அம்பிகா மற்றும் உயர் தலைவர்கள் கைது செய்யப்பட்டனர்.

by **சிவா** Sat Jul 09, 2011 1:51 pm

கோலாலம்பூரில் பெட்டாலிங் ஸ்டீரிட், டயாபூமி வளாகம், ஜாமெய்க் பள்ளிவாசல், புடு, சோஹோ ஆகியவற்றில் குறைந்தது ஐந்து ஊர்வலங்கள் தொடங்கின.

போலீசார் அந்த ஊர்வலங்களைக் கலைப்பதற்கு கண்ணீர்ப் புகைக் குண்டுகளை வீசினர். நீரையும் பாய்ச்சினர். பின்னர் அந்த ஊர்வலங்கள் அனைத்தும் புடுராயா- மெனாரா மே பாங்க் பகுதியில் ஒன்றிணைந்தன.

அந்த இடத்தில் கிட்டத்தட்ட 10,000 பேர் கூடியிருந்ததாக மதிப்பிடப்படுகிறது.

கூட்டத்தினரைக் கலைப்பதற்கு போலீசார் முயன்றும் வெற்றி பெறவில்லை. இருதரப்புக்கும் இடையில் இழுபறிப் போராட்டம் தொடருகிறது.

இதனிடையே பெர்சே 2.0 தலைவர் அம்பிகா ஸ்ரீனிவாசன், பாஸ் தலைவர் அப்துல் ஹாடி அவாங், லெம்பா பந்தாய் எம்பி நுருல் இஸ்ஸா அன்வார், பத்து எம்பி தியான் சுவா ஆகியோர் கைது செய்யப்பட்டுள்ளனர்.

கேஎல் சென்ட்ரலில் போலீசார் கூட்டத்தினரைக் கலைப்பதற்குப் போலீசார் கண்ணீர் புகைக் குண்டுகளை வீசினர். அதில் தமக்கு சிறிய காயம் ஏற்பட்டதாக எதிர்த்தரப்புத் தலைவர் அன்வார் இப்ராஹிம் தமது டிவிட்டர் பக்கத்தில் செய்தி அனுப்பியுள்ளார். தமது புதல்விகளான நுருல் இஸ்ஸாவும் நுருக் ஹானாவும் கைது செய்யப்பட்டுள்ளதாகவும் அவர் சொன்னார்.

புக்கிட் பிந்தாங்கில் அம்னோ இளைஞர் தலைவர் கைரி ஜமாலுதீன் கைது செய்யப்பட்டார்.

இது வரையில் மொத்தம் 540 பேர் கைது செய்யப்பட்டுள்ளனர். அவர்களில் 479 பேர் ஆண்கள், 58 பேர்

பெண்கள். மூவர் வயது குறைந்தவர்கள்.