இன்று நள்ளிரவு தொடக்கம் கோலாலம்பூரில் பல முக்கியச் சாலைகள் மூடப்படும்

by **சிவா** Fri Jul 08, 2011 5:21 pm

தடை செய்யப்பட்டுள்ள நாளைய பெர்சே 2.0 பேரணியை ஒட்டி இன்று நள்ளிரவு தொடக்கம் கோலாலம்பூர் நகர மய்யத்துக்குச் செல்லும் பல முக்கியச் சாலைகளை போலீசார் மூடுகின்றனர்.

தேர்தல் சீர்திருத்தத்துக்குப் போராடும் அந்த அமைப்பு சட்டவிரோதமானது என அதிகாரிகள் அறிவித்தும், பேரணியில் பங்கு கொள்வோர் கைது செய்யப்படுவர் எனப் போலீசார் எச்சரிக்கை விடுத்தும், தான் திட்டமிட்டுள்ள ஆர்ப்பாட்டத்தை நடத்தப் போவதாக அந்த அமைப்பு அறிவித்துள்ளது.

முக்கியமான சந்திப்புக்களிலிருந்து மாநகருக்குள் செல்வதற்கான வழிகளை தடுப்பதற்கான அரச மலேசியப் போலீஸ் படையின் திட்டங்களின் விவரங்கள் அதன் பேஸ் புக் பக்கத்தில் வெளியிடப்பட்டுள்ளன.

எதிர்த்தரப்புப் பேரணிகளைச் சேர்ந்தவர்கள் ஒன்று கூடுவதற்கான மய்யங்கள் எனச் சந்தேகிக்கப்படும் இடங்களிலும் அவற்றைச் சுற்றிலும் அந்தச் சாலைகளில் பெரும்பாலானவை உள்ளன. அந்த இடங்களில் மெர்தேகா சதுக்கம் , சோஹோ வளாகம், ஜமெய்க் பள்ளிவாசல் , புக்கிட் பிந்தாங் ஆகியவையும் அடங்கும்.

“அனைவரும் போக்குவரத்து விதிகளைப் பின்பற்றுவதோடு போக்குவரத்து அதிகாரிகளின் உத்தரவுகளுக்கு ஒத்துழைக்கவும் வேண்டும்,” என பேஸ் புக் பக்கத்தில் போலீஸ் கேட்டுக் கொண்டுள்ளது.

“நகர மய்யத்தில் முக்கியமான அலுவல் இல்லாத யாரும் அந்தக் குறிப்பிட்ட தேதியில் (ஜுலை 9) அந்தப் பகுதிக்குள் நுழைய வேண்டாம் என அறிவுரை கூறப்படுகிறது. இதில் பொது மக்களுடைய ஒத்துழைப்பு பெரிதும் பாராட்டப்படும்.”

பாதிக்கப்பட்ட சாலைகள்

இன்று நள்ளிரவு தொடக்கம் கோலாலம்பூரில் பல முக்கியச் சாலைகள் மூடப்படும் Block11

இன்று நள்ளிரவு தொடக்கம் கோலாலம்பூரில் பல முக்கியச் சாலைகள் மூடப்படும் Block11

இன்று நள்ளிரவுக்குப் பின்னர் மணி 12.01க்கு சாலைத் தடுப்புக்களும் போக்குவரத்தை மாற்றி விடும் நடவடிக்கைகளும் நடப்புக்கு வரும். ஜாலான் சையட் புத்ரா, ஜாலான் இஸ்தானா, ஜாலான் புக்கிட் பெட்டாலிங், ஜாலான் பெல்லாமி, இஸ்தானா நெகாராவை சுற்றியுள்ள பகுதிகள் ஆகியவற்றுக்குள் நுழையும் இடங்கள் ஆகியவை பாதிக்கப்பட்ட இடங்களாகும்.

பூமலையைச் சுற்றிலும் உள்ள தேசியப் பள்ளிவாசல் பகுதியும் பாதிக்கப்படும். அதில் ஜாலான் சுல்தான் ஹிஷாமுடின், ஜாலான் லெம்பா பெர்தானா, ஜாலான் செண்டிராசாரி ஆகிய சாலைகள் முழுமையும் அடங்கும்.

நகர மத்தியில் மெர்தேகா சதுக்கம், பாசார் செனி, ஜமெய்க் பள்ளிவாசல், கோலாலம்பூர் மாநகராட்சி மன்றச் சதுக்கம், சோஹோ வளாகம், மாஜு ஜங்ஷன், கம்போங் பாரு பள்ளிவாசல், ஜாலான் கினாபாலு, ஜாலான் கூச்சிங், ஜாலான் சுல்தான் இஸ்மாயில், ஜாலான் ராஜா லாவுட், ஜாலான் ஸ்ரீ அமார், ஜாலான் துவாங்கு அப்துல் ரஹ்மான், ஜாலான் ஹாஜி தாயிப், ஜாலான் ராஜா மூடா மூசா, ஜாலான் ராஜா போட், ஜாலான் ராஜா அப்துல்லா, ஜாலான் டாங் வாங்கி, ஜாலான் முன்ஷி அப்துல்லா, ஜாலான் கெரேஜா, ஜாலான் ராஜா சூலான், ஜாலான் துன் பேராக், ஜாலான் துன் தான் செங் லாக், ஜாலான் சுல்தான் மாஹ்முட் மற்றும் அவற்றுக்கு அருகில் உள்ள பகுதிகளிலும் சாலைத் தடுப்புக்கள் அமைக்கப்பட்டிருக்கும்.

