முழு டிக்கெட் கட்டணம் ரூ.11அரை டிக்கெட் கட்டணம் ரூ.15

nandri dinamalar மதுரை:மதுரையில் இருந்து வாடிப்பட்டிக்கு அரசு பஸ்சில் வந்த பயணியிடம் முழு
டிக்கெட் கட்டணமாக 11 ரூபாயும், அரை டிக்கெட் கட்டணமாக 15 ரூபாயும்
வசூலித்து கண்டக்டர் அதிர்ச்சி வைத்தியம் கொடுத்தார்.திருநெல்வேலி -
திருப்பூருக்கு, மதுரை ஆரப்பாளையத்தில் இருந்து அரசு பஸ் (டிஎன்58 என்
1885) நேற்று முன்தினம் மாலை 4.15 மணிக்கு புறப்பட்டது. இதில் தம்பதியினர்
ஐந்து வயது பெண் குழந்தையுடன் ஏறினர். வாடிப்பட்டிக்கு இரண்டு முழு
டிக்கெட், ஒரு அரை டிக்கெட் வாங்கினர். இரண்டு முழு டிக்கெட்டிற்கு 22
ரூபாய், ஒரு அரை டிக்கெட்டிற்கு 15 ரூபாயை கண்டக்டர் வசூலித்து டிக்கெட்
கொடுத்தார்.""முழு டிக்கெட் 11 ரூபாய் என்றால், அரை டிக்கெட்டிற்கு ஐந்து
ரூபாய் 50 காசுகள் அல்லது ஆறு ரூபாய் தானே வாங்க வேண்டும். அதை விடுத்து
அரை டிக்கெட்டிற்கு 15 ரூபாய் வாங்குகிறீர்களே,'' என, பயணி கேட்டார். அரை
டிக்கெட்டிற்கு பதிலாக முழு டிக்கெட் தரும்படி, பயணி கேட்டார். அதற்கு
கண்டக்டர் மறுத்தார். ""போலீஸ் ஸ்டேஷன் சென்று புகார் செய்தாலும் விளக்கம்
அளிக்கத் தயார்,'' என, கண்டக்டர் கூறினார். பிரச்னையை தவிர்த்த பயணி, அதே
பஸ்சில் வாடிப்பட்டிக்கு வந்து சேர்ந்தார்.ஆரப்பாளையத்தில் இருந்து
வாடிப்பட்டிக்கு தனியார் பஸ்சில் எட்டு ரூபாய் 50 காசுகளும், மதுரை -
பெரியகுளம் செல்லும் பஸ்களில் வாடிப்பட்டிக்கு ஒன்பது ரூபாயும்,
மாட்டுத்தாவணியில் இருந்து புறப்படும் பஸ்களில் வாடிப்பட்டிக்கு 11
ரூபாயும், தாழ்தள பஸ்சில் 10 ரூபாயும் கட்டணம் வசூலிக்கப்படுகிறது.
வாடிப்பட்டிக்கு ஒவ்வொரு பஸ்சிலும் வெவ்வேறு கட்டணம்
வசூலிக்கப்படுகிறது.அரசு பஸ் விதிமுறைப்படி, குறைந்தபட்ச அரை டிக்கெட்
கட்டணம் 15 ரூபாயாக இருந்தாலும், அதை பயணியிடம் எடுத்துக்கூற வேண்டியது
கண்டக்டரின் கடமை. எனினும், முழு டிக்கெட் கட்டணத்தை விட, அரை டிக்கெட்டின்
கட்டணம் கூடுதல் என்பதையும் பயணிக்கு தெரிவித்திருக்க வேண்டும். அதையும்
கண்டக்டர் செய்யவில்லை. டிக்கெட்டை கொடுத்த பின் பணம் கேட்டு பயணியிடம்
தகராறு செய்ததை மற்ற பயணிகளும் கண்டித்துள்ளனர்.டிக்கெட் கட்டணக்
குழப்பத்திற்கு, போக்குவரத்து கழக நிர்வாகம் முற்றுப்புள்ளி வைக்க
வேண்டும். சேவை மனப்பான்மையுடன் ஊழியர்கள் நடந்து கொள்ளவும் பயிற்சி அளிக்க
வேண்டும்.

போக்குவரத்துக் கழகங்கள் இதை கவனத்தில் கொண்டு சரி செய்ய வேண்டும்... பாதிக்கப்பட்ட நபர் நுகர்வோர் பாதுகாப்பு சட்டப்படி வழக்குத் தொடர்ந்து பரிகாரம் காண முயற்சிக்கலாம்