இழுத்து மூடப்பட்ட பத்திரிகை அலுவலகம்! கதறியழுத ஊழியர்கள்

ரஞ்சித் · ரஞ்சித் Tue 12 Jul 2011 - 12:45

சர்ச்சைக் குரிய செய்திகளை வெளியிட்டு பரபரப்புக்களை ஏற்படுத்தி வந்த பிரிட்டனின் புகழ் பெற்ற பத்திரிகையான "News of the world" நேற்றைய தினம் தனது இறுதிப் பதிப்பை வெளியிட்டது...

அத்துடன் தனது அலுவலகத்தையும் மூடி விட்டது.. இவ்வளவு காலமாக வேலை செய்த ஊழியர்கள் கதறியழுது கொண்டு கண்ணீருடன் அலுவலகத்தை விட்டு வெளியேறினார்கள்.

பிரிட்டனில் இருந்து வெளிவரும், 168 ஆண்டு காலப் பெருமை உடைய, "News of the world" பத்திரிகை, இளவரசர் வில்லியமின் உதவியாளரில் இருந்து, முக்கிய அரசியல்வாதிகள் வரை அனைவரது தொலைபேசிகளையும் ஒட்டுக் கேட்ட விவகாரத்தில் சிக்கியது.

பத்திரிகை மீது, பார்லிமென்டில் எம்.பி.,க்கள் கடுமையாகக் குற்றம் சாட்டினர். இதையடுத்து, பத்திரிகையின் அதிபர் ரூபர்ட் முர்டோக், பத்திரிகையை நிறுத்திவிடப் போவதாக அறிவித்தார்.

அதன்படி, நேற்று வெளியான இதழின் அட்டைப் படத்தில் பின்னணியில், பத்திரிகையின் பல்வேறு அட்டைப் படங்கள் இருக்க,"Thank you and good bye ' என்று பெரிய வடிவில் வார்த்தைகள் அச்சிடப்பட்டிருந்தன.