அம்மா நீ எங்கே??

by மீனு Mon Sep 14, 2009 9:26 pm

உலகிலே சிறந்தது
உயிரினும் மேலாலனது
உன் பாசம்; உன் நேசம்; உன் அன்பு; உன் அரவணைப்பு
எல்லாமே தேவையே எனக்கின்று
அம்மா நீ இன்று
எவ்வூரில் ஓடுகின்றாய்?

கோரப்புயல் போல
கொடுமைகள் புரிந்துநிற்கும்
கொடியவர் துரத்தினரா?
கொண்டதே கோலமாக
கொடுந்துயர் கொண்டு நீயும்
கலங்கியே ஓடினாயோ?

கணவனே துணை என்றாய்
கடல் கடந்து வந்து விட்டேன்
கண்காணா ஊரிலின்று
கண்கலங்கி நிற்கின்றேன்
அம்மா உனை என்று காண்பேன்
உன் கையால் சோறு உண்ண ஆசை
என் பிள்ளையை நீ அள்ளி
அணைத்து மகிழ்வதைக்காண ஆசை

ஆயிரம்பேர் இருந்தென்ன
ஆயிரமாய் பணம் வந்தென்ன
ஆளாக்கி வளர்த்த உன்
அன்பு மனம் தவிக்கின்றதே

தத்தித் தத்தி நடக்கையிலே
தள்ளாடி விழுமென்னை
தாவியே ஓடிவந்து
தாங்கியே நீ பிடித்தாய்
தளர் நடை போட்டு நீ
தள்ளாடி நடக்கையிலே
தள்ளியே நானிருந்து
தவிக்கின்ற தவிப்புக்களை
என்னென்று உரைத்திடுவேன்

உனைப் பிரிந்த பின்தானே
உனை எண்ணிப்பார்க்கின்றேன்
தாயான பின்தானே
தாய்ப்பாசம் உணர்ந்திட்டேன்
என்செய்வேன் ஏதுசெய்வேன்
என்றேங்கி வாடுகின்றேன்
அம்மா நீ எங்கே?

by **சிவா** Mon Sep 14, 2009 10:12 pm

ஆயிரம் பேர் நம் வாழ்வில் வந்தாலும் தாயன்புக்கு ஈடேது!

அருமை மீனுகா!

by nandhtiha Mon Sep 14, 2009 10:31 pm

வணக்கம்
கொண்டதே கோலமாக
கொடுந்துயர் கொண்டு நீயும்
கலங்கியே ஓடினாயோ?
ஓராண்டுக்கு முன் ஓடிய தாய்மார்களைக் கண் முன் கொண்டு நிறுத்திவிட்டார்,
வடிகின்ற கண்ணீரைத் துடைக்க வழியற்றுப் போனேனே
குமுறும் இதயத்துடன்
நந்திதா

by மீனு Mon Sep 14, 2009 11:42 pm

அம்மா என்றால் எனக்கு ரொம்ப இஷ்டம் ஷிவா அண்ணா, நந்திதா அக்கா.. எல்லோருக்குமே அம்மா என்றால் இஷ்டம்..
இந்த கவிதை என் அம்மா ஈகரைல போடா சொல்லி தந்த கவிதை ..இவை எல்லாம் என் அம்மாவின் ஆசைகள்.. உங்கள் அன்பையும் பாராட்டையும் அம்மாவுக்கு சொல்கின்றேன் நான்..

by **சிவா** Mon Sep 14, 2009 11:44 pm

meenuga wrote:அம்மா என்றால் எனக்கு ரொம்ப இஷ்டம் ஷிவா அண்ணா, நந்திதா அக்கா.. எல்லோருக்குமே அம்மா என்றால் இஷ்டம்..
இந்த கவிதை என் அம்மா ஈகரைல போடா சொல்லி தந்த கவிதை ..இவை எல்லாம் என் அம்மாவின் ஆசைகள்.. உங்கள் அன்பையும் பாராட்டையும் அம்மாவுக்கு சொல்கின்றேன் நான்..

இதைத்தான் அம்மாபிள்ளை என்று கூறுவார்களோ?

by ரூபன் Mon Sep 14, 2009 11:45 pm

by nandhtiha Mon Sep 14, 2009 11:46 pm

அன்புச் சகோதரி
புற நானூற்றுப் பெண்ணைப் போன்ற உன்னைப் பெற்ற அந்த புண்ணியவதிக்கு என் பணிவான வணக்கத்தையும் சொல்
அன்புடன்
நந்திதா

by ரூபன் Mon Sep 14, 2009 11:52 pm

என் வெற்றியின் போது உவகை கொள்ளவும்
என் துக்கத்தில் மடியில் முகம் புதைக்கவும்
நியில்லையே என்னருகில் யாரிருப்பார் இனி எனக்கு அம்மா அம்மா நீ எங்கே?? 67637