இ‌னி யா‌ரிட‌‌ம் கையேந்த‌ப் போ‌கிறா‌ர்க‌ள் திருமாவள‌வன், ராமதாஸ்?

தே‌ர்த‌ல் சீட்டுக்காக இனி யாரிடமும் கையேந்த வேண்டாம் என்று தொ‌ல்.திருமாவளவனுக்கு பா.ம.க. நிறுவனர் மருத்துவர் இராமதாஸ் அறிவுரை வழ‌ங்‌கியு‌ள்ளா‌ர்.

செ‌ன்னை‌யி‌ல் நே‌ற்று விடுதலைச் சிறுத்தைகள் கட்சி சார்பில் நடைபெ‌ற்ற ‌விழா‌வி‌ல் அ‌க்க‌ட்‌சி‌யி‌ன் தலைவ‌ர் தொ‌ல்.‌திருமாவளவ‌ன், பா.ம.க. ‌நிறுவன‌ர் இராமதாசு‌க்கு அ‌ம்பே‌த்க‌ர் சுட‌ர் ‌விருதை வழ‌ங்‌கிய ‌பி‌ன்ன‌‌ர் இ‌வ்வாறு பே‌சியிருக்கிறார் ‌இராமதா‌ஸ்.

அம்பேத்கரின் தாரக மந்திரம் கற்பி, புரட்சி செய், ஒன்று சேர் என்பதாகும். ஆனால் இந்த மூன்றையுமே நாம் மறந்துவிட்டோம் எ‌ன்று இராமதா‌‌ஸ் ‌உ‌ண்மையை சொ‌ல்‌லி இரு‌க்‌கிறா‌ர். ‘ஒ‌‌ன்று சே‌ர்’ எ‌ன்பது இராமதா‌ஸ் அகரா‌தி‌யி‌ல் இ‌ல்லாத வா‌ர்‌த்தையாகு‌ம். இ‌ந்த அளவு‌க்கு வட மாவ‌ட்ட‌ங்க‌ளி‌ல் த‌லி‌த்து‌களு‌க்கு‌ம், வ‌ன்‌னிய‌ர்களு‌க்கு‌ம் ந‌ட‌ந்த ப‌ல வ‌ன்முறை ‌நிக‌ழ்வுகளே இ‌த‌‌ற்கு சா‌ட்‌சி.

‌அதோடு ‌வி‌ட்டு‌விடாம‌ல், ''திருமாவளவன் ஏன் கான்ஷிராம்போல, மாயாவதிபோல தமிழகத்தில் மாற்றத்தை ஏற்படுத்தக் கூடாது'' எ‌ன்று பே‌சி உ‌ள்ள இராமதா‌ஸ், ''எதற்காக 7 சீட்டு, 8 சீட்டுக்காக மற்றவர்கள் பின்னால் செல்ல வேண்டும். இனி நாம் எங்கும் செல்லத் தேவையில்லை. யாரிடமும் கையேந்தத் தேவையில்லை. சேர்ந்து போராடுவோம்'' எ‌ன்று கூ‌றியு‌ள்ளா‌ர்!

