காய்கறிகளைத் தவிர்க்காதீர்கள்

**Admin** · **Admin** Wed Nov 19, 2008 2:34 am

பழங்கள், காய்கறிகள் மற்றும் தானியங்களில் வைட்டமின்கள், தாது உப்புகள் முதலியவற்றிற்கு இணையாக நன்மை செய்யும் 4000 சத்துணவுப் பொருட்கள் உள்ளன.

இந்த உணவுப் பொருட்களில் 150 பொருட்கள் பற்றி மட்டுமே தீவிரமாக ஆராய்ந்துள்ளனர். இவை, இதய நோய், புற்றுநோய் உட்பட எல்லா நோய்களையும் சிறந்த ராணுவ அமைப்பு போல தடுத்து நிறுத்திப் பாதுகாப்பு அளிக்கும் முக்கியமான சத்துணவுப் பொருட்களாகும்.

மரங்கள் மற்றும் செடி இனங்களில் காணப்படும் இரசாயனங்கள் இவை. வேதியியல் முறையில் பெறப்பட்ட இந்த இரசாயனப் பொருட்கள் நாம் சாப்பிடும் பழங்கள், காய்கறிகள், தானியங்களில் உள்ளன. இந்தப் பொருட்களுக்கு ‘பைப்டோகெமிக்ஸ்’ என்று பெயர்.

இந்த இரசாயனப் பொருட்கள் இருப்பதால்தான் சில மரங்களைப் பூச்சிகள் அழிப்பதில்லை. இந்தப் பொருட்கள் இருப்பதால்தான் தக்காளி நம் மனதைக் கவரும் நிறமாக இருக்கிறது. வாழைப்பழம் சாப்பிடும்போது மணம் இனிமையாக இருக்கிறது. இலவங்கப்பட்டை, கிராம்பு, சீரகம், சோம்பு முதலியவை மருத்துவக் குணங்களுடன் திகழ இந்த இரசாயனப் பொருட்கள்தான் காரணம்.

இந்த மாபெரும் சத்துணவுப் பொருட்களைப் பெற நாம் என்ன செய்ய வேண்டும்?

சைவ உணவுக்கு மாற வேண்டும். இல்லையெனில் வாரம் ஒரு முறை 50 அல்லது 100 கிராம் அளவில் மட்டுமே அசைவ உணவு சேர்த்துக் கொள்ள வேண்டும்.

பழங்கள், காய்கறிகளுடன் பால், தயிர் நன்கு சேர்த்துக் கொண்டால் உடல் பருமனாகாமல் ஆரோக்கியமாக வாழலாம்.

சமையலில் மிளகாயும், மிளகும் தவறாமல் சேர்க்க வேண்டும். இரத்தம் உறைந்து இதய அடைப்பு ஏற்படுவதையும், புற்று நோய் உண்டாகுவதையும் இவற்றில் உள்ள (capsaicin) என்ற பைட்டோ கெமிக்கல் தடுத்துப் பாதுகாப்பளிக்கிறது.

**Admin** · **Admin** Wed Nov 19, 2008 2:35 am

ஆரஞ்சு, சாத்துக்குடி சாப்பிடாத நாளில் தவறாமல் எலுமிச்சம் பழச்சாறு சாப்பிட வேண்டும். காரணம், இந்த மூன்று பழங்களிலும் உள்ள ஹெஸ்பெரிட்டின் என்ற பைட்டோ கெமிக்கல் சக்திவாய்ந்த நச்சு முறிவு மருந்தாக உடலில் செயல்படுகிறது. இதனால் நோய் எதிர்ப்புச் சக்தி தொடர்கிறது.

இதய நோயாளிகளும், இதயத்தைப் பாதுகாக்க விரும்புகிறவர்களும் குயர்சிட்டின் என்ற பைட்டோ கெமிக்கல் உள்ள பூண்டு, வெங்காயம் மற்றும் கேட்சின்ஸ் என்ற பைட்டோ கெமிக்கல் உள்ள தேநீர் முதலியவற்றை தினமும் உணவில் சேர்க்க வேண்டும். இரண்டு வேளை பால் சேராத கருப்புத் தேநீர் சாப்பிடுவது இதய நோயாளிகளுக்கு மிகவும் நல்லது.

கொண்டைக்கடலை, தட்டைப்பயறு, பாசிப்பயறு முதலியவற்றில் கொலாஸ்டிராலைக் குறைக்கும் நார்ப் பொருள்களுடன் நான்கு விதமான பைட்டோ கெமிக்கல்கள் உள்ளன. இவை பெருங்கடல் புற்றுநோய், இதய நோய் முதலியவற்றைத் தடுத்து பாதுகாக்கின்றன.

உடலுக்கு நல்ல கொழுப்பையும் தந்து ஸ்போனின்ஸ், எலாஜிக் அமிலம் என்ற இரு பைட்டோ கெமிக்கல்களையும் வால்நட், பாதாம் பருப்பு, முந்திரிப் பருப்பு, வேர்க்கடலை முதலியவை தருகின்றன.

மாதவிலக்குப் பிரச்னை, மார்பகப் புற்றுநோய் முதலியவை வராமல் தடுப்பதில் ஸல்போராபேன், பீட்டாகரோட்டின் போன்ற இரசாயனப் பொருட்கள் உள்ள முட்டைக்கோஸ், காரட், கீரை வகைகள் முதலியன உதவுகின்றன.

சோயா மொச்சையில் ஐந்து விதமான இரசாயனப் பொருட்கள் உள்ளன. இவை புற்றுநோயை முற்றிலும் அழிக்கின்றன.

கைக்குத்தல் அரிசி, சம்பா கோதுமை, கேழ்வரகு முதலியவற்றிலும் புற்றுநோய், இரத்தக் கொதிப்பு முதலியவற்றைத் தடுக்கும் இந்த வகையான ஐந்து இரசாயனப் பொருட்கள் உள்ளன.

ஒரு கப் பழச்சாறுடன், ஒரு கப் காய்கறி சாலட் தினமும் ஒரு வேளை சாப்பிட்டு வருவதன் மூலம் எதிர்க்காலத்திலும் நோய் எதிர்ப்பு சக்தியுடன் நலமாக வாழலாம்.

http://www.tamilvanan.com