ஒரே புடவையில் தூக்குப் போட்டு கணவன், மனைவி தற்கொலை

மீனு · மீனு Tue Sep 15, 2009 12:27 pm

ஒரே புடவையில் தூக்குப் போட்டு கணவன், மனைவி தற்கொலை

வேளச்சேரியில் கணவன், மனைவி இருவரும் ஒரே புடவையில் தூக்குப் போட்டு தற்கொலை செய்து கொண்டனர்.

சென்னை வேளச்சேரி நேரு நகர் கே.வி.கே. சாமி தெருவைச் சேர்ந்தவர் சின்னத்தம்பி (எ) எத்திராஜ் (35). இவர், கண்ணாடியைச் சுற்றி அடிக்கப்படும் அலுமினிய பீடிங் தயாரிக்கும் கம்பெனியில் பணியாற்றி வருகிறார். இவரது மனைவி செல்வி (27). இவர்கள் இருவரும் காதலித்து வந்தனர். பின் 2007ம் ஆண்டு காதல் திருமணம் செய்து கொண்டனர். இவர்களுக்கு குழந்தையில்லை.

அதனால் கணவன், மனைவிக்கிடையே அடிக்கடி தகராறு ஏற்படும். அதேபோல நேற்று இரவும் அவர்களுக்குள் தகராறு ஏற்பட்டது. இதனால் மனமுடைந்த சின்னத்தம்பி, வெளியில் சென்று மது அருந்தினார். பின், 11 மணிக்கு மேல் வீட்டுக்கு வந்தார். அப்போது வீட்டில் உள்ள மின் விசிறியில் செல்வி புடவையால் தூக்குப் போட்டு தற்கொலை செய்து கொண்டார்.

இதைப் பார்த்ததும் மனமுடைந்த சின்னத்தம்பி, அதே புடவையின் மறுமுனையில் அவரும் தூக்குப் போட்டு தற்கொலை செய்து கொண்டார். காலையில் நீண்ட நேரமாகியும் அவர்கள் எழுந்திருக்காததால் பக்கத்து வீட்டில் உள்ளவர்கள் சந்தேகமடைந்தனர். அவர்கள் வந்து பார்த்தபோது இருவரும் தூக்கில் தொங்கிக் கொண்டிருந்தனர்.

இந்த சம்பவம் குறித்து கிண்டி போலீசுக்கு தகவல் கொடுத்தனர். போலீசார் விரைந்து சென்று பிணத்தைக் கைப்பற்றி விசாரணை நடத்தி வருகின்றனர். செல்வி, திண்டிவனம் அருகில் உள்ள கிராமத்தைச் சேர்ந்தவர். சென்னை வேளச்சேரி நேரு நகரில் உள்ள அண்ணன் வீட்டுக்கு செல்வி அடிக்கடி வருவார். அப்போது சின்னத்தம்பியுடன் காதல் ஏற்பட்டது. இருவரும் காதலித்து திருமணம் செய்து கொண்டனர்.

குழந்தை இல்லாத ஏக்கத்தில் அவர்களுக்குள் தகராறு ஏற்பட்டு தற்கொலை செய்திருக்கலாம் என்று போலீசார் சந்தேகிக்கின்றனர். இது குறித்து தீவிர விசாரணை நடத்தி வருகின்றனர்.

ரூபன் · ரூபன் Tue Sep 15, 2009 12:40 pm

ஐயோ குழந்தைக்காக இப்படியா அதில் காதலித்து திருமணம் செய்துகொண்டவர்கள் வேறு அவர்களே கணவனுக்கு மனைவியும் மனைவிக்கு கணவனும் குழந்தையாக இருந்து இருக்கலாமே அல்லது ஒரு குழந்தையை தத்தெடுத்து இருக்கலாமே அதை விட்டுட்டு இப்படியா குழந்திதனமாக முடிவெடுப்பது ஒரே புடவையில் தூக்குப் போட்டு கணவன், மனைவி தற்கொலை 56667