இன்று கும்பகோணத்தின் கோர நாள்- அஞ்சலி கவிதை

by மகா பிரபு Sat Jul 16, 2011 6:50 am

இன்று
கோயில் நகரத்தின்
கோர நாள்!
தெய்வங்கள் பல இருந்தும்
காக்க நாதி இல்லை!
பள்ளி சென்றவர்கள்
பாடையில் சென்ற சோகம்!
ஆண்டுகள் ஆறான போதும்
ஆரவில்லை தீயின் வடு!
கருகிய பிஞ்சுகளை எண்ணி
கண்ணீர் வடிப்போம்!
கருகிய பிஞ்சுகளுக்கு
கவிதையால் உயிர் கொடுப்போம்.

by அப்துல்லாஹ் Sat Jul 16, 2011 11:45 am

தீராத வடுவான தீ ஆடிய ஆட்டம்
தின்பதற்கு கிட்டியதோ மழலை கூட்டம்
அன்பு மலர் தேகங்கள் அமரரான சோகங்கள்
ஆண்டு பல சென்றாலும் அதிர்ச்சி இன்னும் மறையவில்லை...
கண்ணான கண்ணின் மணியான கல்பின் கனியான அந்த மழலைச் செல்வங்களுக்கு என் கண்ணில் நீர் வழியும் நிலையில் ஒரு பிரார்த்தனை.

by ரஞ்சித் Sat Jul 16, 2011 12:12 pm

இன்று கும்பகோணத்தின் கோர நாள்- அஞ்சலி கவிதை 302883

இது பனித்துளி அல்ல
எங்களின் கண்ணிர் துளிகள்
தீ கொன்ற துளிர்களுக்காக !

by **உமா** Sat Jul 16, 2011 12:30 pm

தீப்பெட்டி போல ஒரு கல்விக்கூடம்
அதில் தெரிகிறது கயவர்களின் கபடம்

by **அருண்** Sat Jul 16, 2011 12:31 pm

இன்று கும்பகோணத்தின் கோர நாள்- அஞ்சலி கவிதை Fire_1139_18503885_0_0_7006845_300

தீயே உன் கோரத்தால்!!
ஒன்றுமே அறியாத இளம்பிஞ்சுகளை!!
காவு வாங்கி விட்டாயே... சோகம்

by **உமா** Sat Jul 16, 2011 12:39 pm

புன்னகையுடன் பள்ளிக்கு அனுப்பிவைத்த அன்னையின்
முகத்தில், கண்ணீரை வர வழித்த தீயே....

பள்ளி சென்று படிக்க வந்த மழலைகளை
பழி வாங்கி சென்றாயே....

பெற்றவளை பறி தவிக்க விட்டு பிள்ளைகளை
கொன்றாயே.....

உன் பசி தீர்க்க வேண்டுமானால் அன்று
என்னுயிரை எடுத்துக்கொண்டு இருக்கலாமே.

by பாலாஜி Sat Jul 16, 2011 1:04 pm

உன் கோர
தாண்டவத்தால்
கருகிய மொட்டுகளுக்கு
அஞ்சலி செலுத்த மலர்கள்
தொடுத்தாலும்
நீ அழித்த
மொட்டுகளே என்றும்
நினைவில்

( எனக்கு கவிதை எழுத வராது ,, ஆனால் கவிதை மூலம் மட்டும் மறுமொழியிடவேண்டும் என்பதால் எழுதினேன், தவறுயிருந்தால் மன்னியுங்கள்)

by **இளமாறன்** Sat Jul 16, 2011 1:06 pm

மழலைகள்
மெழுகுவர்த்தியாய்
விதியா இல்லை
சாபமா ..
ஏனோ எங்கள்
இதயங்கள் இன்னும்
எறிகிறது ...
உயிர் கொடுத்த இறைவா ..
உலகை படைத்து ஆளூபவனே
ஏஞ்சல்களை உன் பாதம் சேர்த்து கொண்டவனே
எங்களை அழவைத்து தானா பிரிக்க வேண்டும் ..
இளந்தளிர்களை எரித்தா பெறவேண்டும்
வாசம் வீசும் ரோஜாக்களை
வலிகளோடு தானா பெறவேண்டும்