கலாநிதிக்கு வருகிறது அடுத்த சிக்கல்.. நடிகை ரஞ்சிதா வடிவில்!

தாமு · தாமு Thu Jul 14, 2011 10:50 am

சென்னை, இந்தியா: சன் பிக்சர்ஸ் நிறுவனத்துக்கு எதிராக தமிழ் திரையுலகம் முறுக்கிக் கொண்டு நிற்கிறது. தமிழகக் காவல்துறை வழக்கு, விசாரணை என்று பரபரக்கிறது. சன் பிக்சர்ஸ் தற்போதுள்ள இக்கட்டான நிலையை, ‘சன்’னின் மற்றைய கதிர்களும் அடையவுள்ளன.

இதற்கு, நடிகை ரஞ்சிதா ‘முதல் போணி’ செய்திருக்கிறார். ‘சன்’னின் மற்றைய கதிர்களான சன் டிவி, தினகரன் பத்திரிகை, தினகரன் இணையத்தளம் ஆகிய மூன்றின்மீதும் சட்ட நடவடிக்கை எடுக்க வேண்டும் என்று கோரியிருக்கிறார். இவை அனைத்துமே, கலாநிதி மாறனின் நிறுவனங்கள்.

நேற்றிரவு பத்திரிகையாளர்களைச் சந்தித்த நடிகை, “லண்டனில், 168 ஆண்டு பாரம்பரியமிக்க, “நியூஸ் ஆப் த வேர்ல்டு’ பத்திரிகை, தொலைபேசி ஒட்டுக்கேட்தற்காக, சில தினங்களுக்கு முன் இழுத்து மூடப்பட்டுள்ளது. என்னைப் பற்றிய ஆபாச காட்சிகளை வெளியிட்டு, என் கண்ணியத்தைக் காயப்படுத்திய, சன் டிவி, தினகரன் பத்திரிகை, தினகரன் இணையத்தளம் ஆகிய மூன்றின்மீதும் ஒன்றரை ஆண்டுகளாக நடவடிக்கை எடுக்கப்படவில்லை.

‘சன்’னுக்கு குடைச்சல் கொடுக்க, இவரும் ரெடி!
என் தனிப்பட்ட வாழ்க்கையில் தலையிட்டு, என்னை மக்கள் மத்தியில் அசிங்கப்படுத்தி விட்டனர். இது தொடர்பாக புகார் கொடுக்க சென்னையில் கால் வைத்தால், உடனே, கைது செய்து உள்ளே தள்ளி விடுவோம் என மிரட்டினர். இதனால், ஒன்றரை ஆண்டுகளாக பாதுகாப்பு கருதி சென்னை வரவில்லை; போலீசிலும் புகார் செய்யவில்லை.

தற்போது புகார் கொடுத்தால் உரிய நடவடிக்கை எடுக்கப்படும் என்ற நம்பிக்கையால், சட்ட ரீதியாக நடவடிக்கை கோரி போலீசில் புகார் செய்துள்ளேன். சென்னை போலீஸ் கமிஷனரை சந்தித்து புகார் செய்துள்ளேன். தமிழக முதல்வர் உரிய நடவடிக்கை எடுப்பார் என்று எனக்கு முழு நம்பிக்கை உள்ளது” என்று கூறியுள்ளார்.

இவரது குற்றச்சாட்டில் ‘வீடியோ மர்ஃபிங்’ பற்றியெல்லாம் வருகின்றது. அவையெல்லாம் கேஸில் பெரிதாகத் தாக்குப் பிடிக்காது. ஆனால், ‘பிரைவசி ஆக்ட்’ வகையில் தனிநபர் மனித உரிமை மீறல் என்ற வகையில் வழக்கு திரும்பினால், சன்னுக்கு சிக்கல் இருக்கிறது.

இந்தப் புகார் தமிழக காவல்துறையால் ஏற்றுக் கொள்ளப்பட்டுள்ளது.

vivi