கொள்ளவா??? கொல்லவா??

வேணி மோகன் · வேணி மோகன் Thu Jul 07, 2011 2:42 pm

என்னிலே உன்னை கொள்ளவா??
உன்னிலே என்னை கொல்லவா??

மீதம் இன்றி என்னை கொள்ளவா
வாதம் செய்யும் என்னைக் கொல்லவா

கச(ட)ந்த கால நினைவைக் கொல்லவா
வசந்த கால நினைவாய்க் கொள்ள வா

இறந்த காலமாய் இருக்கட்டும் துன்பங்கள்
எதிர் காலமாய் இருக்கட்டும் இன்பங்கள்

இன்னல்கள் தரும் எண்ணங்கள் இலதாக்கி
கன்னல்கள் தரும் எண்ணங்கள் உளதாக்கி

கார்மேகம் நீயும், வான்மேகம் நானும்
வாஞ்சையாய் மோத பிறக்கும் சந்தோஷ
மின்னல்கள் பல நமதாக்கி,
வாழ்வதை நமக்காக்கி,
வாழ்ந்திடுவோம்

கனவிலே எண்ணியதை
நினைவிலே நிறைவேற்ற
கொல்ல வா, எனைக்
கொள்ள வா.