ஊடகங்கள் யாரை வேண்டுமானாலும் இழிவு படுத்த முடியும்

அப்துல்லாஹ் · அப்துல்லாஹ் Sun 10 Jul 2011 - 13:25

ஊடகங்கள் நினைத்தால் யாரையும் இழிவு படுத்தி விட முடியும் என்றும் குற்றம் சாட்டிய திமுக தலைவர் கருணாநிதி, தயாநிதி மாறனுக்கு தி.மு.க. துணை நிற்கும் என்று கூறியுள்ளார்.

சென்னை கோபாலபுரத்தில் தி.மு.க. தலைவர் கருணாநிதி செய்தியாளர்களுக்கு நேர்காணல் அளித்தார். அப்போது செய்தியாளர்கள் கேட்ட கேள்விகளும், அவர் அளித்த பதிலும் வருமாறு:-

கேள்வி:- மத்திய அமைச்சர் தயாநிதி மாறன் பதவி விலகல் குறித்து உங்கள் கருத்து என்ன?

பதில்:- உலகத்தில் குறிப்பாக இந்தியாவில் `மீடியா'க்களின் ஆட்சி நடைபெறுகிறது. அவர்கள் நினைத்தால் யாரையும் இழிவு படுத்தி விட முடியும். அதற்கு தயாநிதி மாறன் விதி விலக்கல்ல.

கேள்வி:-தயாநிதி மாறனுக்கு கட்சி துணையாக இருக்குமா?

பதில்:- இருக்கும்.

கேள்வி:- இதுவரை துணையாக இருந்தது போல தெரியவில்லையே?

பதில்:- இதுவரை அவருக்கு என்ன நடந்தது?

கேள்வி:- தயாநிதிமாறனுக்குப் பதில் வேறு யாராவது மத்திய அமைச்சர் ஆவார்களா?

பதில்:- தெரியாது.

கேள்வி:- மத்திய அரசிடம் இருந்தோ, காங்கிரஸ் தலைவியிடம் இருந்தோ, நேற்றிரவில் இருந்து யாராவது உங்களுடன் தொடர்பு கொண்டார்களா?

பதில்:- இல்லை.

கேள்வி:- இன்று பிரதமருக்கு நீங்கள் கடிதம் எழுதியதாகச் சொல்லப்படுகிறதே?

பதில்:- அது உங்கள் கற்பனை.

இவ்வாறு கருணாநிதி கூறினார்.

இந்நேரம்

**சிவா** · **சிவா** Sun 10 Jul 2011 - 14:07

முன்பு இவர்கள் செய்த ஊழல்கள் வெளிவரவில்லை, ஆனால் இப்பொழுது மீடியாக்களின் உதவியுடன் அனைத்து மக்களையும் சென்றடைகிறது இவர்களது ஊழல் பட்டியல். அதனால் மீடியாக்களின் மீது இந்தத் தமிழினத் தலைவருக்குக் கோபம் வருவதில் ஆச்சரியமில்லையே!

இந்த பதிவைத் துவங்கியவர் நன்றி கூறியுள்ளார் சிவா