கறிவேப்பிலையை சாதாரணமாக நினைத்து ஒதுக்காதீர்!!!

by abuwasmee Fri Jul 08, 2011 9:54 pm

மாறிவரும் இயந்திர யுகத்துக்கு ஏற்ப நோய்களும் புதிது புதிதாக வர ஆரம்பித்து விட்டன.

இப்பொதெல்லாம், இளம் வயதிலேயே, பார்வைக் கோளாறு, மாரடைப்பு போன்ற நோய்கள் ஏற்படுவது மக்களை பீதியடையச் செய்கிறது. நோய்களின் தாக்கத்தில் இருந்து நம்மைக் காத்துக் கொள்ள உடற்பயிற்சி மிக முக்கியம். அதோடு சரிவிகித உணவு அவசியம்.அதிலும் இயற்கையில் கிடைக்கும் உணவுப் பொருட்களில் எத்தனையோ சத்துக்கள் பொதிந்து கிடக்கின்றன.

நமது உணவுப் பொருட்களுடன் அன்றாடம் சேர்க்கப்படும் கறிவேப்பில்லையை சாப்பிடாமல் ஒதுக்கி விட வேண்டாம்.

அதில், வைட்டமின் ஏ 75000 மைக்ரோ கிராம், கால்சியம், போலிக் அமிலம், மற்றும் வைட்டமின் பி, சி ஆகிய சத்துக்கள் நிறைந்து காணப்படுகிறது.

'வைட்டமின் ஏ' சத்து குறைவினாலே, பார்வை சம்பந்தமான கோளாறுகள் ஏற்படுகின்றன.

முருங்கைக் கீரை போல, கறிவேப்பில்லையிலும் 'ஏ' சத்து அதிகமிருப்பதால் இனி இதை தவிர்க்க வேண்டாமே!. மேலும், மற்ற உணவு வகைகளைப் போல கறிவேப்பில்லையை நாம் தேடி அலைய வேண்டாம். நமது அன்றாட உணவு வகையிலேயே கலந்து கிடக்கிறது.

உணவின் வாசனையை அதிகரிக்கத்தான் கறிவேப்பிலை பயன்படுகிறது என்று பலர் கருதுகின்றனர். இதனால் தான் சாப்பிடும்போது உணவில் கிடக்கும் கறிவேப்பிலையை எடுத்து கீழே போட்டு விடுகிறார்கள். ஆனால் இனிமேல் இப்படிச் செய்யாதீர்கள். ஏனெனில் கறிவேப்பிலையில் பல்வேறு மருத்துவ குணங்கள் இருப்பதாக சமீபத்திய ஆய்வுகள் மூலம் தெரிய வந்துள்ளது. கறிவேப்பிலையின் தாவரப்பெயர் முரையா கோய்னிஜா. இது ருட்டேசி என்ற தாவரக் குடும்பத்தை சேர்ந்தது. கறிவேப்பிலையில் வைட்டமின் ஏ,பி, சி,கால்சியம் போன்றவைகள் உள்ளன. மேலும் கறிவேப்பிலையில் கோயினிஜாக், குளுகோசைட், ஒலியோரெசின், ஆஸ்பர்ஜான் சொரின், ஆஸ்பார்டிக் அமிலம், அயாமைன்,புரோலைன் போன்ற அமினோ அமிலங்கள் உள்ளது. இவைகள்தான் கறிவேப்பிலைக்கு இனிய மணத்தை தருகிறது. பல மருத்துவ குணங்களையும் வெளிப்படுத்துகிறது.

இந்திய சமையலில் வாசனைக்கு சேர்க்கப்படும் மசாலா அயிட்டமான கறிவேப்பிலை புற்றுநோயை ஆரம்பித்திலேயே கொல்லும் ஆற்றல் உடையது என்பதை அண்மையில் ஆஸ்திரேலிய உணவியல் அறிஞர்கள் கண்டறிந்துள்ளனர்.

நியூட்ரிசன் சைன்டிஸ்ட் ஆப் சிசைய்ரோ என்பது ஆஸ்திரேலியாவின் மிகப்பெரிய மருத்துவ ஆராய்ச்சி நிறுவனம். மசாலாப் பொருட்கள் நல்ல வாசனை உடையது மட்டுமல்ல அது பல மருத்துவ குணங்களை கொண்டது என்பதை அந்நிறுவனம் கண்டறிந்துள்ளது. இந்நிறுவன தலைமை ஆராய்ச்சியாளர் லனேகோபியாக் கறிவேப்பிலை சிறந்த ஆண்டி ஆக்ஸிடென்டாக இயங்குகிறது என்கிறார். இது புற்றுநோய், இதய நோய்களை குறைக்கும் ஆற்றல் கொண்டது. மேலும் கறிவேப்பிலையால் ஞாபக சக்தி எளிதில் கிடைக்கிறது என்கிறார் இவர்.

