் கொள்ளையர்களை
கருக்கிவிடு !அதுதான்
மரித்துபோன குழந்தைகளின் ஆசையும் கூட

by Guest Sat Jul 16, 2011 3:53 pm

by **ஜாஹீதாபானு** Sat Jul 16, 2011 3:58 pm

இந்த துயரதிற்க்கு யாராலும் ஆறுதல் சொல்ல முடியாது. அந்த பிஞ்சுகளின் வேதனையை நினைத்தால் நெஞ்சமேல்லாம் பதறுகிறது.

அவர்கள் ஆன்மா சாந்தியடைய இறைவனை பிரார்த்திக்கிறேன் சோகம்