கல்லூரி மாணவியை கடத்திய பொலிஸ் இன்ஸ்பெக்டர் கைது!

ரஞ்சித் · ரஞ்சித் Tue Jul 05, 2011 4:12 pm

ராமநாதபுரம் மாவட்டம் தொண்டியை சேர்ந்தவர் தரணி (19). (பெயர் மாற்றப்பட்டுள்ளது).

ஈரோடு மாவட்டம் பெருந்துறையில் உள்ள பொறியியல் கல்லூரியில் விடுதியில் தங்கி படித்து வந்தார். கரூரைச் சேர்ந்த சக மாணவியின் அண்ணன் ஜெயகாந்தனை தரணி காதலித்துள்ளார்.

கடந்த 25ம் தேதி விடுமுறை என்பதால் ஊருக்கு செல்வதற்காக தரணி திருச்சி பஸ் நிலையத்துக்கு வந்துள்ளார். அவரை தொண்டிக்கு பஸ் ஏற்றி விடுவதற்காக காதலன் ஜெயகாந்தனும் திருச்சிக்கு வந்துள்ளார்.

இரவாகி விட்டதால் லாட்ஜில் ரூம் எடுத்து தங்கிவிட்டு காலையில் செல்லலாம் என முடிவு செய்தனர். ஆனால் அவர்களுக்கு ரூம் கிடைக்கவில்லை.

ரோட்டில் நின்றிருந்த அவர்களிடம், திருச்சி மாவட்ட தீண்டாமை ஒழிப்பு இன்ஸ்பெக்டர் கண்ணன் வந்து பேசியுள்ளார். ஜெயகாந்தனை அழைத்து ‘இந்த பெண்ணை கடத்தி கொண்டு வந்தாயா‘ என கேட்டு மிரட்டியுள்ளார்.

ஜெயகாந்தனை விரட்டிவிட்டு தரணியை காரில் கடத்திக் கொண்டு இன்ஸ்பெக்டர் சென்றார். இது குறித்து ஜெயகாந்தன், கன்டோன்மென்ட் போலீசில் தகவல் தெரிவித்தார்.

இது குறித்து அனைத்து காவல் நிலையம், செக்போஸ்ட்களுக்கு தகவல் தெரியப்படுத்தப்பட்டு உஷார் படுத்தப்பட்டது. போலீசார் தேடுவதை அறிந்த இன்ஸ்பெக்டர் கண்ணன், தரணியை புதுக்கோட்டை பஸ் நிலையத்தில் இறக்கி விட்டு தப்பினார்.

புதுக்கோட்டையில் தரணியை மீட்ட போலீசார் அவரை திருச்சிக்கு அழைத்து வந்தனர். பின்னர் அவர் பெற்றோரிடம் ஒப்படைக்கப்பட்டார்.

தனிப்படையினர், இன்ஸ்பெக்டர் கண்ணனை (43) நேற்று கைது செய்தனர். அவரை நீதிமன்றத்தில் ஆஜர்படுத்தி சிறையில் அடைத்தனர்.