ராணுவத்துக்கு வழங்கிய இயந்திரம் சப்பாத்தி சுடவில்லை, கை சுட்டது

by positivekarthick Mon Jul 04, 2011 7:26 am

புதுடெல்லி : ராணுவத்துக்கு தான் விற்பனை செய்த சப்பாத்தி செய்யும் இயந்திரம், தனக்கே எதிரியாக மாறி நஷ்டத்தை ஏற்படுத்தும் என்று டெல்லியை சேர்ந்த அந்த கான்டிராக்டர் நினைத்திருக்க மாட்டார். அந்த கான்டிராக்டரின் பெயர் ராகுல் அகர்வால். டெல்லியின் பல்வேறு இடங்களில் பணிபுரியும் ராணுவ வீரர்களுக்கு உணவாக சப்பாத்தி வழங்கப்படுகிறது. இவர்களுக்கு தேவையான சப்பாத்தியை விரைந்து தயாரிக்கும் இயந்திரம் வழங்க ராகுலுக்கு ஒப்பந்தம் கிடைத்தது.

சப்பாத்தி தயாரிக்கும் இயந்திரத்தை ராணுவ தலைமையகத்துக்கு ஸி3.90 லட்ச ரூபாய்க்கு விற்றார். முதல் நாள் அருகில் இருந்து ராணுவ வீரர்களுக்கு இயந்திரத்தில் சப்பாத்தி தயாரிக்கும் பணியை பார்வையிட்டு, அவர்களோடு தானும் சேர்ந்து சுடச்சுட சப்பாத்தியை சாப்பிட்டு விட்டு திரும்பினார். 4 நாட்களில் இயந்திரம் ரிப்பேர். இது தொடர்பாக புகார் வந்தும் அலட்சியமாக இருந்து விட்டார் ராகுல்.

இதனால், டெல்லியில் உள்ள நுகர்வோர் நீதிமன்றத்தில் ராகுல் அகர்வாலுக்கு எதிராக வழக்கு தொடர்ந்தார் ராணுவ லெப்டினன்ட் கர்னல் அசுதோஷ் குமார். வழக்கை விசாரித்த நீதிபதி யு.சி.திவாரி, பழுதான இயந்திரத்தை சப்ளை செய்ததோடு அதை சரி செய்யவும் அக்கறை காட்டாமல் இருந்த கான்டிராக்டர் ராகுலை கண்டித்தார். இயந்திர தொகையான ரூ.3.90 லட்சத்தை ராணுவத்துக்கு திருப்பி கொடுக்கவும் மனுதாரருக்கு மன உளைச்சலை ஏற்படுத்தியதற்காக இழப்பீடாக ரூ.10 ஆயிரமும் கொடுக்குமாறு கான்டிராக்டருக்கு உத்தரவிட்டார். பணத்தை திருப்பி கொடுத்து ரிப்பேரான இயந்திரத்தை பெற்று கொண்ட கான்டிராக்டர் சோகத்தில் இருக்கிறார்.
தினகரன்