கோவிலில் இடி தாக்கியது: சென்னை பக்தர்கள் 4பேர் பலி

by மீனு Mon Sep 14, 2009 3:45 pm

திருவண்ணாமலை, செப். 14-

திருவண்ணாமலை மாவட்டம் கலசபாக்கத்தில் பர்வதமலை உள்ளது. 4 ஆயிரத்து 560 அடி உயரம் கொண்ட இந்த மலையின் உச்சியில் மல்லி கார்ஜுன ஈஸ்வரர் என்ற சிவன் கோவில் உள்ளது. மிகப்பழமையான இந்த கோவிலில் சிவலிங்கமும், பிரம்மாம்பிகா அம்மன் சிலை மட்டுமே உள்ளது.

சென்னை தண்டையார் பேட்டையில் இருந்து பர்வத மலை பாதயாத்திரை குழுவினர் நேற்று காலை வேன் மூலம் பர்வதமலை கோவிலுக்கு புறப்பட்டு சென்றனர். இந்த குழுவில் 15 பேர் இருந்தனர்.

மாலை 3 மணி அளவில் பர்வத மலைக்கு அடி வாரத்தில் வேனை நிறுத்தி விட்டு மலையேறினார்கள். 6 மணி அளவில் கோவிலை சுத்தம் செய்து அங்குள்ள சிவலிங்கத்திற்கும் பிரம்மாம் பிகை அம்மனுக்கும் பூஜைகள் செய்தனர்.

இரவு 10.30 மணிக்கு திடீரென மழை பெய்ய ஆரம்பித்தது. மழையைப் பொருட்படுத்தாத சென்னை பாதயாத்திரை குழுவினர் சுவாமி சன்னதிக்குள் அமர்ந்து செங் கற்களை அடுக்கி அதில் யாக குண்டம் உருவாக்கினர். நான்கு பக்கமும் அமர்ந்து தீயில் எண்ணையை ஊற்றி யாகம் நடத்தினார்கள்.

அப்போது திடீரென்று பயங்கர சத்தத்துடன் கோவிலின் கோபுர கலசத்தை இடி தாக்கியது. கலசம் பிளந்தது.

கோவிலுக்குள் இடி இறங்கியது. யாகம் செய்து கொண்டிருந்த 4 பேரும் அதே இடத்தில் கருகி பலியானார்கள்.

அவர்கள் பெயர் விவரம் வருமாறு:-

1. ஆனந்தராஜ் (48)

2. ராஜி என்ற ராஜேந்திரன் (கொருக்குப்பேட்டை)

3. கஜபதி (60), கொடுங்கை யூர்.

4. பாலன் (40), திருவான் மியூர்.

இடி விழுந்த வேகத்தில் 2 பேர் தூக்கி வீசப்பட்டனர். அவர்களில் ஒருவருக்கு காது செவிடானது. மற்றொருவருக்கு கை, கால்கள் முறிந்தது.

உயிர் தப்பியவர்கள் செல்போன் மூலம் போலீசுக்கு தகவல் தெரிவித்தனர். இரவு பலத்த மழை பெய்ததால் மீட்பு பணியில் ஈடுபடுவதில் சிரமம் ஏற்பட்டது. எனவே நேற்றிரவு மீட்பு பணி நடக்கவில்லை.

இன்று அதிகாலை மழை நின்ற பிறகு போலீஸ் படையினரும், மீட்பு குழுவினரும் பர்வத மலையில் ஏறி சென்றனர். இடி தாக்கி பலியான 4 பேர் உடலை போலீசார் மீட்டனர்.

இந்த சம்பவம் அங்கு பீதியையும், பரபரப்பையும் ஏற்படுத்தி உள்ளது.

பர்வத மலைக்கோவிலில் சித்ரா பவுர்ணமி உள்ளிட்ட விசேஷ நாட்களில் நள்ளிரவு நேரத்தில் மலை மீது ஏறி கோவிலில் தங்கியிருந்து பக்தர்களே பூஜை செய்து சிவனை வழிபடுவது வழக்கம். கீழே இருந்து மலைக்கு செல்ல சுமார் 2 கிலோ மீட்டர் மட்டுமே சரியான படிகட்டுகள் உள்ளன.

மீதி தூரத்தை தொங்கு பாலத்தில் ஏறியும், கம்பி வளையங்களை பற்றிக் கொண்டும் கரடு முரடான வெளிச்சம் இல்லாத காட்டு பாதையில் சுமார் 3 மணி நேரம் பயணித்தால்தான் அடைய முடியும்.

இந்த கோவிலில் தங்கி நள்ளிரவு யாகம் செய்தால் கேட்ட வரம் கிடைக்கும் என்ற நம்பிக்கை பக்தர்களிடையே பரவலாக உள்ளது.

இந்த கோவிலில் தரிசனம் செய்யவும், பர்வத மலையில் உள்ள மூலிகைகளை பறிக்கவும் சென்னை உள்பட தமிழகத்தின் பல்வேறு பகுதிகளில் இருந்தும் பவுர்ணமி நாட்களிலும் வார இறுதி நாட்களிலும் பக்தர்களின் கூட்டம் அலை மோதும்.

by சதீஷ்குமார் Mon Sep 14, 2009 4:38 pm

ஈசனே உன் திருவிளையாடல்களில் இதுவும் ஒன்றா ?. கோவிலில் இடி தாக்கியது: சென்னை பக்தர்கள் 4பேர் பலி 67637

கோவிலில் இடி தாக்கியது: சென்னை பக்தர்கள் 4பேர் பலி

கோவிலில் இடி தாக்கியது: சென்னை பக்தர்கள் 4பேர் பலி

Re: கோவிலில் இடி தாக்கியது: சென்னை பக்தர்கள் 4பேர் பலி