ஓயாத நினைவு - நிலைப்புத்தன்மை

அப்துல்லாஹ் · அப்துல்லாஹ் Thu Jun 30, 2011 4:37 pm

வாசம் தரும் வண்ண மலர்கள் எல்லாம்
வாடி வதங்கிவிடும் வண்ணம் இழந்துவிடும்

வான்முகில் கார் நிறம் வானவில்லின் வண்ணம்
வருகின்ற மழை நின்றால் தானாய் மாறிவிடும்

கூடிக் களித்து நிற்கும் குதூகலம் எல்லாமே
குறுகிய காலம்தான் கூட வரும்

மாட மாளிகை மனங்கவர் பொன்பொருள்
மானுட வாழ்வுதனில் நிலையிலிகள்

பாடும் புள்ளினத்தின் புலர் காலைப் புதுவிடியல்
பொழுதுடன் புறப்பட்டுப் பின்னடையும்

வாசமும் வண்ணமும் மகிழ்ச்சியுடன் செல்வமும்
வந்த பின் விடைபெறும் நீர்க்குமிழ்கள்

ஆசையுடன் நீயெனை நேசம் கொண்டதும்
அணைந்து என்னுடன் அகமகிழ்வுற்றதும்

மாறுமோ என்மன வானில் மறையுமோ
மைவிழிப் பெண்ணே திறந்து சொல்லுன் மனதை

நேசம் நிறை நிந்தன் நெஞ்சத்துள்ளே
நீங்காமல் நிலைத்தவன் நான் அல்லவா

மஞ்சுபாஷிணி · மஞ்சுபாஷிணி Thu Jun 30, 2011 7:58 pm

இதில் என்ன சந்தேகம் அப்துல்லாஹ் சார்.....

நேசம் சத்தியமெனில் நிலைத்திருப்பதும் சத்தியமே...

பொருத்தமான படத்துடன் மிக அழகிய வரிகள்....

அன்பு வாழ்த்துகள் அப்துல்லாஹ் சார்....

இந்த பதிவைத் துவங்கியவர் நன்றி கூறியுள்ளார் மஞ்சுபாஷிணி

அப்துல்லாஹ் · அப்துல்லாஹ் Thu Jun 30, 2011 8:30 pm

தங்களின் மேலான கருத்துக்கு நன்றி சகோதரி....

செய்தாலி · செய்தாலி Sat Jul 02, 2011 3:40 pm

அஹா அஹா என்ன அருமையா மென்மையான அழகிய வரிகள்
உண்மையை சொல்லப்போனால் நான் இந்த கவிதையை
மெல்லிசை பாடலாக முணுமுணுத்தேன் அருமை அருமை

வரிகளின் வாழ்கையின் நிதர்சனங்கள் சல்யூட் ஆசிரியரே

மிகவும் அற்புதமான் அழகான சித்திரம்