கிரிக்கெட் ஆட்ட உணர்வைக் கொன்ற தோனி

First topic message reminder :

டோமினிகாவில் நேற்று முடிந்த இந்திய, மேற்கிந்திய அணிகளுக்கு இடையிலான 3வது டெஸ்ட் கிரிக்கெட் போட்டி வேண்டுமென்றே டிரா செய்யபட்டது. .

முதலில் மேற்கிந்திய அணியின் சந்தர்பால், ஃபிடல் எட்வர்ட்ஸ் விக்கெட்டுகளை வீழ்த்த முடியாமல் திணறியது. பந்து வீச்சாளர்களுக்கு ஒன்றுமேயில்லாத ஆட்டக்களத்தில் சந்தர்பால் 23-வது சதத்தை எடுத்தார். இந்தியாவுக்கு 47 ஓவர்களில் வெற்றி இலக்கு 180 ரன்களாக நிர்ணயிக்கப்பட்டது.

உலகின் நபர் ஒன் அணி என்று வந்த பிறகு 47 ஓவர்களுக்குள் நாம் அனைத்து விக்கெட்டுகளையும் இழந்து விடுவோம் என்ற ஒரு அச்சம் கேப்டன் கூல் என்று அழைக்கப்படும் தோனிக்கே இருந்தால் அவரது தலைமையின் கீழ் இந்திய அணி அதுவும் இளம் வீரர்கள் எவ்வாறு தன்னம்பிக்கை பெறுவார்கள்?

இந்த டெஸ்ட் போட்டியில் கடைசியில் 15 ஓவர்கள் மீதமிருக்க வெற்றி பெற 86 ரன்கள் தேவை என்ற நிலையில் இந்தியா 94/3 என்று சற்றே வலுவான நிலையில் இருக்கும்போது இரு கேப்டன்களும் கைகுலுக்கி ஆட்டத்தை முடித்துக் கொள்வதாக அறிவித்தது, மைதானத்தில் உள்ள கிரிக்கெட் ரசிகர்களை மட்டுமல்லாது உலகில் உள்ள கிரிக்கெட் ரசிகர்களையும் ஏமாற்றுவதற்குச் சமம் ஆகும்.

47 ஓவர்களில் 180 ரன்கள் என்பது ஒரு சாதாரண இலக்கு என்று கூறவில்லை. 5ஆம் நாள் பிட்சில் அது கடினமானது. அதுவும் கம்பீர், சேவாக், சச்சின் இல்லாத நிலையில் அத்தகைய துரத்தலை நாம் சாதிக்க இயலாது என்ற எண்ணெமெல்லாம் சரிதான். எனினும் அதற்கான முயற்சி கூட இல்லாமல் அப்படியே டிராவுக்காக ஆடுவது நிச்சயம் நம்பர் 1 நிலைக்கு இந்திய அணி லாயக்கல்ல என்பதையே அறிவிக்கிறது.

மேலும் கிரிக்கெட் ஆட்ட உணர்வைக் கொல்லும் விதமாக கடைசி 15 ஓவர்களை விளையாடாமலே கேப்டன்கள் கைகுலுக்கி முடித்துக் கொள்வது பொறுக்க முடியாத அடாவடித்தனமாகும்.

இதுவே இந்தத் தொடரை வென்றால் வீரர்களுக்கு தலைக்கு ஒரு அருமையான சொகுசு வீடு அல்லது கார் அல்லது கூடுதல் பணம் அளிக்கப்படும் என்றால் ஒருவேளை 30 ஓவர்களில் இந்த இலக்கை எடுத்திருந்தாலும் ஆச்சரியப்படுவதற்கில்லை.

நமது கேள்வி ஏன் வெற்றி பெற முயற்சி செய்யவில்லை என்பதல்ல? கடைசி 15 ஓவர்களை விளையாடாமல் போனது ஏன் என்பதே?

இதற்கு தோனி அளித்துள்ள பதில் கேப்டன் தகுதிக்கு அருகதையற்ற வார்த்தைகள் என்பதை உணர்த்துகின்றன. இலக்கை நோக்கிச் சென்றிருந்தால் இந்திய அணி தோற்றிருக்கும் என்று கூறுகிறார்.

பயிற்சியாளர் பிளெட்சராவது சற்று நிதானத்துடன் 40 ரன்னில் இருக்கும் ஒரு பேட்ஸ்மென் ரன் எடுக்க முடியவில்லை புதிதாக களமிறங்கும் வீரர் எப்படி விரைவாக ரன் குவிப்பில் ஈடுபட முடியும் என்று கூறியுள்ளார். ஆனால் நாம் கேட்பது என்னவெனில் 15 ஓவர்கள் முன்னமேயே ஆட்டம் முடிக்கப்பட ஏன் ஒப்புக்கொள்ளப்பட்டது?

இதில் ஒன்றும் தவறுயில்லை .. டெஸ்ட் போட்டிகளில் 90 பந்துகளில் 86 ரன்கள் எடுப்பது மிகவும் சிரமம் .. டெஸ்ட் போட்டிகளில் அதிகபட்ச ரன் ரேட் 4 தொடுவதோ கஷ்டம் ... அடித்து ஆட முயன்று விக்கெட் இழந்து அது தோல்வியாக முடிய காரணமாக அமையலாம். வெற்றி பெறவே ரெய்னா முன்னதாக களம் இறக்கபட்டார்.. ரெய்னா , முகுந்த் விரைவில் வெளியேறியது நிச்சயம் பின்னடைவு. சேவாக் இருந்தால் இது நிச்சயம் சாத்தியம். இன்னும் சில ஓவர்கள் ஆடி போட்டியின் முடிவை நிர்ணத்துயிருக்கலாம்.. முகுந்த் முதல் பந்தில் ஆட்டம் இழந்த போதே இந்தியாவின் முடிவு டிரா செய்வதுதான் ...

ரெய்னா இல்லை என்றால் வேறு மட்டை வீரர் இல்லயா நண்பரே, உலகின் நம்பர் ஒன் டீம் என்று சொல்வது உண்மை இல்லயா, தோனி, கொஹ்லி, லக்ஷ்மன், எதற்காக

Jebin wrote:ரெய்னா இல்லை என்றால் வேறு மட்டை வீரர் இல்லயா நண்பரே, உலகின் நம்பர் ஒன் டீம் என்று சொல்வது உண்மை இல்லயா, தோனி, கொஹ்லி, லக்ஷ்மன், எதற்காக

ராகுல் டிராவிட் ,விரத் கோலி , லஷ்மண் அடித்து ஆடும் வீரர்கள் இல்லை . இவர்கள் தடுப்பு ஆட்டத்தில் சிறந்தவர்கள் ... விரத் கோலி க்கு இன்னும் டெஸ்ட் அனுபவம் வேண்டும் ... வெஸ்ட் இண்டீஸ் பிட்சுகள் பந்து வீச்சுக்கு ஏற்றவை . நிச்சயம் டெஸ்ட் போட்டிகளில். ஒரு ஓவரில் 5 ரன்களுக்கு மேல் எடுக்கமுடியாது