Latest topics

மும்பையில் மோனோ ரயில் பாலம் விழுந்து 2 பேர் சாவு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

மும்பையில் மோனோ ரயில் பாலம் விழுந்து 2 பேர் சாவு

Post by ராமகிருஷ்ணன் Sat Jul 02, 2011 11:02 am

மும்பை : மும்பையில் மோனோ ரயில் பாலம் விழுந்து 2 தொழிலாளர்கள் நசுங்கி இறந்தனர். மும்பையில் செம்பூர் & ஜேக்கப் இடையே மும்பையின் முதலாவது மோனோ ரயில் திட்டப் பணி நடக்கிறது. முதல் கட்டமாக, செம்பூர் & வடாலா இடையே ரயில் வழிப்பாதை அமைக்கும் பணி முழுவீச்சில் நடக்கிறது. நேற்று இரவு 7 மணியளவில் இரு தூண்களுக்கு இடையே சிமென்ட் பாலங்களை அமைக்கும் பணியில் தொழிலாளர்கள் ஈடுபட்டுக் கொண்டு இருந்தனர்.

அப்போது, திடீரென சிமென்ட் பாலம் ஒன்று திடீரென தவறி விழுந்தது. அதில், கீழே வேலை செய்து கொண்டிருந்த தொழிலாளர்கள் பலர் சிக்கினர். 2 பேர் அதே இடத்தில் நசுங்கி பலியாகினர். மேலும், 6 பேர் படுகாயம் அடைந்தனர். இந்த விபத்து பற்றி தகவல் அறிந்த போலீசார், தீயணைப்பு படையினர் விரைந்து வந்து மீட்பு பணியில் ஈடுபட்டனர். காயம் அடைந்தவர்கள் சிகிச்சைக்காக ராஜாவாடி மருத்துவமனைக்கு கொண்டு செல்லப்பட்டனர். அவர்களில் 2 பேர் நிலைமை கவலைக்கிடமாக உள்ளது. இது பற்றி போலீசார் வழக்குப் பதிவு செய்து விசாரித்து வருகின்றனர்.

ராமகிருஷ்ணன்: இளையநிலா; பதிவுகள் : 259
இணைந்தது : 18/06/2011