உலர்வதற்கு முன்..சில வரிகள்

**rameshnaga** · **rameshnaga** Sat Jul 02, 2011 4:59 pm

First topic message reminder :

மூடி வைக்கப்பட்ட சோற்றை..
தனியாய் எடுத்து விழுங்குகையில்..
நினைவுக்கு வருகிறது
நீ நிலா காட்டி ஊட்டிய சோறு.
********************************
கனவுகள் நிரம்பிய வாழ்க்கை
கலைகிறது ஒரு பெருங்கனவாய்.
*********************************
கொடியில் உலரும் துணி போல இருந்தேன்..எளிமையாய்.
நீ எனக்குள் நுழையும் முன்னர்.
*************************************
தனியாய் இருப்பதில்லை தனிமை
நான் தனியாய் இருக்கும் வரை.
**************************************
மரங்கள் சிரிக்கலாம்..
தன் வேர்களை தொலைத்த மனிதர்களைப் பார்க்கையில்..
**************************************
எனது பெயரை, முகவரியை..
ஏதாவது ஒரு தொலைக்காட்சியில் விளம்பரப் படுத்துங்கள்.
இல்லாவிட்டால்-என்னை மறந்து விடுவேன் நான்.
இன்று-நான்,அவன் எல்லோருமே ...
விளம்பரங்களுக்கிடையில்தான் வாழ்ந்து கொண்டிருக்கிறோம்.
***************************************
சுதந்திரம்-
எங்களுக்கு நிறைய சிலைகளைத் தந்திருக்கிறது.
பறவைகளுக்கு இலவசக் கழிப்பிடங்களையும்.
****************************************
எனது நெடும் கனவின் இறுதியில் சிக்கிய சொல் ஒன்று ..
என்னைத் துன்புறுத்துகிறது எப்போதும்
தன்னை முழுமைப் படுத்தச் சொல்லி.
*****************************************
திடீரென ஒருநாள் எனக்கு இந்த உலகத்தில்..
இடம் இல்லை என ஆயிற்று.
யாரிடம் முறையிட்டும் ...எந்தப் பலனும் இல்லை.
எனது நிழல் இன்று நீர்த்துளிகளாய் இருக்கிறது.
உலரத் துவங்குவேன் நான்.
*******************************************

**rameshnaga** · **rameshnaga** Sun Jul 03, 2011 11:17 am

நன்றி பாலாஜி.
நன்றி! செய்தாலி.
அன்புடன் ரமேஷ்.

முரளிராஜா · முரளிராஜா Sun Jul 03, 2011 1:47 pm

அனைத்து சிறிய கவிதையும் அருமை சூப்பருங்க

**rameshnaga** · **rameshnaga** Sun Jul 03, 2011 3:01 pm

நன்றி!முரளிராஜா.

Sponsored content · Sponsored content

உலர்வதற்கு முன்..சில வரிகள்

உலர்வதற்கு முன்..சில வரிகள்

Re: உலர்வதற்கு முன்..சில வரிகள்

Re: உலர்வதற்கு முன்..சில வரிகள்

Re: உலர்வதற்கு முன்..சில வரிகள்

Re: உலர்வதற்கு முன்..சில வரிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக