“ப.சிதம்பரத்துக்கு படிக்கத் தெரியாது!” -மணிசங்கர் ஐயர்

புதுடில்லி, இந்தியா: முன்னாள் விளையாட்டுத்துறை அமைச்சர் மணிசங்கர் ஐயர், காமன்வெல்த் விளையாட்டுப் போட்டிகளில் நடைபெற்ற முறைகேடுகளில் உட்துறை அமைச்சர் ப.சிதம்பரத்தைக் குற்றம் சாட்டியுள்ளார். முறைகேடுகள் நடக்கும் விஷயம், அமைச்சர் சிதம்பரத்துக்கு ஏற்கனவே தெரியப்படுத்தப்படிருந்தது எனவும் அவர் கூறியுள்ளார்.

இந்த விவகாரத்தில் மணிசங்கர் ஐயர், ஏற்கனவே பிரதமர் மன்மோகன் சிங்கைக் குற்றம் சாட்டியிருந்தார். தற்போது ஐயரின் கவனம், அமைச்சர் சிதம்பரத்தின்மீது படிந்துள்ளது.

“முறைகேடு நடைபெறுவதை அமைச்சர் சிதம்பரத்துக்கு அறிவித்த நபரை எனக்கு நன்றாகவே தெரியும்” என்று கூறியுள்ள மணிசங்கர் ஐயர், “அந்த நபர் வேறு யாருமல்ல, சாட்சாத் நானேதான்” என்றும் தெரிவித்துள்ளார்.

அதாவது, முறைகேடுகள் நடைபெறுவது பற்றிய விளக்கமான கடிதம் ஒன்றை அமைச்சர் சிதம்பரத்துக்கு தான் கொடுத்தனுப்பியதாகக் கூறுகிறார் இவர். அந்தக் கடிதத்தின்மீது நடவடிக்கை எடுத்திருந்தால், முறைகேடுகள் நடந்திருக்க முடியாது என்றும், எனவே அமைச்சர் சிதம்பரம்தான் குற்றவாளி என்றும் கூறுகிறார் ஐயர்.

தான் கொடுத்தனுப்பிய கடிதம் கிடைத்தது என்றுகூட, அமைச்சர் சிதம்பரத்திடமிருந்து பதில் வரவில்லை என்றும் அங்கலாய்க்கிறார் இவர்.

“கடிதத்துக்கு பதில் வரவில்லை” என்று மணிசங்கர் ஐயர் அங்கலாய்ப்பதைப் பற்றி நாம் என்ன சொல்ல முடியும்?

கருணாநிதியும் முன்பு முதல்வராக இருந்தபோது, மத்திய அரசுக்கு எத்தனை கடிதம் எழுதியிருக்கிறார்? பதில் வருமென்று எதிர்பார்த்தா அவர் எழுதினார்?

ஒரு முதல்வரே பதிலை எதிர்பார்த்து கடிதம் எழுதவில்லையாம்… தனக்கு பதில் வரவில்லை என்று இவர் புலம்புகிறாரே!


வி வி

ஒருவேளை அம்மாவின் ஜால்ராவாக மாறிட்டாரோ மணிசங்கர்ஜி? இப்ப இதெல்லாம் சொல்லராரு....

இரண்டு பேருமே காதர் வெட்டி கலையாத கட்சிக்காரர்கள் !!

ஆமா இவங்களுக்கு வேற வேலை இல்ல சிதம்பரத்த பத்தி
ஊருக்கே தெரியும் ஏன் காங்கிரஸ்சை பற்றி உலகதுக்கே தெரியும்.... அப்புறம் குற்றம் சொல்லி என்ன பிரயோஜனம்...

அப்போ சிதம்பரதுக்கும் திகார் தானா