‘அமைச்சர்’ இசக்கி எதில் சிக்கினார்! ‘திடுக்’ டீல் இதோ விளக்கமாக!

புதிய தமிழக சட்டசபையில் தூக்கியெறியப்பட்ட முதலாவது அமைச்சர் என்ற பெயரைப் பெற்றுவிட்டார் முன்னாள் சட்டத்துறை அமைச்சர் இசக்கி சுப்பையா. இவரது பதவி நீக்கத்திற்கு பல்வேறு காரணங்கள் கூறப்படுகின்றன. ஆனால், நிஜமான காரணம் பெரிதாக வெளியே வரவில்லை என்கின்றன எமது சோர்ஸ்கள்.

நெல்லையில் டாஸ்மாக் கடைகளை அ.தி.மு.க.,வினருக்கு டெண்டர் கொடுத்த விதத்தில்சில பிரச்சினைகள் எழுந்திருந்தன. அதிலும் இவரது பெயர் அடிபட்டது. ஆனால், அதற்கும் இவருக்கும் சம்மந்தமில்லை என்றது உளவு அறிக்கை. இதனால், அந்த விஷயத்தில் இசக்கி மாட்டிக் கொள்ளவில்லை.

குற்றாலத்தில் ஸ்டார் ஓட்டல் நடத்தி வரும் இசக்கி சுப்பையா, நெல்லை மாவட்டத்தில் மாத்திரம் பிசினெஸ் செய்யும் நபரல்ல. இவருக்கு சென்னையிலும் பல கொடுக்கல் வாங்கல்கள் உள்ளன. சென்னையில் ஒரு ஸ்டார் ஓட்டல் கட்ட வேண்டும் என்பதே தனது லட்சியம் என்று அடிக்கடி நண்பர்களிடம் சொல்லிக் கொள்பவர் இவர்.

அந்த ஆசைதான் இவருடைய பதவிக்கு வேட்டு வைத்தது என்கின்றனர், நமது சோர்ஸ்கள்.

மறைந்த நடிகர் திலகம் சிவாஜி கணேசனின் குடும்பத்துடன் நெருக்கமானவர் இவர். (சிவாஜி கணேசனின் பேரன் கதாநாயகனாக நடித்த ‘சக்சஸ்” என்ற படம் ஞாபகமிருக்கிறதா? சக்ஸஸ் பெறாத அந்த சக்ஸஸின் தயாரிப்பாளர் ஒருவித ‘சுற்று வழியில்’ இவர்தான்!)

அந்தக் குடும்பத்தின் உறவுடன் சேர்த்து அவருக்கு முன்னாள் வளர்ப்பு மகனின் பரிச்சயமும் கிடைத்திருந்தது . அது பழைய கதை.

இவர் அ.தி.மு.க.வில் இருந்த போதிலும், கட்சியின் எந்தப் போராட்டங்களிலும் தலையைக் காட்டியதில்லை. சொந்த மாவட்ட கட்சிக்காரர்களுக்கே இவரை அவ்வளவாகத் தெரியாது. அப்படியிருந்தும், திடீரென கட்சியின் எம்.எல்.ஏ. வேட்பாளரானார். அதையடுத்து அமைச்சருமானார்.

எப்படிக் கிடைத்தது இந்த அதிஷ்டம்? இதற்குப் பின்னணியில் முன்னாள் வளர்ப்பு மகன் மூலமாக முன்பு கிடைத்த, மற்றொருவரின் பரிச்சயம் உதவியது என்கிறார்கள்.

அந்தப் பரிச்சயத்துக்குப் பரிசாக, இவருக்கு ஒரு புராஜெக்ட் கொடுக்கப்பட்டது என்பதே பேச்சு. இவருக்கு ஸ்டார் ஓட்டல் அனுபவம் இருப்பதால், சென்னையில் ஒரு ஸ்டார் ஓட்டலை உருவாக்கி, ‘உரியவர்களிடம்’ ஒப்படைப்பதே புராஜெக்ட். அதற்கான சில வேலைகளும் ஏற்கனவே நடக்கத் தொடங்கிவிட்டன.

இதில் ஒரு சிறிய சைக்காலஜிக்கல், இடறல்.

தான் சொந்தமாகவே சென்னையில் ஸ்டார் ஓட்டல் கட்டுவதை லட்சியமாகக் கொண்ட ஒருவர், மற்றொருவருக்காக அதே சென்னையில் ஓட்டல் ஒன்றை அமைத்துக் கொடுக்கும்போது, சைக்காலஜி எப்படியிருக்கும்? நடந்தது அதுதான் என்கிறார்கள்!

அந்த புராஜெக்ட்டுக்கு பராலலாக, இவரும் ஒரு புராஜெக்டை பினாமி பெயரில் தொடங்க முயன்றாராம்!

அதற்கான பேச்சுக்களில் தீவிரமாக ஈடுபட்ட நிலையில், மற்றைய புராஜெக்ட் உரிமையாளர்களின் சில பிசினெஸ் கன்டாக்ட்களுடன் இவரும் (விஷயம் தெரியாமல்) டீல் பண்ணக் கிளம்பியதில், விஷயம் அவுட்டாகி விட்டது. ஸ்டார் ஓட்டலுக்காக வளைத்துப் போடப்பட்ட நிலம், இந்த புராஜெக்டுக்கா? அந்த புராஜெக்டுக்கா? என்ற கேள்விகளும் எழுந்து விட்டன.

விளைவு? தெய்வக் குற்றமாகி, ஆளே அமைச்சரவையிலிருந்து அவுட்!

நன்றி:விறுவிறுப்பு

அமைச்சர்கள் அனைவரும் டரியலாகி இருப்பார்கள் !!