திருமணமாகமல் இருக்க சூனியம் வைத்ததாக தங்கைய சரமாரியாக கத்தியால் குத்திய அண்ணன் கைது!

ரஞ்சித் · ரஞ்சித் Fri Jul 15, 2011 3:47 pm

திருமணம் நடக்காமல் இருக்க சூனியம் வைத்ததாக கூறி தங்கையை சரமாரியாக குத்திய அண்ணனை போலீசார் கைது செய்து சிறையில் அடைத்தனர். செங்குன்றம் அடுத்த புள்ளிலைன் பஜனை கோயில் தெருவை சேர்ந்த கோவிந்தராஜ் மனைவி லட்சியவதி (48). இவரது அண்ணன் ஜெலேந்திரன்.

இவர், அதே தெருவில் வசித்து வருகிறார். ஜெலேந்திரனுக்கு இன்னும் திருமணமாகவில்லை. பிளம்பர் வேலை செய்து வருகிறார். குடிப் பழக்கத்துக்கு அடிமையானவர். தினமும் இரவு லட்சியவதி வீட்டுக்கு சென்று சாப்பிடுவார். வேலை இல்லாத நாட்களில் மது குடிப்பதற்கு தங்கையை மிரட்டி பணம் பறிப்பார். மேலும் தனக்கு திருமணம் செய்து வைக்கும்படியும் வற்புறுத்தி வந்தார்.

இந்நிலையில், நேற்று முன்தினம் மாலை போதையில் தங்கை வீட்டுக்கு வந்த ஜெலேந்திரன் அங்கு சாப்பிட்டார். பின்னர், தனக்கு உடனே திருமணம் செய்து வைக்கவேண்டும் என்று வற்புறுத்தினார். அப்போது அவர்களுக்குள் வாக்குவாதம் ஏற்பட்டது. ஆத்திரம் அடைந்த ஜெலேந்திரன், “வாலிப வயதில் எனக்கு திருமணம் செய்து வைக்க நீ எந்த முயற்சியும் எடுக்கவில்லை.

நீ சூனியம் வைத்ததால்தான் 50 வயதாகியும் எனக்கு திருமணம் நடக்கவில்லை. அதனால் வாழ்க்கை சீரழிந்து விட்டது. அதேபோல் நீயும் நன்றாக இருக்க கூடாது’’ என்றுகூறிக் கொண்டே சமையல் அறையில் இருந்த காய்கறி நறுக்கும் கத்தியை எடுத்து லட்சியவதியை சரமாரியாக குத்திவிட்டு தப்பி ஓடிவிட்டார். அவரது அலறல் கேட்டு அக்கம்பக்கத்தினர் அங்கு ஓடி வந்தனர்.

ரத்த வெள்ளத்தில் கிடந்த லட்சியவதியை சென்னை ஸ்டான்லி அரசு மருத்துவமனையில் சேர்த்தனர். அங்கு அவர் தீவிர சிகிச்சை பெற்று வருகிறார். புகாரின்படி, செங்குன்றம் போலீசார் வழக்கு பதிவு செய்து ஜெலேந்திரனை கைது செய்தனர். பிறகு பொன்னேரி நீதிமன்றத்தில் ஆஜர்படுத்தி புழல் சிறையில் அடைத்தனர்.

SK · SK Fri Jul 15, 2011 3:50 pm

50 வயசுக்கு அப்பறம் எதுக்கு கல்யாணம்
என்ன கொடுமை சார் இது

திருமணமாகமல் இருக்க சூனியம் வைத்ததாக தங்கைய சரமாரியாக கத்தியால் குத்திய அண்ணன் கைது!

திருமணமாகமல் இருக்க சூனியம் வைத்ததாக தங்கைய சரமாரியாக கத்தியால் குத்திய அண்ணன் கைது!

Re: திருமணமாகமல் இருக்க சூனியம் வைத்ததாக தங்கைய சரமாரியாக கத்தியால் குத்திய அண்ணன் கைது!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக