ஒரு மொழிபெயர்ப்பற்றவனின் வானம்..

**rameshnaga** · **rameshnaga** Sat Jul 02, 2011 11:25 am

எப்பொழுதோ..

உனது தாத்தனுக்கும், எனது தாத்தனுக்கும்..
ஒரு நூற்றாண்டிற்கு முன் துவங்கிய ..
சண்டையைத் தொடர்ந்து கொண்டிருக்கிறோம் நாம்.
இன்று.. உனக்கும் எனக்குமான காலம்
நெருக்கமற்று தொலைந்துவிட..
உனது வலிமையான துப்பாக்கிகள் உமிழ்ந்த நெருப்பிலிருந்தே..
நாங்கள் பிறந்தோம் இந்த தேசத்தின் ஐந்தாம் வர்ணமாய்...

அகதிகளாய்.

போராடி..வீழ்ந்து கிடக்கும் எனக்கு
வைகறையற்றதானது வானம்.
எனது குடில்களோ..கூரைகளற்றவை.
எப்போதும் பதுங்கு குழிகளுக்குள் நழுவி விடுகிறது..
வாழ்க்கை.

நான்-புன்னகைப்பதுமில்லை..அழுவதுமில்லை..
பேசுவதுமில்லை..
நீங்கள் புதிதாய் மொழிபெயர்க்க எதுவுமில்லை
எனது வாழ்க்கையில்.
எனது மௌனத்தை-நீங்கள் சரியாக மொழிபெயர்க்க முடிந்தால்..
உங்களிடமும் மனிதம் இருந்தால்..
புரியலாம் உங்களுக்கும்.. ஒரு அகதி மனதின் அழுகையின் கனம்..

இப்போதும்..மகுடங்கள் குறித்ததல்ல எனது போராட்டங்கள்..
எனக்கான வானத்திற்காகவும்..
எனது சிறகுகளின் சுதந்திரமான சிறு அசைவுகளுக்காகவும் தான்.

இன்று-உனது தோட்டாக்களில் ஒட்டியிருக்கும் இரத்தம்
எனது வாசனையினாலானது--அது மரிப்பதேயில்லை
எனது மரணத்திற்குப் பின்னும்.

நாளையும்-அது பிறந்து கொண்டே இருக்கும்
இன்னொரு கவிதையாய்..
தன் வானம் கடக்கும் பேராவலோடும்..
இதே வாசனையோடும்.

**rameshnaga** · **rameshnaga** Sat Jul 02, 2011 12:45 pm

உங்களின் கருத்தைப் பதிவு செய்யுங்களேன் !

**உமா** · **உமா** Sat Jul 02, 2011 12:55 pm

ஒரு அகதியின் ஏக்கத்தை கவிதையாய் சொன்ன விதம் அருமை....
வாழ்த்துக்கள் மேலும் கவி படைக்க.....உங்கள் கவிதைக்கேன்றே ஒரு தளம் நீங்க துவங்களாமே....
ஒரு மொழிபெயர்ப்பற்றவனின் வானம்.. 224747944

ஒரு மொழிபெயர்ப்பற்றவனின் வானம்.. 224747944

**rameshnaga** · **rameshnaga** Sat Jul 02, 2011 12:59 pm

ரொம்பவும் நன்றி !உமா.
நீங்கள் சொல்லும் யோசனை என் மனத்திலுமிருக்கிறது.
அதற்குக் கணினி நன்றாகத் தெரிந்தவர்களின் உதவி எனக்குத் தேவை.
உங்களுக்கு மீண்டும் என் நன்றிகள் உமா.

**உமா** · **உமா** Sat Jul 02, 2011 1:07 pm

blog இல் நீங்கள் உருவாக்கி கொள்ளலாமே...அதன் விவரங்கள் ஈகரையிலே இருக்கு....அதை பின்பற்றி பிளாக் தளத்தை உருவாக்குங்கள்...அது இலவசம் தான்..யாரின் உதவியும் தேவையில்லை, நாமே உருவாக்கலாம்....

**rameshnaga** · **rameshnaga** Sat Jul 02, 2011 1:11 pm

ரொம்பவும் நன்றி உமா., உங்கள் தகவலுக்கு.

செய்தாலி · செய்தாலி Sat Jul 02, 2011 2:50 pm

சிறந்த கவிதை பாராட்டுக்கள் கவிஞரே

**rameshnaga** · **rameshnaga** Sat Jul 02, 2011 3:49 pm

ரொம்பவும் நன்றி ! செய்தாலி .

**rameshnaga** · **rameshnaga** Sat Jul 02, 2011 6:24 pm

rameshnaga wrote:ரொம்பவும் நன்றி ! செய்தாலி .

**அருண்** · **அருண்** Sat Jul 02, 2011 7:14 pm

ஒரு மொழிபெயர்ப்பற்றவனின் ஏக்கத்தை கண் முன் நிறுத்து கிறீர்கள்! அருமையிருக்கு

Sponsored content · Sponsored content

ஒரு மொழிபெயர்ப்பற்றவனின் வானம்..

ஒரு மொழிபெயர்ப்பற்றவனின் வானம்..

Re: ஒரு மொழிபெயர்ப்பற்றவனின் வானம்..

Re: ஒரு மொழிபெயர்ப்பற்றவனின் வானம்..

Re: ஒரு மொழிபெயர்ப்பற்றவனின் வானம்..

Re: ஒரு மொழிபெயர்ப்பற்றவனின் வானம்..

Re: ஒரு மொழிபெயர்ப்பற்றவனின் வானம்..

Re: ஒரு மொழிபெயர்ப்பற்றவனின் வானம்..

Re: ஒரு மொழிபெயர்ப்பற்றவனின் வானம்..

Re: ஒரு மொழிபெயர்ப்பற்றவனின் வானம்..

Re: ஒரு மொழிபெயர்ப்பற்றவனின் வானம்..

Re: ஒரு மொழிபெயர்ப்பற்றவனின் வானம்..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக