என்னை தர்மசங்கடப் படுத்தாதீங்கப்பா... -பாரதிராஜா

மீனு · மீனு Tue Sep 15, 2009 7:38 pm

பலரது புருவத்தையும் முடிச்சு போட வைத்தது இயக்குனர் இமயம் பாரதிராஜாவின் முடிவு. யோகி ஆடியோ ரிலீசுக்கு வந்தவர் மேடைக்கு மட்டும் வரவேயில்லை.

மேடை கொள்ளாத நாற்காலிகள். திரையுலக விவிஐபிகளை முதலில் அழைத்து அதில் அமர செய்தவர்கள், விழாவுக்கு வந்திருந்த பாரதிராஜாவையும், தங்கர் பச்சானையும் மேடைக்கு அழைக்கவே இல்லை. ஏன்? ஏன்? ஏன்? ஒருவேளை மறந்திட்டாங்களோ? அக்கறையுள்ள பத்திரிகையாளர்கள் சிலர், மேடையில் இருந்த அமீருக்கே போன் அடித்தார்கள். பாரதிராஜா வந்திருக்காரு. பார்க்கலையா? அல்லது மறந்திட்டீங்களா? இப்படி கேள்விகள் கேட்கப்பட, இயக்குனர் இமயம் பாரதிராஜாவை ஒலிபெருக்கியில் அழைத்தார் தொகுப்பாளர் கரு.பழனியப்பன்.

அமீர், சமுத்திரக்கனி, சசிக்குமார், அனைவரும் கீழே இறங்கி வந்து அவரை அழைக்க, நான்தான் அப்பவே சொன்னேன்லப்பா... நான் மேடைக்கு வரமாட்டேன்னு. பிறகு ஏன் கூப்பிடுறீங்க? என்னை தர்மசங்கட படுத்தாதீங்க என்றார் பாரதிராஜா. நிகழ்ச்சி முடியுற வரைக்கும் நான் இங்கேயே உட்கார்ந்திருப்பேன். நீங்க விழா நிகழ்ச்சிகளை கவனிங்க என்று அவர் கூறியதும் அரைமனசோடு மேடைக்கு போனார் அமீர்.
சேரன் பேசும்போது, பாரதிராஜா ஏன் மேடைக்கு வரவில்லை என்ற காரணத்தை சொன்னபோதுதான் அனைவருக்கும் தெரிந்தது.

ஈழத்தமிழர்களுக்காக துவக்கத்திலிருந்தே குரல் கொடுத்து வந்த இயக்குனர் இமயம், சமீபகாலமாக மௌன விரதம் இருந்து வருகிறாராம். அதாவது எந்த மேடைகளிலும் ஏறுவதில்லை என்று. ஏன் பத்திரிகை பேட்டிக்கு கூட சம்மதிப்பதில்லையாம். பின்னர் அமீர் பேசும் போது இன்னும் சற்று விளக்கினார். இயக்குனர் சிலர் பாரதிராஜாவின் வீடு தேடி போய் இந்த விழாவுக்கு அழைத்தபோது நான் எந்த விழாவிலேயும் கலந்துக்கறதா இல்லை என்று மறுத்தாராம். பிறகு மேடைக்கு வரமாட்டேன் என்ற நிபந்தனையோடு விழாவுக்கு வர ஒப்புக் கொண்டாராம்.
இத்தனை வருட சினிமாவுலக விழாவில் நாங்கள் எல்லாம் மேடையில் இருக்க, எங்கள் பிதாமகன் பாரதிராஜா மேடைக்கு கீழே இருப்பது இதுதான் முதல் முறை என்று வருந்தினார் அமீர். பார்க்க கஷ்டமாகதான் இருந்தது ரசிகர்களுக்கும்!

**சிவா** · **சிவா** Tue Sep 15, 2009 8:19 pm

அட, வயசாகிப் போச்சு! மேடையில ஏற முடியவில்லையென்று உண்மையை சொல்ல வேண்டியதுதானே!

என்னை தர்மசங்கடப் படுத்தாதீங்கப்பா... -பாரதிராஜா

என்னை தர்மசங்கடப் படுத்தாதீங்கப்பா... -பாரதிராஜா

Re: என்னை தர்மசங்கடப் படுத்தாதீங்கப்பா... -பாரதிராஜா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக