வெளிநாட்டில் கலாநிதி! கே.கே.நகரில் வக்கீல்!!

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

வெளிநாட்டில் கலாநிதி! கே.கே.நகரில் வக்கீல்!!

#576409

தாமு
வழிநடத்துனர்: பதிவுகள் : 13859
இணைந்தது : 27/01/2009

Post தாமு Thu 14 Jul 2011 - 12:19

சென்னை, இந்தியா: சன் பிக்சர்ஸுக்கு எதிரான மோசடி மற்றும் மிரட்டல் வழக்குத் தொடர்பாக இன்று காலை 10 மணிக்கு கே.கே.நகர் போலீஸ் முன் ஆஜராக வேண்டிய நிலையில் இருந்த கலாநிதி மாறன், போலீஸ் ஸ்டேஷனுக்கு வரவில்லை. அவரது வக்கீல்தான் தலையைக் காட்டினார்.

“கலாநிதி மாறன் தற்போது வெளிநாடு ஒன்றில் இருப்பதால், இன்று போலீஸ் நிலையத்தில் ஆஜராவதிலிருந்து விலக்கு அளிக்கப்பட வேண்டும்” என்ற கோரிக்கை அடங்கிய மனுவை, கலாநிதியின் வக்கீல் தாக்கல் செய்தார். இதற்கான விதிமுறைகளின்படி, அவர் இந்தியாவில் இல்லை என்பதை நிரூபிக்கும் ஆவணங்களை சமர்ப்பிக்குமாறு வக்கீல் கோரப்பட்டார்.

அதையடுத்து, கலாநிதி மாறன் இந்தியாவைவிட்டு வெளியே சென்றதற்கான விமான இ-டிக்கட்டின் பிரதியொன்று வக்கீலினால் மனுவுடன் இணைக்கப்பட்டது.

வக்கீலின் மனுவில், கலாநிதி மாறன் திரும்பவும் இந்தியாவுக்கு வரும் தேதியாக, செவ்வாய் கிழமை, 26ம் தேதி குறிப்பிடப்பட்டிருந்தது. அந்தத் தேதியின் பின்னர், போலீஸ் ஆஜராகச் சொல்லும் தேதியில் அவர் நேரில் ஆஜராவார் என்று தெரிவித்தார் வக்கீல்.

விதிமுறைகளின்படி சரியான ஆவணங்களை வழங்கியதால், போலீஸில் ஆஜராவதற்கு கலாநிதி மாறனுக்கு அவகாசம் வழங்கப்பட்டுள்ளது. இதை, துணை போலீஸ் கமிஷனர் அசோக்குமார் உறுதிப்படுத்தியுள்ளார்.

vivi