கறிவேப்பிலையிலிருந்து எண்ணை எடுத்து அதை நுரையீரல்,இருதயம், கண்நோய்களுக்கு தலைக்கு தேய்க்கும் எண்ணையாக பயன்படுத்தலாம் என இங்கிலாந்தில் உள்ள வேளாண் மருத்துவ ஆராய்ச்சி நிலையம் தெரிவித்துள்ளது.

சாதாரணமாக 100 கிராம் கறிவேப்பிலையை அரைத்து சாற்றை எடுத்து 100கிராம் தேங்காய் எண்ணையில் கலந்து இதமான சூட்டில் ஈரப்பதம் நீங்கும் வரை காய்ச்சி தினசரி தலைக்கு தேய்த்து வந்தால் உடல் உஷ்ணம்
மங்கும். பரம்பரை நரை வராது. கண்பார்வை குறைவு ஏற்படாது. கறிவேப்பிலையை அரைத்து சாப்பிட்டால் நுரையீரல்,இருதய சம்பந்தப்பட்ட ரத்த சம்பந்தப்பட்ட நோய்கள் வருவது குறையும் என்கிறது இந்நிறுவனம்.

இந்தியாவின் திருவனந்தபுரத்திலுள்ள கேரளா யூனிவர்சிட்டியில் கறிவேப்பிலையையும்,கடுகையும் தாளிக்க பயன்படுத்தினால் அதனால் நன்மை உண்டா? என்பது பற்றி ஆராய்ந்தார்கள் மருத்துவ குழுவினர். அதில் கறிவேப்பிலையும், கடுகும் சேர்ந்து நமது திசுக்களை அழிவிலிருந்து பாதுகாக்கிறது என்பது தெரிய வந்தது. மேலும் பிரிரேடிக்கல்ஸ் உருவாவதையும் தடுக்கிறது. பிரிரேடிக்கல்ஸ் உருவாவதால்தான் டி.என்.ஏ. பாதிக்கிறது. செல்களிலுள்ள புரோட்டின் அழிகிறது. விளைவு கேன்சர், வாதநோய்கள் தோன்றுகின்றன. தாளிதம் செய்யும்போது நாம் பயன்படுத்தும் கறிவேப்பிலையும்,கடுகும் பிரிரேடிக்கல்ஸ் உருவாவதை தடுப்பதாக ஆய்வில் கண்டறிந்துள்ளனர்.

இதுதவிர நீரிழிவு நோயாளிகள் காலையில் 10 கறிவேப்பிலை இலையையும், மாலையில் 10 இலையையும் பறித்த உடனேயே வாயில் போட்டு மென்று சாற்றை விழுங்கி வந்தால் மாத்திரை சாப்பிடும் அளவை பாதியாக குறைத்து விடலாம் என்கிறார்கள் மருத்துவர்கள்.

தினசரி வெறும் வயிற்றில் கறிவேப்பிலை இலையை 3மாதங்கள் சாப்பிட்டு வந்தால் நீரிழிவால் உடல் கனமாவது குறைக்கப்படும். சிறுநீரில் சர்க்கரை வெளியேறுவதும் முற்றிலும் தடை செய்யப்படும். கறிவேப்பிலை ரத்தத்தில் இருக்கும் கொழுப்பை குறைக்கவும்,அறிவை பெருக்கவும் உதவுகிறது.கறிவேப்பிலையை பச்சையாகவே மென்று தின்றால் குரல் இனிமையாகும். சளியும் குறையும் என்கிறார்கள் மருத்துவர்கள்.