தலைநகரில் மூன்று முக்கிய பஸ் நிலையங்களான -புடுராயா, புத்ரா, பெக்கெலிலிங் ஆகியவையும் மூடப்படும் என்றும் இடைக்கால கோலாலம்பூர் போலீஸ் படைத் தலைவர் அமார் சிங் கூறினார். இன்று நள்ளிரவு தொடக்கம் 22 மணி நேரத்துக்குக் கோலாலம்பூரைச் சுற்றிலும் பஸ் பாதைகள் மாற்றி விடப்படும் என்றும் அவர் சொன்னார்.

இன்று கோலாலம்பூர் முழுவதும் கலகத் தடுப்பு போலீஸ் வாகனங்களும் இராணுவ வீரர்களும் காணப்பட்டனர். அதனால் தலைநகரில் பதற்ற நிலை அதிகரித்துள்ளது.

by பாலாஜி Fri Jul 08, 2011 5:30 pm

பெர்சே 2.0 பேரணியின் நோக்கம் என்ன அய்யா ?

by **சிவா** Fri Jul 08, 2011 5:47 pm

வை.பாலாஜி wrote:பெர்சே 2.0 பேரணியின் நோக்கம் என்ன அய்யா ?

இங்கு எழுதியுள்ளேன் ஐயா!

http://www.eegarai.net/t63020p15-9#572043

by பாலாஜி Fri Jul 08, 2011 5:50 pm

சிவா wrote:
வை.பாலாஜி wrote:பெர்சே 2.0 பேரணியின் நோக்கம் என்ன அய்யா ?

இங்கு எழுதியுள்ளேன் ஐயா!

http://www.eegarai.net/t63020p15-9#572043

நன்றி அய்யா , நான் இப்ப வாசித்து தெரிந்துகொள்கின்றேன் ...... சூப்பருங்க

by **சிவா** Fri Jul 08, 2011 5:56 pm

கோலாலம்பூரிலிருந்து 30 கிமீ தொலைவிலுள்ள பூச்சோங் என்னுமிடத்தில் சாலைகள் முழுதும் கார்கள் அணிவகுத்து நிற்கிறது! வேலை முடித்துச் செல்லும் மக்களின் நிலை பரிதாபத்துக்குரியதாக உள்ளது. நல்ல வேளை நான் தப்பி வந்துவிட்டேன்!

இன்று நள்ளிரவு தொடக்கம் கோலாலம்பூரில் பல முக்கியச் சாலைகள் மூடப்படும் DSC01351

இன்று நள்ளிரவு தொடக்கம் கோலாலம்பூரில் பல முக்கியச் சாலைகள் மூடப்படும் DSC01351

by பாலாஜி Fri Jul 08, 2011 6:04 pm

சிவா wrote:கோலாலம்பூரிலிருந்து 30 கிமீ தொலைவிலுள்ள பூச்சோங் என்னுமிடத்தில் சாலைகள் முழுதும் கார்கள் அணிவகுத்து நிற்கிறது! வேலை முடித்துச் செல்லும் மக்களின் நிலை பரிதாபத்துக்குரியதாக உள்ளது. நல்ல வேளை நான் தப்பி வந்துவிட்டேன்!

நீங்க சிங்கம்லா ....... சூப்பருங்க

by SK Fri Jul 08, 2011 6:12 pm

வை.பாலாஜி wrote:
சிவா wrote:கோலாலம்பூரிலிருந்து 30 கிமீ தொலைவிலுள்ள பூச்சோங் என்னுமிடத்தில் சாலைகள் முழுதும் கார்கள் அணிவகுத்து நிற்கிறது! வேலை முடித்துச் செல்லும் மக்களின் நிலை பரிதாபத்துக்குரியதாக உள்ளது. நல்ல வேளை நான் தப்பி வந்துவிட்டேன்!

நீங்க சிங்கம்லா .......

இரும்பு கோட்டை முரட்டு சிங்கம்

இன்று நள்ளிரவு தொடக்கம் கோலாலம்பூரில் பல முக்கியச் சாலைகள் மூடப்படும் Irumbu-Kottai-Murattu-Singam

by ரேவதி Fri Jul 08, 2011 6:17 pm

ரபீக் அண்ணா சொன்னமாதிரி இரும்பு கோட்டை கிலட்டு சிங்கம்

by சிவசங்கர் Fri Jul 08, 2011 7:58 pm

அண்ணா, இப்பதான் சுபாங் ஜெயாவில் ஏறக்குறைய 1.5 கி.மீ தூரத்தைக் கடக்க கிட்டதட்ட 3 மணி நேரம் காத்திருந்து, நொந்து நூலாகி ரவாங் வந்து சேர்ந்தேன். மிகக் கேவலமான அடக்குமுறை நாடகம் ஒன்று மலேசியாவில் நடந்தேறிக் கொண்டிருக்கிறது. இதற்கெல்லாம் அடுத்து வரும் பொதுத்தேர்தல் அரசாங்கத்திற்குப் பதில் சொல்லும்.... அறிவிளிகளின் அரசாங்கம் சொல்லும் ஆணைகளைக் கேட்டு, அதிகாரிகளும் அறிவில்லாமல் நடந்து கொள்கிறார்கள். உண்மையில் 'பெர்சே' பேரணி மக்களை தொந்தரவு செய்யப் போவதில்லை. அதனை காரணம் காட்டி, அரசாங்கம் தான் மக்களை இன்னல் படுத்துகிறது. அநியாயம்