பெண்களே ஜாக்கிரதை மீண்டும் மோசடி போலி சாமியார்

**இளமாறன்** · **இளமாறன்** Sat Jul 09, 2011 2:56 pm

ஜோதிடம் பார்ப்பதாக கூறி பெண்களை பாலியல் பலாத்காரம் செய்ய முயன்ற போலி சாமியார் கைது

நெல்லை
மாவட்டத்தில் ஜோதிடம் பார்ப்பதாக கூறி பெண்களை விடுதிக்கு அழைத்துச்
சென்று அவர்களை பாலியல் பலாத்காரம் செய்ய முயன்ற போலி சாமியாரை போலீசார்
கைது செய்தனர்.

போலீசாரையும், செய்தியாளர்களையும் போலி சாமியார் அடிக்க பாய்ந்ததால் அந்த இடத்தில் பரபரப்பு ஏற்பட்டது.

கேரள மாநிலத்தைச்
சேர்ந்தவர் நந்தகுமார். ஜோதிடம் மற்றும் குறி சொல்லும் தொழில் செய்து வரும்
இவர், தமிழகத்தில் பல்வேறு பகுதிகளுக்குச் சென்று பெண்களுக்கு மட்டும்
ஜோதிடம் பார்த்து வந்ததாக கூறப்படுகிறது.

நெல்லையில்
உள்ள தனியார் விடுதி ஒன்றில் தங்கியிருந்த நந்தகுமாரிடம் பெண்கள் சிலர்
சென்றுள்ளனர். அப்போது குடிபோதையில் இருந்த நந்தகுமார் அவர்களை, பாலியல்
பலாத்காரம் செய்ய முயற்சி செய்ததாக கூறப்படுகிறது.

இந்த தகவல் அறிந்து
சம்பவ இடத்திற்கு விரைந்த போலீசார் மற்றும் செய்தியாளர்களையும் நந்தகுமார்
அடிக்க பாய்ந்தார். இதனால் அந்த இடத்தில் பரபரப்பு ஏற்பட்டது.

இதையடுத்து போதையில் இருந்த நந்தகுமாரை கைது செய்த போலீசார், அவரிடம் விசாரணை நடத்தி வருகின்றனர்.

நக்கீரன்