அரசு கண் மருத்துவமனைக்கு சிறுமியின் கண்கள் தானம்

மீனு · மீனு Tue Sep 15, 2009 12:29 pm

[ செவ்வாய்க்கிழமை, 15 செப்ரெம்பர் 2009

சென்னையில் ஞாயிற்றுக்கிழமை இறந்த சிறுமி அபிராமியின் கண்கள் எழும்பூர் அரசு கண் மருத்துவமனைக்கு தானமாக வழங்கப்பட்டன.

ஓர் ஆண்டுக்கு முன்பு இதய மாற்று சிகிச்சை செய்த சிறுமி அபிராமி (9), ஃபிராண்ட்டியர் லைஃப் லைன் இதய மருத்துவமனையில் இறந்தார்.

அவர் இறந்தது தொடர்பாக மருத்துவமனையின் தலைவர் டாக்டர் கே. எம். செரியன் திங்கள்கிழமை வெளியிட்ட அறிக்கை:-

""இதயத் தசை வலுவிழந்ததால் கஷ்டப்பட்டு வந்த சிறுமி அபிராமிக்கு மறு வாழ்வு அளிக்க வேறு வழியின்றி சிறுவன் ஹிதேந்திரனின் இதயம் பொருத்தப்பட்டது.

மருத்துவமனையிலிருந்து அபிராமி வீடு திரும்பியது முதல் தொடர்ந்து மாதந்தோறும் மருத்துவப் பரிசோதனைக்கு வருவது வழக்கம். கடைசியாக சிறுமியை பெற்றோர் மருத்துவப் பரிசோதனைக்கு அழைத்து வந்தபோது, அவளது இதயச் செயல்பாடு மோசமடைந்திருப்பது தெரிய வந்தது.

உடனடியாக சிறுமியை மருத்துவமனையில் அனுமதிக்குமாறு பெற்றோரிடம் கூறினேன். ஆனால், சில சொந்தக் காரணங்களால் சிறுமியை மருத்துவமனையில் பெற்றோரால் சேர்க்க முடியவில்லை. ஒரு வாரம் கழித்து சிறுமியை பெற்றோர் சேர்த்தனர்.

சிகிச்சை பலன் இன்றி சிறுமி உயிரிழந்தது மிகுந்த வருத்தத்தை அளிக்கிறது. எனினும் சிறுமியின் உற்சாகம், இனிமையாக பழகும் தன்மை ஆகியவை என்றும் எங்கள் நினைவில் இருக்கும். அரசு கண் மருத்துவமனைக்கு சிறுமியின் கண்களை தானமாக அளிக்க அவளது பெற்றோர் முன் வந்தது எங்களது நெஞ்சத்தை நெகிழ வைத்து விட்டது'' என்று டாக்டர் கே. எம். செரியன் கூறியுள்ளார்.

அரசு கண் மருத்துவமனைக்கு சிறுமியின் கண்கள் தானம்

அரசு கண் மருத்துவமனைக்கு சிறுமியின் கண்கள் தானம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக