குடும்பத் தகராறில் கணவனின் "அதை' துண்டித்த மனைவி

**இளமாறன்** · **இளமாறன்** Thu 14 Jul 2011 - 14:29

லாஸ்ஏஞ்சலஸ் : கலிபோர்னியாவில், குடும்பத் தகராறில், தன் கணவனின்
ஆணுறுப்பை துண்டித்த பெண் கைது செய்யப்பட்டார். கலிபோர்னியாவைச் சேர்ந்தவர்
கார்டன் குரோவ், 51. கடந்த ஒன்றரை ஆண்டுகளுக்கு முன், காத்ரீன் கியோ
பெக்கர், 48 , என்ற பெண்ணை மணந்தார். திருமணமாகி, ஓராண்டு கடந்த நிலையில்
இவர்களுக்குள் கருத்து வேறுபாடு ஏற்பட்டது. கார்டன் தன் மனைவியை விவகாரத்து
செய்ய முடிவு செய்தார். இதையடுத்து, மே மாதம் இருவரும் பரஸ்பரம்
விவகாரத்து கோரி, கோர்ட்டில் மனுத்தாக்கல் செய்தனர்.
விவகாரத்து மனு கோர்ட்டில் நிலுவையிலிருப்பதால், அவர்கள் ஒரே
வீட்டில் வசித்தனர். இந்நிலையில், கடந்த திங்கள் கிழமை இரவு, மது
அருந்திவிட்டு போதையோடு வீட்டிற்கு வந்தார் கார்டன். காத்ரீன் அவருக்கு
உணவு பரிமாறினார். உடல் நலம் பாதிக்கப்பட்டிருந்ததாலும், மதுபோதை
காரணமாகவும் சாப்பிட்ட உடனேயே கார்டன் சுயநினைவை இழந்து தரையிலேயே படுத்து
விட்டார்.
அப்போது, காத்ரீன், தன் கணவனின் ஆடைகளை களைந்து, கிச்சனிலிருந்து
எடுத்து வந்த, 10 அங்குல நீளமுள்ள கூர்மையான கத்தியால், கார்டனின்
ஆணுறுப்பை துண்டித்தார். போதையில் மயங்கியிருந்த கார்டனால், அதனை தடுக்க
முடியவில்லை. துண்டித்த ஆணுறுப்பை, காத்ரீன் குப்பையில் வீசிவிட்டார்.
கார்டனின் அலறல் சத்தம் கேட்டு, ஓடிவந்த அக்கம்பக்கத்தினர், அவரை
மீட்டு, மருத்துவமனையில் சேர்த்தனர். கவலைக்கிடமான நிலையில் உள்ள
கார்டனுக்கு, மருத்துவமனையில் தீவிர சிகிச்சை அளிக்கப்படுகிறது.
இதையடுத்து, காத்ரீனை போலீசார் கைது செய்தனர். பயங்கர ஆயுதத்தைக் கொண்டு,
உயிருக்கு ஆபத்து ஏற்படும் வகையில், ஊனப்படுத்தியுள்ளதால், காத்ரீனுக்கு,
ஆயுள் தண்டனை வரை கிடைக்க வாய்ப்புள்ளதாக போலீசார் தெரிவித்துள்ளனர்.