சாம்பார் சாம்பார் போல் இருக்க வேண்டும்! எச்சரிக்கை விடுத்த அதிகாரி!

கோவை ராம் · கோவை ராம் Tue Jul 12, 2011 5:34 pm

சமச்சீர் கல்வி முறை பற்றிய வழக்கு நீதிமன்றத்தில் நிலுவையில் இருப்பதால், அதுபற்றிய தீர்ப்பு வரும் வரையிலும் பள்ளி மாணவர்களுக்கு எந்த பாடம் நடத்துவது என்ற குழப்பமான நிலை அனைத்து பள்ளிகளிலும் நிலவுகிறது.

இதனிடையே பள்ளி மாணவர்களுக்கு இணை பயிற்சி நடத்துமாறு அரசு அறிவுறுத்தியுள்ளது. இதன் அடிப்படையில் காலை செயல்திட்டம், மாலை செயல்திட்டம் என களப்பயிற்சி அட்டவணையிட்டு அதன்படி பள்ளிகள் செயல்படுகின்றன.

குறிப்பாக இத்திட்டத்தின் அடிப்படையாகக் கொண்டு அருகில் உள்ள சுற்றுலா தலங்கள், இயற்கை வளம் கொண்ட பகுதிகளுக்கு மாணவ மாணவிகள் அழைத்துச் செல்லப்படுகிறார்கள். இந்த களப்பயிற்சி முறையாக நடைபெறுகிறதா என்று நெல்லை மாவட்ட ஆட்சியர் நடராஜன் திடீர் ஆய்வுகளை நடத்துகிறார்.

அதோடு மாவட்ட முதண்மை கல்வி அலுவலர் தன்னுடைய கட்டுப்பாட்டில் உள்ள அனைத்து அதிகாரிகளுக்கும் இந்த பயிற்சி பற்றி ஆய்வு செய்து அதன் தொடர்பான அறிக்கையை பள்ளி கல்வி இயக்குநரகத்துக்கு அறிக்கையாக அனுப்பும்படியும் உத்தரவிட்டுள்ளார்.

கடந்த ஜூன் மாதம் அனைத்து பள்ளிகளும் திறந்து சரியாக ஒரு மாதம் கடந்துவிட்ட நிலையில், பள்ளிகளில் மாணவர்களுக்கான பாடப்பயிற்சி இன்னும் தொடங்கப்படவில்லை. சுற்றுலா, போக்குவரத்து என தினசரி செல்லும் இந்தப் பயணம் எப்போது முடியும் என்று அறியாமல் தவிக்கிறார்கள் பள்ளி மாணவ மாணவிகள்.

இதனிடையே நெல்லை மாவட்டம் நாங்குநேரி ஊராட்சி ஒன்றிய நடுநிலைப்பள்ளிக்கு திடீரென விசிட் அடித்தார் அனைவருக்கும் கல்வி திட்ட கூடுதல் முதண்மை கல்வி அலுவலர் பகவதி. அவரோடு உதவி அலுவலர் ஜெயபாண்டியும் சென்றிருந்தார். இங்கே ஆய்வு செய்த இவர்கள் பள்ளி குழந்தைகளுக்கு வழங்கப்படும் சாம்பாரை பார்த்து அதிர்ச்சி அடைந்தனர். பச்சை பசேர் என்று சாம்பார் இருப்பதற்கு என்ன காரணம் என்று விசாரித்துள்ளனர்.

பாசிப்பருப்பை மாவாக்கி சாம்பார் தயாரித்துள்ளோம். அதனால்தான் சாம்பார் பச்சையாக இருக்கிறது என்று சத்துணவு அமைப்பாளர் பதில் கூறியுள்ளார்.

இந்த மாதிரியெல்லாம் மாவாக்கி சமையல் செய்யக் கூடாது. சாம்பார் சாம்பார் போல் இருக்க வேண்டும் என அந்த அதிகாரி எச்சரித்துவிட்டு சென்றுள்ளார்

நன்றி நக்கீரன்
ராம்

SK · SK Tue Jul 12, 2011 5:45 pm

சாம்பார் சாம்பார் போல் இருக்க வேண்டும்! எச்சரிக்கை விடுத்த அதிகாரி! Sambar_deer

இந்த 2 சாம்பார் போதுமா

ரேவதி · ரேவதி Tue Jul 12, 2011 5:47 pm

SK wrote:

இந்த 2 சாம்பார் போதுமா

ரூம் போட்டு யோசிபிங்களோ அநியாயம்

பூஜிதா · பூஜிதா Tue Jul 12, 2011 5:56 pm

ரேவதி wrote:
SK wrote:

இந்த 2 சாம்பார் போதுமா

ரூம் போட்டு யோசிபிங்களோ

சரவணன் · சரவணன் Tue Jul 12, 2011 5:59 pm

இந்த கொடுமை தான் ரொம்ப வருடமா நடக்கிறதே. அதுமட்டுமா. சாம்பருக்கு பயன்படுத்த வேண்டிய பருப்பை, கள்ள சந்தையில் குறைந்த விலைக்கு விற்று விடுகிறார்கள். பிறகு எப்படி சாம்பார் சாம்பார் மாதிரி இருக்கும்?
ஏழை குழந்தைகளுக்கு சத்துணவு என்பது பகல் கனவுதான் போங்க!