ஒலிம்பிக் வீரர் வி‌ஜேயந்தர் மீது போலீஸ் வழக்கு

பிவானி: தனது திருமண வர‌வேற்பு அழைப்பிதழில் இந்திய அரசின் முத்திரையை அச்சடித்ததாக இந்தியாவின் , ஒலிம்பிக் குத்துச்சண்டை வீரர் விஜேயந்தர் மீது முதல் தகவல் அறிக்கையின் கீழ் வழக்குப்பதிவு செய்யப்பட்டுள்ளது. இது ‌தொடர்பாக டில்லியைச் சேர்ந்த அபிஷேக் கத்யான் என்பவர் போலீசில் அளித்துள்ள புகாரில் கூறியிருப்பதாவது: அரியானாவைச் சேர்ந்தவர் விஜேயந்தர் சி்ங்(27). இவர் ஒலிம்பிக் போட்டிகளில் பங்கேற்று குத்துச்சண்டை போட்டியில் பதக்கம் பெற்றுள்ளார். இவருக்கும், கம்ப்யூட்டர் சாப்ட்வேர் இன்ஜினியர், அர்ச்சனா (23) என்பவருக்கும் கடந்த மே மாதம் 18-ம் தேதி திருமணம் நடந்தது. இத்திருமணத்தில் காங்கிரஸ் கட்சியின் பொதுச்செயலர் ராகுல் உள்பட பல முக்கிய பிரமுகர்கள் கலந்து கொண்டனர். அன்று மாலை அவரது சொந்த கிராமமான பிவானியில் நடந்த திருமண வரவேற்பு நிகழ்ச்சி அழைப்பிதழில் , இந்திய அரசின் முத்திரையை அச்சடித்து உறவினர்களுக்கு வழங்கியுள்ளார். இது தேசத்திற்கு அவமானம் ஆகும். உரிய அனுமதியுடன் இந்திய அரசின் முத்திரையை அழைப்பிதழில் அச்சடிக்க கோர்டின் உத்தரவு பெற்றிருக்க வேண்டும் . அவ்வாறு இல்லாமல் அச்சடித்தது தவறு என கூறியிருந்தார். இது தொடர்பாக விஜேயந்தர் சிங் மீது , காவல்துறை கண்காணிப்பாளர் அஸ்வின் சைன்வி, வி‌ஜேயந்தர் சிங் மீது முதல் தகவல் அறிக்கையின் படி, 1950-ம் ஆண்டு இந்திய அரசு முத்திரையை தவறாக பயன்படுத்துவதை தடுக்கும் சட்டம் பிரிவு 3-ன் படி வழக்குப்பதிவு (எப்.ஐ.ஆர்) செய்துள்ளார். கோர்ட் அனுமதியளித்தார் நடவடிக்கை எடுக்கப்படும் என்றார்.