மௌனத்தில் விளக்கெறித்து...

கண்களால் கட்டியிழுத்து
இதயத்தில் சிறை வைத்தாள்...
சொல்லால் சொக்கவைத்து
காதலில் சிக்கவைத்தாள்...
கனவுலகில் சஞ்சரித்து ...
கற்பனையில் திளைக்கவைத்தாள் !
மௌனத்தில் விளக்கெறித்து...
மகிழ்ச்சிதனை அடகுவைத்தாள்!
இரவு பகல் உறக்கமின்றி
மென்மனதை அலைக்கழித்தாள் !
உருவான காதலுக்கு உயிர்க்கொடுக்க...
திருமண பந்தத்தில் கைகோர்த்தாள்!
பிறவிப்பயன் இதுவென்று நானறிய...
உறவுக்கு கைகொடுத்தாள்!
மங்கையராய் பிறப்பெடுக்க
மாதவம் செய்திட வேண்டுமென்று...
ஒரு புரிதலான வாழ்வுதனில்
அறியவைத்தாள்!

.....கா.ந.கல்யாணசுந்தரம்.