இராணுவத்தின் பாவனையான பயிற்சி: “கலைந்து போங்கள் அல்லது சுடுவோம்”

சட்ட விரோதமான கூட்டங்கள் அல்லது ஆர்ப்பாட்டங்களில் கலந்துகொள்வோர்களுக்கு எதிரான மருட்டலை அதிகாரத்துவத்தினர் வெளிப்படுத்தினர். அவர்கள் எவ்விதமான நடவடிக்கைகளுக்கு உட்படுத்தப்படுவர் என்பதை போலியான இராணுவப் பயிற்சியின் மூலம் காட்டினர்.

நேற்று அரச மலாய் இராணுவப்படைக்கும் பெடரல் ரிசர்வ் யுனிட்டுக்கும் இடையில் நடந்த கூட்டத்தைக் கட்டுப்படுத்தும் ஒரு போலியான பயிற்சியின் போது குறிப்பாக இரு பதாதைகள் அவர்களின் நோக்கத்தைத் தெளிவாக காட்டின.கலைந்து செல்லுமாறு விடுக்கப்படும் உத்தரவுக்குப் பணியாவிட்டால் சுடப்படுவர் என்பது ஓர் எச்சரிக்கையாகும்.

“Bersurailah kamu kalau tidak kami tembak” (“Disperse. If not, we will shoot.”) என்ற வாசகங்கள் அந்தப் பதாகைகளில் பெறிக்கப்பட்டிருந்தன. (தமிழ், சீன மொழிகளிலும் ஜாவி எழுத்திலும் கூட எழுதப்பட்டிருந்தன!) ரோயல் மலாய் ரெஜிமெண்டின் 25 ஆவது பட்டாளத்தின் 120 உறுப்பினர்கள் எப்ஆர்யுவின் 125 உறுப்பினர்களுடன் கூட்டாக பயிற்சி நடத்தினர்.


சனிக்கிழமை பெர்சே 2.0 நடத்த விருக்கும் சட்ட விரோத பேரணியில் கலந்துகொள்பவர்களைக் கட்டுப்படுத்துவதற்கு போலீசார் இராணுவப் படையினருடன் ஒத்துழைக்கத் தயாராக இருப்பதாக புக்கிட் அமான் உள்பாதுகாப்பு மற்றும் பொது ஒழுங்கிற்கான இயக்குனர் சாலே மாட் ரசிட் நேற்று கூறியதாக அறியப்படுகிறது.

“நாங்கள் அது எப்படி போகிறது என்று கவனிப்போம். தேவைப்பட்டால், பொது ஒழுங்கை நிலைநாட்டுவதற்கு நாங்கள் (இராணுவத்தின்) உதவியை நாடுவோம்”, என்று அவர் செய்தியாளர்களிடம் கூறினார்.

இக்கூட்டுப் பயிற்சிக்கும் பெர்சே கூட்டணி திட்டமிருக்கும் பேரணிக்கும் தொடர்பு உண்டு என்பதை சாலே மறுத்தார்.

“சமீபத்தில் பிரதமரிடமிருந்து எங்களுக்குக் கிடைத்த புத்தாக்க விருது 2011 ஐ கொண்டாடுவதற்காக நாங்கள் இதைச் செய்தோம்”, என்றாராவர்.

மலேசியாஇன்று

தன் சொந்த நாட்டு மக்கள் மீது இவ்வளவு கடுமையான அடக்குமுறைகளைக் கையாளுவது வேதனைக்குரியது! இராணுவத்தை அரசு உடனடியாகத் திரும்பப் பெற வேண்டும். கண்ணீர்ப் புகைக் குண்டுகளையும், கெமிக்கல் கலந்த தண்ணீரையும் பயன்படுத்துவது ஏற்றுக் கொள்ள முடியாதது. அரசு தன் தவறை மறைக்க மக்களை இப்படித் துன்புறுத்துகிறதோ என எண்ணத் தோன்றுகிறது!



இவ்வாறு எச்சரிப்பதுதான் ஜனநாயக அரசா?

அவர்கள் (மக்கள்) எதற்காக போராட போகிறார்கள் சிவா

பிஜிராமன் wrote:அவர்கள் (மக்கள்) எதற்காக போராட போகிறார்கள் சிவா

காரணம் ஒன்றும் அவ்வளவு பெரிதாக இல்லை. சுதந்திரமான நியாயமான முறையில் தேர்தல் மலேசியாவில் நடத்தப்பட வேண்டும் (பல முறை தேர்தல் கமிஷனிடம் முறையிட்டுப் பயனில்லாததால்) என்று பெர்சே என்ற அமைப்பு, அதன் தலைவர் அம்பிகா சீனிவாசன் தலைமையில் போராட்டம் நடத்துகிறது! அதற்குத்தான் அரசாங்கத்திடமிருந்து இவ்வளவு அச்சுறுத்தல்கள்.

மேலதிக செய்திகள் இங்குள்ளது!

http://www.eegarai.net/t63020-9