தொலைந்து போன அர்த்தங்கள்...

**rameshnaga** · **rameshnaga** Sun Jun 26, 2011 11:00 pm

எங்களிடம் சில வார்த்தைகள் இருக்கின்றன..
ஆனால்-அதன் அர்த்தங்களைத்தான்
நாங்கள் தொலைத்துவிட்டோம்.
எந்த சீதையையும் நாங்கள் சிறை வைக்கவேயில்லை..
ஆனாலும்-மதம் என்ற வார்த்தை நெய்யாய் விழ...
எப்போதும் எரிந்துகொண்டே இருக்கிறது...
எங்கள் தேசத்தில் நெருப்பு.
எங்களிடம் "காந்தி"-என்றொரு நந்தவனம் இருந்தது..
சுதந்திரத்திற்குப் பின் வந்த -
மனசு நசுங்கிய மனிதர்கள் ஊற்றிய வெந்நீரில்..
அது பூப்பதேயில்லை.
"வளர்கிறோம்"-என்ற அனுமானத்தில்..
ஒரு புள்ளியைவிடச் சிறியதாகிவிட்டது எங்களின் உலகம்.
எங்களிடம்-
"பாசம், நேசம், அகிம்சை, அன்பு,..."என்ற பல
அழகான வார்த்தைகள் இன்னமும் இருக்கின்றன..
ஆனால்- அதன் அர்த்தங்களைத்தான் ...
எப்போதோ தொலைத்துவிட்டோம்..

மஞ்சுபாஷிணி · மஞ்சுபாஷிணி Sun Jun 26, 2011 11:04 pm

அசத்தல் வரிகள் ரமேஷ்..... சத்திய வார்த்தைகள் இங்கே கதறி தவிக்கிறது..... உலகம் இருக்கும் நிலையை சொல்லி செல்கிறது.......சல்யூட் ரமேஷ் இந்த கவிதை வரிகள் மிக மிக அற்புதம்.....

அன்பு வாழ்த்துகள் ரமேஷ்.