"இல்லை' என்ற வார்த்தை இல்லாத அன்னதான மடம்: 3,000 அடி உயரத்தில் தினமும் 3 வேளை அன்னதானம்

by positivekarthick Sun Jul 03, 2011 7:26 pm

மதுரை: சுயநலம் பெருகி வரும் இக் காலத்தில், பசியுடன் ஒருவர் கூட இவ்விடத்தை விட்டுச் செல்லக்கூடாது, என்ற உயர்வான சிந்தனையுடன் செயல்பட்டு வருகின்றது காளிமுத்து சுவாமிகள் அன்னதான மடம். இந்த மடம் அமைந்திருப்பது வத்திராயிருப்பு அருகே உள்ள மேற்குதொடர்ச்சி மலைத் தொடரில் உள்ள சதுரகிரி மலையில் தான். மூன்றாயிரம் அடி உயரத்தில் அமைந்துள்ள சுந்தரமகாலிங்கம் கோவில் அருகில் 1976ல் காளிமுத்து சுவாமிகள் இந்த அன்னதான மடத்தை துவக்கினார். அது முதல் இன்று வரை தினமும் 3 வேளை இங்கு அன்னதானம் நடக்கிறது, என்பது தான் ஆச்சரியமான விஷயம்.

காலை 8 மணி முதல் இரவு 8 மணி வரை சுடச்சுட சோறு, சாம்பார், ரசம், கூட்டு, பாயசம் அன்னதானம் வழங்கப்படுகிறது. சாதாரண நாட்கள், விசேஷ நாட்கள் என்ற பாகுபாடு இல்லை. இந்த மலையில் உள்ள கோவில்களுக்கு பகல், இரவு என எப்போதும் பக்தர்கள் வந்து செல்வர். பசித்து வருபவர்களுக்கு உணவு வழங்குவதை தலையாய கடமையாக கொண்டுள்ளனர். இரவு 8 மணிக்கு பின் பக்தர்கள் வந்தால் அவர்களுக்கு சாப்பாடு இல்லை எனக் கூறாமல் உடனே அடுப்பை பற்றவைத்து உப்புமா கொடுத்து அவர்களின் பசியை போக்கி விடுகின்றனர். இந்த அன்னதான மடத்தில் 4 சமையல் மாஸ்டர்கள், 10 சப்ளையர்கள் நிரந்தர பணியாளர்களாக உள்ளனர். தண்ணீரை தவிர அனைத்து பொருட்களையும் மலையில் கீழ் இருந்து சுமையாளர்கள் மூலம் எடுத்து வருகின்றனர். அன்னதானம் மட்டுமின்றி கோவிலுக்கு வரும் பக்தர்கள் இலவசமாக தங்க இடம், விரிப்பு மற்றும் பாய் கொடுக்கின்றனர். பக்தர்கள் விரும்பினால் மட்டும் காணிக்கை கொடுக்கலாம்.

"ஸ்ரீ காளிமுத்து சுவாமி சேரிட்டபிள் டிரஸ்ட்' மூலம் நடத்தப்பட்டு வரும் இந்த அன்னதான மடத்தின் தலைவர் பாலசுப்பிரமணியன் கூறியதாவது: பக்தர்கள் எத்தனை ஆயிரம் பேர் வந்தாலும் நாங்கள் அத்தனை பேருக்கும் உணவு கொடுப்போம். பக்தர்கள் அதிகம் வரவேண்டும் என்பதே எங்களின் ஒரே நோக்கம். ஒரே நேரத்தில் 300 பேர் அமர்ந்து சாப்பிடலாம். வரும் ஆடி அமாவாசை நாளில் லட்சம் பேருக்கு கூழ் வழங்க உள்ளோம். இவ்வாறு அவர் கூறினார்.

