3வது டெஸ்ட் போட்டி இந்தியாவுக்கு வெற்றி வாய்ப்பு

3வது டெஸ்ட் போட்டி இந்தியாவுக்கு வெற்றி வாய்ப்பு



பதிவு செய்த நாள் 7/10/2011 2:44:49

டொமினிகா: வெஸ்ட் இண்டீஸ் அணியுடனான
3வது டெஸ்ட் போட்டியில், முதல் இன்னிங்சில் 143 ரன் முன்னிலை பெற்ற இந்திய
அணிக்கு வெற்றி வாய்ப்பு பிரகாசமாகி உள்ளது.
டொமினிகா விண்ட்சர் பார்க்
மைதானத்தில் நடக்கும் இந்த போட்டியில், வெஸ்ட் இண்டீஸ் முதல் இன்னிங்சில்
76.3 ஓவரில் 204 ரன்னுக்கு ஆல் அவுட் ஆனது. இந்திய பந்துவீச்சில் இஷாந்த்
5, பிரவீன், ஹர்பஜன் தலா 2, முனாப் ஒரு விக்கெட் வீழ்த்தினர்.
அடுத்து
களமிறங்கிய இந்தியா 3ம் நாள் முடிவில் 6 விக்கெட் இழப்புக்கு 308 ரன்
எடுத்தது. விஜய், டிராவிட் தலா 5 ரன் எடுத்து ஆட்டமிழக்க, முகுந்த் &
லஷ்மண் ஜோடி 3வது விக்கெட்டுக்கு 98 ரன் சேர்த்தது.
முகுந்த் 62 ரன்
எடுத்து பெவிலியன் திரும்பினார். கோஹ்லி 30, லஷ்மண் 56 ரன் எடுத்து
ஆட்டமிழந்தனர். இதையடுத்து, கேப்டன் டோனி & ரெய்னா ஜோடி 6வது
விக்கெட்டுக்கு உறுதியுடன் விளையாடி 103 ரன் சேர்த்தது. ரெய்னா 50 ரன்
எடுத்து பிடல் எட்வர்ட்ஸ் வேகத்தில் எல்பிடபிள்யு ஆகி வெளியேறினார்.
நான்காம்
நாளான நேற்று, கேப்டன் டோனி 65 ரன், ஹர்பஜன் 12 ரன்னுடன் முதல் இன்னிங்சை
தொடர்ந்தனர். ஹர்பஜன் மேற்கொண்டு ரன் ஏதும் எடுக்காமல் எட்வர்ட்ஸ்
வேகத்தில் வெளியேறினார். டோனி 74, பிர வீன் 23, இஷாந்த் 2 ரன்னில்
ஆட்டமிழக்க இந்தியா 108.2 ஓவரில் 347 ரன்னுக்கு ஆல் அவுட் ஆனது.
முனாப்
பட்டேல் 4 ரன்னுடன் ஆட்டமிழக்காமல் இருந்தார். வெஸ்ட் இண்டீஸ்
பந்துவீச்சில் பிடல் எட்வர்ட்ஸ் 5, சம்மி, பிஷூ தலா 2, சந்தர்பால் ஒரு
விக்கெட் வீழ்த்தினர். அடுத்து முதல் இன்னிங்சில் 143 ரன் பின்தங்கிய
நிலையில், வெஸ்ட் இண்டீஸ் 2வது இன்னிங்சை தொடங்கியது.

கிரிக்கெட்டைப் போல் இந்தியர்கள் அனைத்து விளையாட்டுக்களிலும் முன்னிலை பெற வேண்டும்.

ஒலிம்பிக்கில் 100 தங்கத்தைப் பெற்றது இந்தியா! செய்தியைக் காணும் நாள் வர வேண்டும்!

சிவா wrote:கிரிக்கெட்டைப் போல் இந்தியர்கள் அனைத்து விளையாட்டுக்களிலும் முன்னிலை பெற வேண்டும். ஒலிம்பிக்கில் 100 தங்கத்தைப் பெற்றது இந்தியா! செய்தியைக் காணும் நாள் வர வேண்டும்!

வரும் ஆனா வராது

இரண்டாவது இன்னிங்ஸை தொடங்கிய மே.இந்திய தீவுகள் அணியின் துவக்க வீரர்கள் விரைவிலேயே ஆட்டம் இழந்தனர்(40-3) ஆனால் நான்காவது விக்கெட்டிற்க்கு ஜோடி சேர்ந்த கிரைக் எட்வர்ட்ஸ் மற்றும் சந்தர்பால் இனை அணியின் எண்ணிக்கையை அதிகரித்தது.எட்வர்ட்ஸ் 110 ரன்களை எடுத்து ஆட்டம் இழந்தார்.நேற்றைய ஆட்ட நேர முடிவில் மே.இந்திய தீவுகள் அணி 224-6 எடுத்துள்ளது.இரண்டாவது இன்னிங்ஸில் 81 ரன்கள் முன்னிலையில் உள்ளது.சந்தரபால் 73 ரன்களுடனும் சமி 5 ரன்களுடனும் களத்தில் உள்ளார்கள்...
இறுதி நாளான இன்று உணவு இடைவேளைக்கு முன் மீதமுள்ள 4 விக்கெட்களையும் குறைந்த ரன்களில் சுருட்டி விட்டால் இந்திய அணிக்கு வெற்றி பெறும் வாய்ப்பு அதிகரிக்கும்...

5-ம் நாள் ஆட்டம் தொடங்கிய சில நிமிடங்களில் மே.இந்திய தீவுகள் அணி 2 விக்கெட்களை இழந்தது தற்போதைய நிலவரப்படி 259/8 ரன்களை எடுத்துள்ளது.சந்தரபால் 90ரன்களுடன் களத்தில் உள்ளார்...