இந்தியன் கவுன்சில் ஆப் மெடிகல் தினமும் 170கிராம் காய்கறிகளை சாப்பிட சிபாரிசு செய்கிறது. 75 - 125 கிராம் கீரைகளையும் சாப்பிட சிபாரிசு செய்கிறது. 170 கிராம் காய்கறிகளை சாப்பிட முக்கியமான 10 காய்கறிகளையும் குறிப்பிடுகிறது. அதில் ஒன்று கறிவேப்பிலை என்பது குறிப்பிடத்தக்கது.
நன்றி: திரு.சௌந்தர்

by **சிவா** Fri Jul 08, 2011 9:58 pm

கறிவேப்பிலையின் மகத்துவத்தை அறியத் தந்தமைக்கு நன்றி நண்பா!

by **ரா.ரமேஷ்குமார்** Fri Jul 08, 2011 10:07 pm

பயனுள்ள தகவல் நான் தலைமுடிக்கு மட்டும் தான் கறிவேப்பில்லை பயன்படுகிறது என்று இளநரையைக்காக தினமும் கறிவேப்பிலை சாப்பிட்டு கொண்டு வந்தேன் இதில் இத்தனை நன்மைகள் உள்ளது என அறிய வைத்தமைக்கு நன்றி...

by **சிவா** Fri Jul 08, 2011 10:11 pm

ரா.ரமேஷ்குமார் wrote:பயனுள்ள தகவல் நான் தலைமுடிக்கு மட்டும் தான் கறிவேப்பில்லை பயன்படுகிறது என்று இளநரையைக்காக தினமும் கறிவேப்பிலை சாப்பிட்டு கொண்டு வந்தேன் இதில் இத்தனை நன்மைகள் உள்ளது என அறிய வைத்தமைக்கு நன்றி...

உங்களுக்கு கறிவேப்பிலை சாப்பிட்டு இளநரை குறைந்துள்ளதா ரமேஷ்!

by **ரா.ரமேஷ்குமார்** Fri Jul 08, 2011 10:13 pm

தெரியவில்லை அண்ணா ஒரு நம்பிக்கையில் தொடர்ந்து கொண்டு இருக்கிறேன் அதிகமாக இல்லை ஆங்காங்கே சில உள்ளதால் 20 நாட்களுக்கு ஒரு முறை மருதானி பூசி மறைத்து விடுவேன் அண்ணா... புன்னகை

by **சிவா** Fri Jul 08, 2011 10:15 pm

ரா.ரமேஷ்குமார் wrote:தெரியவில்லை அண்ணா ஒரு நம்பிக்கையில் தொடர்ந்து கொண்டு இருக்கிறேன் அதிகமாக இல்லை ஆங்காங்கே சில உள்ளதால் 20 நாட்களுக்கு ஒரு முறை மருதானி பூசி மறைத்து விடுவேன் அண்ணா...

இது ஒன்றும் பெரிய குறை இல்லையே! எனக்கும்தான் தலையில் வழுக்கை விழுந்துவிட்டது! கறிவேப்பிலையை சாதாரணமாக நினைத்து ஒதுக்காதீர்!!! 440806

by **இளமாறன்** Fri Jul 08, 2011 10:19 pm

நல்ல தகவல் கறிவேப்பிலையை சாதாரணமாக நினைத்து ஒதுக்காதீர்!!! 677196

சிவா வழுக்கையா அதிர்ச்சி

by **சிவா** Fri Jul 08, 2011 10:21 pm

இளமாறன் wrote:நல்ல தகவல்

சிவா வழுக்கையா

இப்பொழுதுதான் இளா ஆரம்பிக்கிறது! இன்னும் ஒரு வருடத்தில் முழுதாக முடிந்துவிடும் போலிருக்கிறது! கறிவேப்பிலையை சாதாரணமாக நினைத்து ஒதுக்காதீர்!!! 440806

by **ரா.ரமேஷ்குமார்** Fri Jul 08, 2011 10:24 pm

சிவா wrote:
இது ஒன்றும் பெரிய குறை இல்லையே! எனக்கும்தான் தலையில் வழுக்கை விழுந்துவிட்டது!

விடுங்க அண்ணா போய்விட்டு போகிறது கலைஞர் சிகை அலங்காரத்திற்க்கு மாறிவிடலாம்... சிரி

by **இளமாறன்** Fri Jul 08, 2011 10:25 pm

சிவா wrote:
இளமாறன் wrote:நல்ல தகவல்

சிவா வழுக்கையா

இப்பொழுதுதான் இளா ஆரம்பிக்கிறது! இன்னும் ஒரு வருடத்தில் முழுதாக முடிந்துவிடும் போலிருக்கிறது!

முன் பகுதியில் விழுவது அறிவு வழுக்கை அது உங்க்கள் திறமையின் வெளிப்பாடு தலை நடுவில் வருவது ஜெனெடிக்ஸ் என்று நினைக்கிறேன் அந்த தாவணி மங்க்கை ஒன்றும் சொல்ல வில்லையா கறிவேப்பிலையை சாதாரணமாக நினைத்து ஒதுக்காதீர்!!! 440806