நங்கை(குறுந்தொடர்)- II

முன்கதை சுருக்கம்:
தன்யா நன்கு படித்த நேர்மையாக முன்னேற துடிக்கும் திருநங்கை. ஒரு பொறியியல் கல்லூரியின் ஆங்கில விரிவுரையாளர் நேர்காணலுக்கு வரும் தன்யாவின் மதிப்பெண்களும், திறமையான பதில்களும் அவளுடைய தகுதியினை
உறுதி செய்தும், திருநங்கை என்பதால் கல்லூரி முதல்வர் தமிழரசு அவளை வேளைக்கு அமர்த்த தயங்குகிறார். தனக்கு வாய்ப்பு அளிக்குமாறு தன்யா அவர்களிடம் வாதிடுகிறாள். இனி ..

"இதை நாங்க மட்டும் முடிவு பண்ண முடியாது தன்யா. இங்க படிக்கற மாணவர்களோ ,அவங்க பெற்றோர்களோ பிரச்சனை பண்ணலாம்னு பயப்படுறோம். அதுவும் இல்லாம இந்த காலத்து பசங்க சாதாரணமாவே ஆசிரியர்களை கேலி கிண்டல்னு பாடாய் படுதராங்க.",

"Sir, நான் இத மாதிரி பேச்சுகளை பல வருஷமா கேட்டேன். அது என்னை புண்படுத்தாது.அதுவும் இல்லாம மாணவர்கள் அவர்களிடம் நட்பாய் பழகி , அவர்களுக்கு புரியும்படியா மாதிரி பாடம் நடத்துகிற ஆசிரியர்களை மதிக்கத்தான் செய்றாங்க. எனக்கு ஒரு வாய்ப்பு கொடுத்து பாருங்க. கட்டாயம் அப்படிப்பட்ட ஆசிரியரா என்னால இருக்க முடியும் ", என்றாள் தன்னை நியாயப்படுத்த.

"நாங்க இவ்ளோ தூரம் பொறுமையா சொல்றதே, உங்க மனதை புண்படுத்த கூடாதுன்னு தான் ஆனால் முற்போக்கா செயல்படறோமனு நினைக்க கூடிய பதவியில் நாங்க இல்ல. இதுக்கு பின்னால வர போற பிரச்சனைகளை நாங்க தான் எதிர்கொள்ள வேண்டி வரும். எங்க கல்லூரிக்குன்னு இன்னைக்கு இருகிற பெயர் போய்ட கூடாதுன்னு நினைக்கறோம்.", என்றார் தமிழரசு சற்று கடிய குரலில்.

தனக்கு வேலை கிடைக்கவில்லை என்றாலும் பரவாயில்லை தனக்கு பேசுவதற்கு வாயப்பு கிடைத்துள்ளதாக நினைத்த தன்யா தொடர்ந்து வாதிட ஆரம்பித்தாள்.

"எங்களை கேலி பொருளாக பார்க்கிறதை மாத்தணும்னா உங்களை மாதிரி பொறுப்பான பதவியில் இருக்கறவங்க நினைசாதான் முடியும் Sir. பெண்கள் கல்லூரி பக்கமே வராம இருந்த காலத்துல முத்துலட்சுமிங்கர பெண் பலரின் கேலி பேச்சு, எதிர்ப்புகளுக்கு நடுவே ஒரே பெண்ணா அத்தனை ஆண்களுக்கு நடுவில் கல்லூரியில் சேர்ந்து படிக்கவில்லையா, அதுவும் இதே தமிழ்நாட்டில் நடந்ததுதானே. இன்னைக்கு இந்தியாவில் பெண்கள் எல்லா துறையிலும் கால் பதிக்க காரணம் அந்த ஆரம்பம்தானே , அதே மாதிரி ஆரம்பமாய் நான் ஏன் மாற கூடாது.", என்ற நீண்டதாய் பேசி விட்டு அவர்களை பார்த்தாள் தன்யா.

இவளுக்கு எப்படி புரிய வைப்பது என்ற கேள்வியுடன் தமிழரசு , ராஜசேகரை பார்க்க
ராஜசேகர் தொடர்ந்தார் , "நாங்க எங்களால முடிஞ்ச வரை சொல்லிட்டோம் மிஸ்.தன்யா.
எங்களால் இதுக்கு மேல உங்க கிட்ட புரிய வைக்க முடியாது. உங்களுக்கு வாய்ப்பு தர முடியாதமைக்கு எங்களை மன்னிச்சிடுங்க" , என்றார் அமைதியாக.

“நான் எதிர்பார்த்து வந்ததுதான் sir. அதனால இது என்னை பெருசா பாதிக்கவில்லை. ஆனா முதல் முறையா எனக்கு பேச வாய்ப்பு கொடுத்தது நீங்கதான். எங்களை பார்த்தாலே வெறுத்து ஒதுக்கின காலம் போய் இப்போ
இவ்ளோ தூரம் மதிச்சு பேசற அளவுக்கு காலம் மாறி இருக்குதுன்னா, அதுவே எங்களுக்கு கிடைச்ச வெற்றிதான்.
கட்டாயம் நான் ஆரம்பாக இல்லை என்றாலும் என்னை போல ஒரு சகோதரி ஒரு ஆரம்பமா இருக்கத்தான் போறா.
அதற்குரிய காலம் ரொம்ப தூரம் இல்லன்னு ஆணித்தரமா நம்பறேன். அதை நீங்களும் பார்க்கதான் போறீங்க. நான் வரேன்.", என்று அவர்களிடம் விடைபெற்றாள் தன்யா.

அதன் பின் தலைமை பேராசிரியர் ராஜசேகரும் விடைபெற்று கிளம்ப, முதல்வர் தமிழரசு யோசனையில் ஆழ்ந்தார்.

-- நங்கை தொடர்வாள்

மிதிலா அழகர்சாமி

நம்பிக்கையுடன் போராட தொடங்கிய தன்யா திருநங்கை என்ற ஒரே காரணத்தால் வேலை கொடுக்க தயங்குவது சரியான பத்தாம்பசலித்தனம்.

மிக அருமையான தொடர் மிதிலா....

அன்பு வாழ்த்துக்கள் தொடருங்கள்.

நன்றி மஞ்சு

மிதிலா அடுத்த பாகம் நீங்க எப்ப தொடரப்போறீங்கப்பா..

விரைவில் தொடர்கிறேன் மஞ்சு

தொடரட்டும்!

நல்லா இருக்கு மிதிலா, தொடருங்கள் படிக்க காத்திருக்கிறோம்

மிதிலா அடுத்த பாகம்

படிக்க காத்திருக்கிறோம்

அனைவருக்கும் நன்றி . அடுத்த பாகம் போட்டாச்சு உறவுகளே. உங்களோட விமர்சனதுக்காக காதிருக்கிறேன்