அன்னதானம் செழித்த சதுரகிரியில் அன்னதானம் வழங்கும் பல மடங்கள் உள்ளன. இவை விசேஷ நாட்களில் மட்டுமே அன்னதானம் செய்கின்றன. உணவருந்த எங்கள் மடத்திற்கு வாருங்கள்... வாருங்கள் என்ற அழைப்புகளை சதுரகிரியை தவிர வேறு எங்கும் கேட்க முடியாது என்பது உண்மையே.
தினமலர்

by bala23 Sun Jul 03, 2011 8:16 pm

நன்றி! அருமையான தகவல்....

by அசுரன் Sun Jul 03, 2011 8:24 pm

பசித்த வயறுக்கு உணவளிப்பது இறைவன் செயல்! அவர்கள் நிறைவான ஆசீரை கடவுளிடமிருந்து பெறுவார்களாக!!!. சென்னையிலும் பெரம்பூரில் இப்படி ஒரு சங்கர மடம் (இடம்) உள்ளது. இங்கு தினமும் மதியவேளை உணவு சுடசுட சாம்பார் சாதம் மற்றும் இதர சாதவகைகள் வழங்கப்படுகிறது. மஞ்சு அக்கா உங்க வீட்டு பக்கத்து தெரிவு தான்

by positivekarthick Sun Jul 03, 2011 9:56 pm

சித்ரா பௌர்ணமி அன்று சதுரகிரிக்கு நண்பர்களுடன் செல்வோம்.இனிமையாக இருக்கும்.யாருக்காவது வர விருப்பமா ?

by நண்பன் கார்த்திக் Sun Jul 03, 2011 9:59 pm

by மஞ்சுபாஷிணி Sun Jul 03, 2011 10:02 pm

மிக அருமையான விஷயம்....

அப்பா எப்போதும் தவறியதில்லை இங்கே போக.....

அசுரா இப்ப நான் குவைத்ல இருக்கேனே... சோகம்

அடுத்த வருடம் ஊருக்கு போகும்போது கண்டிப்பாக நிறைய கோவில்களுக்கு போக இருக்கேன்பா...

by அசுரன் Sun Jul 03, 2011 10:05 pm

மஞ்சுபாஷிணி wrote:மிக அருமையான விஷயம்....

அப்பா எப்போதும் தவறியதில்லை இங்கே போக.....

அசுரா இப்ப நான் குவைத்ல இருக்கேனே... அடுத்த வருடம் ஊருக்கு போகும்போது கண்டிப்பாக நிறைய கோவில்களுக்கு போக இருக்கேன்பா...

அக்கா நீங்க அவசியம் சென்னை வரும்போது பாப்பாவை சந்திக்க வரணும் ஓகேவா :நல்வரவு:

by மஞ்சுபாஷிணி Sun Jul 03, 2011 10:08 pm

கண்டிப்பா வருவேன் இனியா.... பாப்பாவுக்கு என்னிக்கும் மஞ்சு அத்தையின் ஆசிகள் உண்டுப்பா...

by Sponsored content

"இல்லை' என்ற வார்த்தை இல்லாத அன்னதான மடம்: 3,000 அடி உயரத்தில் தினமும் 3 வேளை அன்னதானம்

"இல்லை' என்ற வார்த்தை இல்லாத அன்னதான மடம்: 3,000 அடி உயரத்தில் தினமும் 3 வேளை அன்னதானம்

Re: "இல்லை' என்ற வார்த்தை இல்லாத அன்னதான மடம்: 3,000 அடி உயரத்தில் தினமும் 3 வேளை அன்னதானம்

Re: "இல்லை' என்ற வார்த்தை இல்லாத அன்னதான மடம்: 3,000 அடி உயரத்தில் தினமும் 3 வேளை அன்னதானம்

Re: "இல்லை' என்ற வார்த்தை இல்லாத அன்னதான மடம்: 3,000 அடி உயரத்தில் தினமும் 3 வேளை அன்னதானம்

Re: "இல்லை' என்ற வார்த்தை இல்லாத அன்னதான மடம்: 3,000 அடி உயரத்தில் தினமும் 3 வேளை அன்னதானம்

Re: "இல்லை' என்ற வார்த்தை இல்லாத அன்னதான மடம்: 3,000 அடி உயரத்தில் தினமும் 3 வேளை அன்னதானம்

Re: "இல்லை' என்ற வார்த்தை இல்லாத அன்னதான மடம்: 3,000 அடி உயரத்தில் தினமும் 3 வேளை அன்னதானம்

Re: "இல்லை' என்ற வார்த்தை இல்லாத அன்னதான மடம்: 3,000 அடி உயரத்தில் தினமும் 3 வேளை அன்னதானம்

Re: "இல்லை' என்ற வார்த்தை இல்லாத அன்னதான மடம்: 3,000 அடி உயரத்தில் தினமும் 3 வேளை அன்னதானம்