தகராறு செய்தவரை கொன்ற மாப்பிள்ளை தாலி கட்டியதும் கைது

மீனு · மீனு Tue Sep 15, 2009 12:48 pm

செவ்வாய்க்கிழமை, 15 செப்ரெம்பர் 2009

திருமண வீட்டில் தகராறு செய்தவரை அடித்து கொலை செய்ததாக புதுமாப்பிள்ளை உட்பட 5 பேரை போலீசார் கைது செய்தனர்.

நாகை மாவட்டம் வேதாரண்யம் அடுத்த கருப்பம்புலம் மேலக்காடு காலனி தெருவை சேர்ந்த நடராஜன்(50). தனியாக வசித்து வந்த நடராஜன் தினமும் குடித்துவிட்டு அக்கம்பக்கத்தினரிடம் தகராறு செய்வார்.

பக்கத்து வீட்டை சேர்ந்த கர்ணனுக்கும், கொரவப்புலத்தை சேர்ந்த பெண்ணுக்கும் கருப்பம்புலம் மாரியம்மன் கோயிலில் நேற்று திருமணம் நடந்தது.

நேற்று முன்தினம் இரவு கர்ணன் வீட்டுக்கு ஏராளமான உறவினர்கள் வந்திருந்தனர். திருமண வீட்டு முன் நின்று கொண்டு போதையில் நடராஜன் கலாட்டா செய்து கொண்டிருந்தார். மாலை 4 மணியில் இருந்து நள்ளிரவு வரை அவருடைய தொல்லை தொடர்ந்தது.

இதனால் ஆத்திரமடைந்த கர்ணன் மற்றும் அப்பகுதியை சேர்ந்த சிலர் நடராஜனை கட்டையால் அடித்தனர். இதில் அவர் அதே இடத்திலேயே இறந்தார். விஏஓ சுப்ரமணியன் கொடுத்த புகாரின்பேரில் போலீசார், கர்ணன் மற்றும் அவரது நண்பர்கள் கதிரவன், ராஜேந்திரன், குமார், செல்வம் ஆகியோரை பிடித்து காவல் நிலையம் அழைத்து வந்தனர்.

கர்ணன் மாப்பிள்ளை என்பதால், அவரை மட்டும் அனுப்பி வைத்து விட்டு திருமணம் முடிந்ததும் கைது செய்யலாம் என போலீசார் முடிவெடுத்தனர்.

போலீஸ் பாதுகாப்புடன் கர்ணன் திருமணம் நடந்த கோயிலுக்கு சென்று மணமகள் கழுத்தில் தாலி கட்டினார். பின்னர் கர்ணனை போலீசார் கைது செய்து கோர்ட்டில் ஆஜர்படுத்தி சிறையில் அடைத்தனர்.

VIJAY · VIJAY Tue Sep 15, 2009 12:50 pm

ஏன் மீனு நல்ல செய்தியே கிடைக்கல்லையோ ஒரே வெட்டு குத்து கற்பழிப்பு இதையே போட்டு தாக்குறீங்க..

தகராறு செய்தவரை கொன்ற மாப்பிள்ளை தாலி கட்டியதும் கைது

தகராறு செய்தவரை கொன்ற மாப்பிள்ளை தாலி கட்டியதும் கைது

Re: தகராறு செய்தவரை கொன்ற மாப்பிள்ளை தாலி கட்டியதும் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக