மோசடிகளை தவிர்க்க ஏடிஎம்களில் பணம் எடுத்தால் எஸ்எம்எஸ் மூலம் தகவல்

புதுடெல்லி : மோசடிகளைத் தவிர்ப்பதற்காக, அனைத்து பணப் பரிவர்த்தனை பற்றியும் வாடிக்கையாளருக்கு உடனுக்குடன் எஸ்எம்எஸ் அனுப்ப வேண்டும் என வங்கிகளுக்கு ரிசர்வ் வங்கி உத்தரவிட்டுள்ளது. வங்கி வாடிக்கையாளர்கள், மற்ற வங்கி ஏடிஎம்களில் ஒரு மாதத்தில் 5 தடவை பணம் எடுப்பதற்கு கட்டணம் வசூலிக்கப்படுவது இல்லை.
அதேநேரம், பேலன்ஸ் பார்த்தல், ரகசிய குறியீடு மாற்றம் செய்தல், மினி ஸ்டேட்மென்ட் எடுத்தல் ஆகிய நிதியல்லாத சேவைகளை பிற வங்கி ஏடிஎம்மில் எத்தனை தடவை வேண்டுமானாலும் இலவசமாக பெறலாம்.

இந்நிலையில், நிதி அல்லாத சேவைகளையும் இலவச பரிவர்த்தனையில் சேர்த்துக் கொள்ள வங்கிகளுக்கு ரிசர்வ் வங்கி அனுமதி அளித்துள்ளது. இந்த நடைமுறை நேற்று முதல் அமலுக்கு வந்துள்ளது. இதன்படி, பணம் எடுப்பது, பேலன்ஸ் பார்த்தல், மினி ஸ்டேட்மென்ட் எடுத்தல் என எந்த சேவையாக இருந்தாலும் ஒரு மாதத்தில் 5 தடவை வரை இலவசமாக பெறலாம்.

இதன் அடிப்படையில், எச்டிஎப்சி வங்கி ஒரு அறிக்கையை வெளியிட்டுள்ளது. அதில், 5 தடவைக்கு மேல் பணம் எடுத்தால் ஒரு பரிவர்த்தனைக்கு ஸி20 கட்டணம் வசூலிக்கப்படும். பேலன்ஸ் பார்ப்பது உட்பட நிதி அல்லாத சேவைகளுக்கு ஸி8.50 கட்டணம் பிடித்தம் செய்யப்படும் என தெரிவிக்கப்பட்டுள்ளது.

மேலும், ஏடிஎம் குளறுபடியால் பணம் வழங்காமலேயே வாடிக்கையாளரின் கணக்கில் பணம் பிடித்தம் செய்திருந்தால் 7 தினங்களுக்குள் அதை திருப்பித் தர வேண்டும் என்ற ரிசர்வ் வங்கி ஏற்கனவே உத்தரவிட்டிருந்தது. இது நேற்று முதல் நடைமுறைக்கு வந்துள்ளது.

இது முன்பு 12 தினங்களாக இருந்தது. 7 தினங்களுக்குப் பிறகு வழங்காமல் இருந்தால், சம்பந்தப்பட்ட வாடிக்கையாளருக்கு ஒவ்வொரு நாளுக்கும் வங்கி ஸி100 தர வேண்டும்.
மோசடிகளைத் தவிர்ப்பதற்காக, அனைத்து பணப் பரிவர்த்தனை பற்றியும் வாடிக்கையாளருக்கு உடனுக்குடன் எஸ்எம்எஸ் அனுப்ப வேண்டும் என வங்கிகளுக்கு ரிசர்வ் வங்கி உத்தரவிட்டுள்ளது. ஒரு குறிப்பிட்ட தொகைக்கு மேல் செய்யப்படும் பரிவர்த்தனைக்கு மட்டுமே இதுவரை தகவல் தெரிவிக்கப்பட்டது. இதுவும் உடனடியாக அமலுக்கு வந்துள்ளது.

நல்லத் தகவல் தான்.