என்னுள் நீ..

Jiffriya · Jiffriya Thu Jun 30, 2011 3:33 pm

என் ஓருயிருக்குள்
ஒடுங்கிய ஆருயிரே
என்றும் மறவேன் உன்னை..

நான் வரைந்த ஓவியங்களில்
வண்ணம் தான் பேசியது..
உன்னை வரையும் போது மட்டுமே
பெண்மை பேசுகிறது..

சிப்பிக்குள் முத்தாய்
நீ என்னுள் இருப்பதாய் சொன்னாய்..
ஏற்கவில்லை என்மனம் அதை..
ஓர் நாளில் அது வெளியே வந்துவிடும் என்பதால்..

என் வாலிபச் சோலையில்
வாடாத மலாராய் நீயும்..
உன் இதயக் குளத்தில் வற்றாத நீராய் நானும்
எப்படிப் பிரிவோம் இப்படி இருக்கையில்.?

உன்னிடம் கற்றுக் கொண்ட காதலை
யாருக்கும் கற்றுக் கொடுக்க மாட்டேன்..
கொஞ்சம் கொஞ்சமாய் உயிர் கொல்லும்
விஷமல்லவா இந்தக் காதல்..

ஒரு நொடியில் நினைத்துவிட்டேன் உன்னை
பல யுகங்கள் கடந்தாலும்
முடியுமா தெரியவில்லை
உனை மறப்பதற்க்கு..

என் செங்குருதியின் செல்களில் கூட
சேமித்து வைத்திருக்கிறேன் உன்னை.
சேர்ந்தே இருக்க
வேண்டும் என்பதால்..

எதைக் கொடுத்தாலும்
ஈடாகாது ஏன்
என்னை கொடுத்தாலும்
உன் காதலுக்கு..

செய்தாலி · செய்தாலி Sat Jul 02, 2011 11:08 am

ம்ம்ம்ம் அஹா...அஹா .... கவிதை .......கவிதை
உண்மையில் கவிதை அரும்மையோ அருமை
எழுதிய வரிகளில் கொஞ்சி விளையாடுகிறது காதல்

சிறப்பான காதல் கவிதை பாட்டுக்கள் தோழி