கிரிக்கெட்:இந்திய அணி 240 ரன்கள் முன்னிலை

பார்படாஸ்: வெஸ்ட் இண்டீசுக்கு எதிரான இரண்டாவது டெஸ்டின் நான்காம் நாள் ஆட்டத்தில் இந்திய அணி 240 ரன்கள் முன்னிலையி்ல் உள்ளது.
வெஸ்ட் இண்டீஸ் சுற்றுப்பயணம் செய்துள்ள இந்திய அணி, மூன்று போட்டிகள் கொண்ட டெஸ்ட் தொடரில் பங்கேற்கிறது. முதல் டெஸ்டில் வெற்றி கண்ட இந்திய அணி 1-0 என முன்னிலை வகிக்கிறது. இரண்டாவது டெஸ்ட் பார்படாஸ் நகரில் உள்ள கென்சிங்டன் ஓவல் மைதானத்தில் நடக்கிறது.
இஷாந்த் மிரட்டல்:
லட்சுமண் (85), ரெய்னா (53) கைகொடுக்க இந்திய அணி முதல் இன்னிங்சில் 201 ரன்கள் எடுத்தது. இஷாந்த் சர்மா (6 விக்கெட்) வேகத்தில் திணறிய வெஸ்ட் இண்டீஸ் அணிக்கு, சாமுவேல்ஸ் (78*) மட்டும் ஆறுதல் அளிக்க, முதல் இன்னிங்சில் 190 ரன்கள் எடுத்தது. பின் இரண்டாவது இன்னிங்சை துவக்கிய இந்திய அணி, மழையால் பாதிக்கப்பட்ட மூன்றாம் நாள் ஆட்டநேர முடிவில் விக்கெட் இழப்பின்றி 23 ரன்கள் எடுத்து, 34 ரன்கள் முன்னிலை வகித்திருந்தது. அபினவ் முகுந்த் (8), முரளி விஜய் (3) அவுட்டாகாமல் இருந்தனர்.
மழை குறுக்கீடு:
நேற்றைய நான்காம் நாள் ஆட்டம் மழை காரணமாக தாமதமாக துவங்கியது. இரண்டாவது இன்னிங்சை தொடர்ந்த இந்திய அணிக்கு முரளி விஜய் (3) ஏமாற்றம் அளித்தார். பின் இணைந்த டிராவிட், அபினவ் முகுந்த் ஜோடி நிதானமாக ரன் சேர்த்தது. இந்த ஜோடி இரண்டாவது விக்கெட்டுக்கு 63 ரன்கள் எடுத்த போது அபினவ் முகுந்த் (48) அவுட்டானார். டிராவிட் 55 ரன்களில் அவுட் ஆனார். ஆட்டநேர முடிவில் 89 ஓவர்களுக்கு 3 விக்கெட் இழப்பிற்க 229 ரன்கள் இந்திய அணி எடுத்தது. ஹோலி (26), லட்சுமண் (72) அவுட்டாகாமல் இருந்தனர். வெஸ்ட் இண்டீஸ் சார்பில் எட்வர்ட்ஸ் (2), ரவி ராம்பால் ஒரு விக்கெட் வீழ்த்தினர்.

ஆட்டத்தின் போக்கு நமக்கு சாதகம் தான் இன்று உணவு இடைவேளைக்கு முன்பு நமது இரண்டாவது இன்னிங்ஸ்யை முடித்து விட்டு அவர்களை ஆட வைக்க வேண்டும் அவர்களும் ஆட்டத்தை டிரா செய்ய முறச்சிப்பார்கள் இந்திய அணியின் பந்து வீச்சை பொறுத்து முடிவு தெரியும்...

இன்னும் ஒரு நாள் மட்டுமே இருக்கிறது. எனவே போட்டி சமநிலையை அடையும் என நினைக்கிறேன்.

மகா பிரபு wrote:இன்னும் ஒரு நாள் மட்டுமே இருக்கிறது. எனவே போட்டி சமநிலையை அடையும் என நினைக்கிறேன்.

இந்திய பந்து வீச்சாளார்கள் சிறப்பாக செயல்பட்டால் வெற்றி நம் வசம் அண்ணா...

பொறுத்திருந்து பார்ப்போம்.

ரா.ரமேஷ்குமார் wrote:

மகா பிரபு wrote:இன்னும் ஒரு நாள் மட்டுமே இருக்கிறது. எனவே போட்டி சமநிலையை அடையும் என நினைக்கிறேன்.

இந்திய பந்து வீச்சாளார்கள் சிறப்பாக செயல்பட்டால் வெற்றி நம் வசம் அண்ணா...

சரியாக சொன்னீர்கள்

இந்திய அணி இரண்டாவது இன்னிங்ஸில் 269/6 ரன்களை எடுத்த பின் ஆட்டத்தை டிக்ளேர் செய்தது.281 ரன்கள் எடுத்தால் வெற்றி என்ற இலக்குடன் களமிறங்கிய மே.இந்திய தீவுகள் அணி 81/3 எடுத்துள்ளது இன்னும் 54* ஓவர்கள் மீதமுள்ளது(*மாற வாய்ப்புள்ளது மழை அல்லது போதிய வெளிச்சம் இல்லாமை போன்ற காரணங்களால்)...