சேலம் அருகே விநோதம் அரசுக்கும் வேம்புக்கும் ரூ.1.5 லட்சத்தில் திருமணம்

by மீனு Tue Sep 15, 2009 12:36 pm

சேலம் அருகே விநோதம் அரசுக்கும் வேம்புக்கும் ரூ.1.5 லட்சத்தில் திருமணம்

செவ்வாய்க்கிழமை, 15 செப்ரெம்பர் 2009

சேலத்தை அடுத்துள்ள மல்லூரில் நேதாஜி சுபாஷ் சமத்துவ நகர் உள்ளது. இங்கு மகாகணபதி கோயில் இருக்கிறது. கோயில் வளாகத்தில் இருந்த வேம்புமரத்துக்கும், அரச மரத்துக்கும் திருமணம் செய்ய ஊர் மக்கள் முடிவு செய்தனர்.

இதையட்டி முதலில் நிச்சயதார்த்தம் செய்யப்பட்டது. பிறகு திருமண அழைப்பிதழ் அச்சடிக்கப்பட்டு ஊர் மக்களுக்கு விநியோகம் செய்யப்பட்டது. நேற்று காலை 9 மணிக்கு மேல் 10 மணிக்குள் ஊர் மக்கள் முன்னிலையில் திருமணம் நடந்தது. இதையட்டி ஆயிரம் பேருக்கு விருந்து அளிக்கப்பட்டது.

இதுகுறித்து அப்பகுதியினர் கூறியது:

வேம்புமரம், அரசமரத்துக்குத் திருமணம் செய்து வைத்தால் குழந்தைகளுக்கு நோய் வராது; ஊர் வளம் செழிக்கும் என்பது நம்பிக்கை. அதன் அடிப்படையில் இந்த திருமணத்தை நடத்தி முடித்துள்ளோம். திருமண அழைப்பு, புதுத்துணி, விருந்து என வேம்பு, அரச மர திருமணத்திற்கு ரூ. 1.5 லட்சம் செலவாகியது என்றனர்.