"நாளையும் பூக்கலாம்"

**rameshnaga** · **rameshnaga** Sat Jul 02, 2011 8:10 pm

தெருப் பிள்ளையாருக்கு அபிஷேகம்.

அந்தரங்கம் மறைக்க ஆடைகளற்று..
ஆதரவளிக்க உறவுகளுமற்று..
மனிதர்களால் கைவிடப் பட்ட ஒரு
கடவுளின் குழந்தை பிரார்த்திக்கும்..

அடுத்த பிறவியில் ...
தான் பிள்ளையாராய் பிறக்க வேண்டுமென..
***************************************
பிய்த்து எறியப்பட்ட கூடுகளைக் கண்டு
பரிதவிக்கும் ஒரு பறவையின் வலி
அவனுக்குப் புரிந்ததே இல்லை-
ஒரு கலவர நெருப்பில் ..
அவன் வீடும் பற்றி எரியும் வரை.
******************************************
நீ இப்போது பேசும்
எத்தனை பெரிய வார்த்தையைக் காட்டிலும்
எனக்குள்..எப்போதும் நிலைத்திருக்கும்
நீ முதன் முதலில் சொன்ன"இங்.. கா".
******************************************
சிறகுகள் இருந்தும்..பறக்கத் தெரியாமல்..
மல்லாந்து வீழ்ந்து..மோட்டு வளை பார்த்து..
தன் அந்தரங்கம் காட்டி..
என்னை வெட்கத்துடன் விழிக்கும்
அந்தக் கரப்பான் பூச்சி.
******************************************
தினமும் உதிர்ந்தாலும்
உதிர்வதேயில்லை செடிகளில்
"நாளையும் பூக்கலாம்"
எனும் நம்பிக்கை மட்டும்.
******************************************
எனக்கும் அவனுக்கும் மொழி வேறு.,தேசம் வேறு..
கடவுள் வேறு., கடமை வேறு..-என்றாலும்
ஒரு ஒற்றை உணவுப் பொட்டலத்தை...
நாங்கள் இருவரும் பகிர்ந்து கொள்ள நேர்ந்ததில்
புரிந்து கொண்டோம்-
நானும் அவனும் ஒருபோதும் அன்னியமில்லை என.
****************************************

sathishkumar2991 · sathishkumar2991 Sun Jul 03, 2011 6:18 am

சூப்பர்

**rameshnaga** · **rameshnaga** Sun Jul 03, 2011 10:44 am

நன்றி!சதீஷ்குமார்.

பாலாஜி · பாலாஜி Sun Jul 03, 2011 10:50 am

சிறப்பான கவிதைகள் .....நன்றி ....

**rameshnaga** · **rameshnaga** Sun Jul 03, 2011 11:20 am

ரொம்பவும் நன்றி! வை. பாலாஜி .

நட்புடன் · நட்புடன் Sun Jul 03, 2011 11:42 am

நித்தம் நித்தம் பூக்கட்டும்
உங்கள் கவிதைப் பூக்கள் பூக்களைப் போலே....

**rameshnaga** · **rameshnaga** Sun Jul 03, 2011 11:57 am

ரொம்பவும் நன்றி !பிரபஞ்சம் .

முரளிராஜா · முரளிராஜா Sun Jul 03, 2011 1:50 pm

அருமையான கவிதை பூக்கள் அன்பு மலர்

**rameshnaga** · **rameshnaga** Sun Jul 03, 2011 2:57 pm

ரொம்பவும் நன்றி!முரளிராஜா .

Sponsored content · Sponsored content

"நாளையும் பூக்கலாம்"

"நாளையும் பூக்கலாம்"

Re: "நாளையும் பூக்கலாம்"

Re: "நாளையும் பூக்கலாம்"

Re: "நாளையும் பூக்கலாம்"

Re: "நாளையும் பூக்கலாம்"

Re: "நாளையும் பூக்கலாம்"

Re: "நாளையும் பூக்கலாம்"

Re: "நாளையும் பூக்கலாம்"

Re: "நாளையும் பூக்கலாம்"

Re: "நாளையும் பூக்கலாம்"

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக