ரேங்கிங்: ஜோகோவிச் "நம்பர்-1

ராமகிருஷ்ணன் · 18/06/2011

லண்டன்: ஏ.டி.பி., டென்னிஸ் ரேங்கிங் பட்டியலில், செர்பியாவின் நோவக் ஜோகோவிச் "நம்பர்-1 இடம் பிடித்தார்.
டென்னிஸ் அரங்கில் சிறந்து விளங்கும் வீரர்களுக்கான ரேங்கிங் (தரவரிசை) பட்டியலை ஏ.டி.பி., நேற்று வெளியிட்டது. இதில் ஒற்றையர் பிரிவில், செர்பிய வீரர் நோவக் ஜோகோவிச் முதன்முறையாக "நம்பர்-1 இடத்துக்கு முன்னேறினார். சமீபத்தில் நடந்த விம்பிள்டன் கிராண்ட்ஸ்லாம் டென்னிஸ் தொடரில் சாம்பியன் பட்டம் வென்று சாதித்ததே இம்முன்னேற்றத்துக்கு காரணம். இதன்மூலம் ஸ்பெயினின் ரபெல் நடால், இரண்டாவது இடத்துக்கு தள்ளப்பட்டார். அரையிறுதியில் அதிர்ச்சி தோல்வி கண்ட சுவிட்சர்லாந்தின் ரோஜர் பெடரர் (3வது இடம்), இங்கிலாந்தின் ஆன்டி முர்ரே (4வது இடம்) உள்ளிட்டோர் தங்களது இடத்தை தக்க வைத்துக் கொண்டனர். இளம் இந்திய வீரர் சோம்தேவ் தேவ்வர்மன், 68வது இடத்தில் இருந்து 63வது இடத்துக்கு முன்னேறினார்.
பயஸ் முன்னேற்றம்:
ஆண்கள் இரட்டையர் ரேங்கிங்கில் இந்தியாவின் லியாண்டர் பயஸ், மூன்று இடங்கள் முன்னேறி 8வது இடம் பிடித்தார். மற்றொரு இந்திய வீரர் மகேஷ் பூபதி, 5வது இடத்தில் நீடிக்கிறார். இந்தியாவின் ரோகன் போபண்ணா, 10வது இடத்துக்கு தள்ளப்பட்டார்.
சானியா பின்னடைவு:
பெண்களுக்கான டபிள்யு.டி.ஏ., ஒற்றையர் பிரிவு ரேங்கிங்கில் இந்தியாவின் சானியா மிர்சா, 60வது இடத்தில் இருந்து 63வது இடத்துக்கு தள்ளப்பட்டார். இரட்டையரில் 14வது இடத்திலிருந்து 11வது இடத்துக்கு முன்னேறினார். ஒற்றையரில் டென்மார்க்கின் கரோலின் வோஸ்னியாக்கி, பெல்ஜியத்தின் கிம் கிளைஸ்டர்ஸ், ரஷ்யாவின் சுவனரேவா உள்ளிட்டோர் "டாப்-3 வரிசையில் நீடிக்கின்றனர்.

SK · SK Tue Jul 05, 2011 4:04 pm

ரேங்கிங்: ஜோகோவிச் "நம்பர்-1

ரேங்கிங்: ஜோகோவிச் "நம்பர்-1

Re: ரேங்கிங்: ஜோகோவிச் "நம்பர்-1

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக