மன்னியுங்கள் - இது மனித நேயம்

by அப்துல்லாஹ் Wed Jul 06, 2011 6:25 pm

First topic message reminder :

மன்னியுங்கள் - இது மனித நேயம் - Page 2 Forgiven

வானவில்லின் வண்ணம் நிறை வாழ்வில்
வாய்வழிப் பிழைகள் வலிமிகு வார்த்தைகள்
வந்தோம் வாழ்ந்தோம் மறைவோம் இங்கே
வார்த்தைகள் நிற்கும் வலிகளையுணர்த்தும்

அம்பாய்த் துளைத்து அன்பருளம் சிதைக்கும்
அடி பட்ட பாம்புகளுக்கவகாசம் அளிக்கும்
நிம்மதி தொலைத்து நிழலையும் பகைக்கும்
நிலைகுலைந்த நம்மை நிற்கதியாக்கும்

வருமுன் காத்து பிணிதவிர்த்திடல் போல்
வழியுமுன் மொழியை உணர்ந்திடல் நன்று
கறந்தபின் பாலை மடுவுக்குள் சேர்க்கும்
கைங்கர்யம் இங்கே கடவுளுக்கும் இல்லை

மனிதரை மதித்திடும் மாண்பதன் பலனாய்
மண்ணில் யாவரும் உறவுற்று மகிழ்வர்
மலர்வதோ மரிப்பதோ தீதுடன் நன்றும்
மற்றொருவர் நம்மில் நிகழ்த்துவதில்லை

இனம் மற்றும் மதமென்னும் பேதங்கள் மறந்து
நான்மேல் நீ கீழேனும் ஆதிக்கம் துறந்து
சுற்றமனைத்தும் நற்றமிழ் உறவெனும்
சூத்திரம் மட்டுமே சூடிடும் வாகை

மனதில் தோன்றிய எண்ணங்கள் யாவும்
மனித நேயம் தளைத்திட நானும்
எனக்குத்தானே சொல்லிக்கொண்டேன்
என்னில் தவறு காணின் பொறுப்பீர்.

by **உமா** Thu Jul 07, 2011 3:31 pm

by SK Thu Jul 07, 2011 5:52 pm

மன்னியுங்கள் - இது மனித நேயம் - Page 2 677196

by நட்புடன் Sat Jul 09, 2011 1:31 am

கறந்தபால் மடிபுகாது
கக்கிய வார்த்தையும் வாய் புகாது
கேட்கும் காதும் தீதினை உட்கொண்டு மனம் கொல்லும்
இதை மனதில் கொண்டு மனித நேயம் வளர்போபோம் மனம் வெல்வோம்

by மஞ்சுபாஷிணி Sat Jul 09, 2011 5:16 pm

கண்களில் ஒற்றிக்கொள்ளவைக்கும் அருமையான மனிதநேயமிக்க வரிகள்....
வார்த்தைகளால் கனிவும்
செயல்களால் உயர்வும்
பண்புகளால் சிறக்கும்
மனிதநேயத்திற்கான பொன்னான வரிகள் இங்கு கவிதையாக படைத்திருப்பது மிக சிறப்பு அப்துல்லாஹ் சார்....எல்லோரும் இதை படித்து பயனுற பகிர்ந்தமைக்கு என் அன்பு வாழ்த்துகள் அப்துல்லாஹ் சார்.