அழகை நோக்கி

அப்துல்லாஹ் · அப்துல்லாஹ் Sun 10 Jul 2011 - 13:15

சேர்ந்த நற்றோகையை செழுமையாய் விரித்திடும்
செம்மையாய் தன்னுடல் நளினம் காட்டிடும்
சீர்மிகு மயிலின் சிங்காரத் தோற்றம்
சிந்தையை வென்றிடும் அழகு.

கன்னங் கரிய வண்ணப் பறவை
கற்கண்டாய் மனம் இனித்திடக் கூவும்
கல்லையும் கரைத்திடும் குயிலின் இன்குரல்
கவலையை போக்கிடும் அழகு

வண்ணம் பலவும் வகையாய்ப் பெற்று
வசியம் செய்தே வாட்டம் போக்கிடும்
வனப்புடன் மிளிரும் வண்ணத்துப் பூச்சி
வசப்படுத்திடும் வர்ணம் அழகு

இருளில் ஒளிரும் மின்மினிக்கூட்டம்
இறங்கிய நட்சத்திரம் எனக் காட்டும்
இலங்கிடும் புள்ளிகள் மின்னி மினுக்கிடும்
மின்மினிப் பூக்கள் அழகு

மலர்களும் அழகு மகிழ்ச்ச்சியும் அழகு
மலர்களை யொத்த மனதினைப் பெற்ற
மன்னித்திடும் நல்ல மாண்பினைக்கொண்ட
மானுட உலகம் அழகு

கருணையுள்ளம் கனிந்த நல் தேகம்
கணமணிபோல் நம்மை காக்கும் நன்நேசம்
கருமுதல் தொடங்கி கடைசிவரை சுமந்த
தாயவள் தான் பேரழகு

கலைவேந்தன் · கலைவேந்தன் Sun 10 Jul 2011 - 13:25

இயற்கையின் அழகு நம்மை வியப்பிலாழ்த்தும் என்றால் அதனினும் பேரழகு நம் தாயவள் தான் என்னும் அரிய உண்மையை அழகுற விவரித்த அருமையான கவிதைக்கு உளம்கனிந்த பாராட்டுகள் அபுதுல்லாஹ்..!

இந்த பதிவைத் துவங்கியவர் நன்றி கூறியுள்ளார் கலைவேந்தன்

**இளமாறன்** · **இளமாறன்** Sun 10 Jul 2011 - 13:34

அழகான வார்த்தைகள் அழகை நோக்கி 677196

தாயை விட அழகாய் வேறு யார் உண்டு அழகை நோக்கி 224747944

அப்துல்லாஹ் · அப்துல்லாஹ் Sun 10 Jul 2011 - 13:38

நன்றி கலை மற்றும் இளமாறன்...

**சிவா** · **சிவா** Sun 10 Jul 2011 - 14:03

அழகுக் கவிதை படைத்த அப்துல்லாஹ் சாருக்கு பாராட்டுக்கள்!

செய்தாலி · செய்தாலி Sun 10 Jul 2011 - 14:33

தீட்டிய வரிகள் அழகு
உயிர்கொண்ட இயற்கை அழகு
புவியழகெல்லாம் தலைவணங்கும் தாய்யழகு
அழகின் உன்னதம் சொல்லும்
தொன்மை தமிழ் அழகு
ஆசானின் கவியும் அழகோ அழகு

அப்துல்லாஹ் · அப்துல்லாஹ் Sun 10 Jul 2011 - 14:39

வாசித்துப் பாராட்டிய உயர்ந்த உள்ளங்களுக்கு என் அன்பும் நன்றியும்....

மஞ்சுபாஷிணி · மஞ்சுபாஷிணி Sun 10 Jul 2011 - 18:13

மயிலின் அழகு நடனமும்
குயிலின் ரீங்கார இன்னிசையும்
வண்ணத்துப்பூச்சியின் அழகும்
மின்மினிப்பூச்சிகளின் ஒளியும்
மணம் பரப்பும் மலர்களும்
அந்த மலரின் மென்மையை
மனதாகக்கொண்ட மனிதமும்
எல்லாமே அழகு தான்....
ஆனால் இந்த அழகெல்லாம் தாயின் கனிவில் கருணையில் கரைந்துவிடும் அழகு மட்டுமே.. தாயின் அன்பே பேரழகு என்று மிக அருமையான வரிகளால் பொருத்தமான படத்துடன் விவரித்தமை அழகு....

அன்பு வாழ்த்துகள் அப்துல்லாஹ் சார்.

அப்துல்லாஹ் · அப்துல்லாஹ் Sun 10 Jul 2011 - 18:17

மஞ்சுபாஷிணி wrote:மயிலின் அழகு நடனமும்
குயிலின் ரீங்கார இன்னிசையும்
வண்ணத்துப்பூச்சியின் அழகும்
மின்மினிப்பூச்சிகளின் ஒளியும்
மணம் பரப்பும் மலர்களும்
அந்த மலரின் மென்மையை
மனதாகக்கொண்ட மனிதமும்
எல்லாமே அழகு தான்....
ஆனால் இந்த அழகெல்லாம் தாயின் கனிவில் கருணையில் கரைந்துவிடும் அழகு மட்டுமே.. தாயின் அன்பே பேரழகு என்று மிக அருமையான வரிகளால் பொருத்தமான படத்துடன் விவரித்தமை அழகு....

அன்பு வாழ்த்துகள் அப்துல்லாஹ் சார்.

ஈகரையில் ஓர் அன்னை உச்சி மோர்ந்தது போல் உள்ளம் குளிர்கிறது

Sponsored content · Sponsored content

அழகை நோக்கி

அழகை நோக்கி

Re: அழகை நோக்கி

Re: அழகை நோக்கி

Re: அழகை நோக்கி

Re: அழகை நோக்கி

Re: அழகை நோக்கி

Re: அழகை நோக்கி

Re: அழகை நோக்கி

Re: அழகை நோக்கி

Re: அழகை நோக்கி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக