“டில்லி செய்வது மாயை! சென்னை மூடுவது வாயை!!” -டி.ராஜேந்தர்

spselvam · spselvam Wed Jul 13, 2011 8:52 pm

தமிழகத்திலுள்ள அரசியல் கட்சிகள் எதுவுமே, பெட்ரோல், டீசல் விலை உயர்வுக்கு எதிர்ப்புத் தெரிவிக்காமல் மௌனம் சாதிப்பதாகச் சாடியுள்ளார், இ.தி.மு.க தலைவர் டி.ராஜேந்தர். “என்னால் அவர்களைப்போல வேஷம் போட முடியாது. அதனால்தான் போராடக் கிளம்பிவிட்டேன்” என்றும் முழங்கியுள்ளார் அவர்.

பெட்ரோல், டீசல் விலை உயர்வுக்கு காரணமான மத்திய அரசை கண்டித்து இலட்சிய தி.மு.க. தலைவர் டி.ராஜேந்தர் தலைமையில் சென்னை சைதாப்பேட்டையிலுள்ள பனகல் மாளிகை முன்பு நேற்று ஆர்ப்பாட்டம் நடைபெற்றபோதே அவர் இவ்வாறு கூறியுள்ளார்.

“மத்திய அரசு டீசல், பெட்ரோல் விலையை பலமுறை உயர்த்தியுள்ளது. மக்கள் மீது சுமையை வைக்கிறார்கள். பாகிஸ்தான், இலங்கை, பங்காளதேஷ் போன்ற நாடுகளில் நம் நாட்டின் பெட்ரோல் விலையை காட்டிலும் குறைவு. நம் நாட்டில் எண்ணை வளம் உள்ளது. இலங்கையில் எண்ணெயை இறக்குமதி செய்கிறார்கள். ஆனால் விற்பது ரூ.50-க்கு தான்” என்று புள்ளிவிபரம் காட்டிப் புல்லரிக்க வைத்தார், இ.தி.மு.க தலைவர்.

“மத்திய அரசு விலையை உயர்த்தினால் மக்கள் தாங்கிக் கொள்வார்கள் என்று தமிழகத்திலுள்ள கட்சிகள் நினைக்கிறார்கள். அதனால்தான், பல கட்சிகள் இன்று வாயை மூடிக்கொண்டு இருக்கின்றன.

மத்திய அரசு எரிவாயு விலையை உயர்த்திய போதும், தமிழக முதல்வர் மாநில வரியை ரத்து செய்து காஸ் விலையைக் குறைத்து இருக்கிறார்கள். தமிழக அரசுக்கு இழப்பு ஏற்பட்டாலும் சரி, பெண்கள் அவதிப்பட கூடாது என்றே இந்தக் காரியத்தைச் செய்திருக்கிறார் முதல்வர்” என்றும், அ.தி.மு.க. அரசை விட்டுக் கொடுக்காமல் பேசினார் அவர்.

டீசல், பெட்ரோல் உபயோகிக்கும் பாவனையாளரில், பெண்கள் கிடையாதா தலைவா?
நன்றி:விறுவிறுப்பு.கொம்