செல்போன் ரீசார்ஜ் செய்ய வாழைப்பழம் திருடும் கும்பல்

மீனு · மீனு Tue Sep 15, 2009 12:30 pm

"பித்தளை செம்பை திருடி... அதை விற்று, பேரீச்சம் பழம் வாங்குவதா, ப்பூ... பேரீச்சம் பழத்தையே திருட வேண்டியதுதானே" என "குரு-சிஷ்யன்" படத்தில் சக சிறைக் கைதிகளிடம் ரஜினி கேட்கும் டயலாக் நினைவிருக்கலாம். அப்படியொரு சம்பவம் பீகாரில் இப்போது பாடாய்படுத்துகிறது.

லாலு பிரசாத் மனைவியான ரப்ரி தேவியின் தொகுதி, ரகோபூர். வாழைத் தோட்டங்கள் அங்கு அதிகம். சமீப காலமாக அங்கு வாழைப்பழ குலைகள் திருட்டு அதிகரித்து விட்டது. காரணம்... செல்போன்.

இளைஞர்கள் பலர் தோட்டத்தில் வாழைப் பழத்தைத் திருடி, அதை விற்று, தங்கள் செல்போனை ரீசார்ஜ் செய்கின்றனர். இலவச சிம்கார்டுடன் செல்போன் விற்கப்படுவதால், பீகாரின் பின்தங்கிய இந்தப் பகுதியைச் சேர்ந்த இளைஞர்கள் செல்போனை வாங்கி விடுகின்றனர்.

ஆனால், பேசுவதற்கு ரீசார்ஜ் செய்தாக வேண்டுமே... போனில் பணம் தீரவும், பழம் பழுக்கவும் சரியாக இருக்கிறது. உடனே வாழைத் தோட்டத்துக்குள் புகுந்து குலைகளை திருடிச் செல்கின்றனர். பெட்டிக் கடைகளில் அதை மிகக் குறைந்த விலைக்கு விற்று, போனை ரீசார்ஜ் செய்கின்றனர்.

இதுபற்றி அதிக வாழைத் தோட்டங்களை வைத்துள்ள சந்தோஷ் ராய் என்ற விவசாயி கூறுகையில், "செல்போன் ரீசார்ஜ் செய்வதற்காக வாழைப்பழம் திருடும் கும்பல் அதிகமாகி விட்டது. இதனால், விவசாயிகள் தூக்கத்தை இழந்து தவிக்கின்றனர். பலர் காவலுக்கு ஆள் அமர்த்தி, கூலியாக நிறைய செலவிடுகின்றனர்" என்றார்.

இந்த ஏரியாவில் இதுவரை 50க்கும் மேற்பட்ட வாழைப்பழக் குலை திருட்டு நடந்தும் போலீசில் ஒரு புகார் மட்டுமே பதிவாகியுள்ளதாம். குரு-சிஷ்யனில் ரஜினி சொல்வதைப் போல, வாழைப்பழத்தைத் திருடி... அதை விற்று ரீசார்ஜ் கூப்பன் வாங்குவதா... கூப்பனையையே திருட வேண்டியதுதானே? என்று கேட்கத் தோன்றும்.

ரூபன் · ரூபன் Tue Sep 15, 2009 12:32 pm

இது புது ரெண்டா எல்லோ இருக்கு எனக்கு ஒரு வளி கிடைச்சாச்சு செல்போன் ரீசார்ஜ் செய்ய வாழைப்பழம் திருடும் கும்பல் 733974

VIJAY · VIJAY Tue Sep 15, 2009 12:52 pm

இதுல யோசன வேற என்ன கொடுமை சார் இது

Sponsored content · Sponsored content

செல்போன் ரீசார்ஜ் செய்ய வாழைப்பழம் திருடும் கும்பல்

செல்போன் ரீசார்ஜ் செய்ய வாழைப்பழம் திருடும் கும்பல்

Re: செல்போன் ரீசார்ஜ் செய்ய வாழைப்பழம் திருடும் கும்பல்

Re: செல்போன் ரீசார்ஜ் செய்ய வாழைப்பழம் திருடும் கும்பல்

Re: செல்போன் ரீசார்ஜ் செய்ய வாழைப்பழம் திருடும் கும்பல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக