தெளிவு

mravi · mravi Mon Jul 11, 2011 7:44 pm

நாம் பௌர்ணமி போல் தெளிவாய் இருப்பது உண்டு. சில நேரங்களில் அமாவாசை போன்று குழப்பம், தீரா குழப்பமாய் வருவதுண்டு.

ஆன்மீக ரீதியாய் நாம் படித்தவற்றிர்க்கும், இவரின் பதிவிர்க்கும் நிறைய வித்தியாசங்கள் இருக்கின்றனவே என்ற குழப்பம் தலை தூக்கி, உங்களின் மனதில் பெருங்குழப்பாய் உருவெடுக்கும். இதற்கு ஒரு உதாரணம் சொல்கிறேன்.

வியாபாத்தில் பல ஆண்டுகளாய் இருந்து, கை தேர்ந்த ஒருவர் , நஷ்டம் ஏற்பட்டால், எதனால் , ஏன், எப்படி, எங்கு தவறு நடந்தது என்பதனை மனதினிலே அலசி ஆராய்ந்து ( பிறரிடம் ஆலோசனை கேட்க மாட்டார்), அடுத்தமுறை நஷ்டம் என்பதே இல்லாத அளவிற்கு சரி செய்து விடுவார்.

ஆனால், புதிதாக முதல் போட்டவர், நஷ்டம் ஏற்பட்டால் துவண்டு போய் விடுவார். குழப்பமும் கவலையும் அவரை ஆக்கிரமிக்கும். அதிர்ஷ்டம் இல்லாதவன், தெய்வம் நம்மை கைவிட்டு விட்டது. என்று புலம்பி வியாபாரத்தை விட்டு, அடுத்த தொழிலின் மேல் சிந்தனை போய் விடும்.

உங்களின் அறிவுக் கண்களை, திறவுங்கள். உங்களின் பாதை உங்களின் கண்கள் முன்னே தெரியும். நாம் எதை இழந்தாலும், நம்முடைய அறிவை (மூளையின் பலத்தை ) இழப்பதில்லை. அது உங்களின் மரணம்வரை உங்களின் கூடவே இருக்கும்.

உங்களின் மனதை விசாலப்படுத்துங்கள். தெளிவு பிறக்கும். தெளிவு இருக்குமிடத்தில் குழப்பத்திர்க்கு இடமில்லை.