ஜா‌தி ‌பெய‌ரி‌ல் வ‌ன்‌னிய‌ர் ச‌ங்க‌த்தை ஏ‌ற்படு‌த்‌திய இராமதா‌ஸ், பின்னர் பா‌ட்டா‌ளி ம‌க்க‌ள் க‌ட்‌சி எ‌ன்ற ஒரு க‌ட்‌சியை உருவா‌க்‌கி த‌மிழக அர‌சிய‌லி‌ல் காலு‌ன்‌றினா‌ர். ‌‌ச‌ட்டம‌ன்ற‌ம், நாடாளும‌ன்ற தே‌ர்த‌லி‌ல் முத‌லி‌‌ல் த‌னி‌த்து ‌‌‌நி‌ன்று ஜா‌தி வா‌க்குகளை பெ‌ற்றா‌ர். கால‌ப்போ‌க்‌கி‌ல் பா‌ட்டா‌ளி ம‌க்க‌ள் க‌ட்‌சி வட மா‌வ‌ட்ட‌ங்‌க‌ளி‌ல் க‌‌ணிசமான வா‌க்கு வ‌ங்‌கிகளை பெ‌ற்றது. ஒரு ‌சில தே‌ர்த‌‌ல்க‌ளி‌ல் த‌னித்து ‌நி‌ன்ற இராமதா‌ஸ், ஓரிரு இடங்களில் மட்டுமே வெற்றி பெற்ற நிலையில், 2001ஆம் ஆண்டில் முத‌ன் முறையாக ஜெயல‌லிதா தலைமை‌யிலான அ.இ.அ.‌தி.மு.க.வுட‌ன் கூ‌ட்ட‌ணி சே‌ர்‌த்து போ‌ட்டி‌யி‌‌ட்டு கணிசமான ச‌ட்டம‌ன்ற உறு‌ப்‌பின‌ர்களை பெ‌ற்றா‌ர்.

கூட்டணியால் கிடைத்த வெற்றி மற்றும் அதனால் கிடைத்த அதிகார ருசி போன்றவற்றால் இராமதா‌சு‌ம் தனது யுக்தியை மா‌ற்றிக் கொ‌ண்டா‌ர். ‌தி.மு.க., அ.இ.‌அ.‌தி.மு.க. க‌ட்‌‌சிக‌ளி‌ல் எது ஆ‌ட்‌சியை ‌பிடி‌க்கு‌‌ம் எ‌ன்று க‌ணி‌த்து அ‌ந்த க‌ட்‌சிகளுட‌ன் கூ‌ட்ட‌ணி அமை‌த்து, ஒவ்வொரு தேர்த‌லிலும் கணிசமான இடங்களை‌ப் பெறத் தொடங்கினார்.

2009ஆ‌ம் ஆ‌ண்டு நாடாளும‌ன்ற தே‌ர்த‌லி‌ல் ‌கூ‌ட்ட‌ணி ‌தி.மு.க. உடனா, அ.இ.அ.‌தி.மு.க உடனா எ‌ன்பதை முடிவு செ‌ய்ய க‌ட்‌சி‌யி‌ன் பொது‌க்குழு, செய‌ற்குழுவை கூ‌ட்டி முடிவு செ‌ய்தா‌ர் இராமதா‌ஸ். அ.இ.அ‌.தி.மு.க.வுட‌ன் கூ‌ட்ட‌ணி சேர வே‌ண்டு‌ம் எ‌ன்று அ‌திக வா‌க்கு ‌விழு‌ந்த காரண‌த்தா‌ல் அ‌ந்த க‌ட்‌சி‌யுட‌ன் கூ‌ட்‌ட‌ணி அமை‌ப்பதாக இராமதா‌‌ஸ் அ‌றி‌வி‌த்தா‌ர். ‌ஆனால் போ‌ட்டி‌யி‌ட்ட அனை‌த்து தொகு‌திக‌ளி‌லு‌ம் பா.ம.க. தோற்றது.

நடந்து முடிந்த சட்டமன்ற தேர்தலில், கருணா‌நி‌தி‌க்கு எ‌‌திராக அலை ‌வீ‌சிய நிலையில், அ‌ந்த‌க் கூ‌ட்ட‌ணி‌யி‌ல் இணைந்த பா.ம.க. 30 தொகு‌திக‌ளி‌ல் போட்டியிட்டு 3இ‌ல் ம‌ட்டுமே வெ‌ற்‌றி பெ‌ற்றது. இ‌‌ப்படி மா‌றிமா‌றி கூ‌ட்ட‌ணி அமை‌ப்பதற்கு இராமதாஸ் கொடுத்த விளக்கத்தை தமிழக மக்கள் நிராகரித்துவிட்டார்கள் என்பதே தேர்தல் தோல்வியாகும்.

இராமதாஸ் நிலைமை இதுவென்றால், ‘தேர்தல் பாதை திருடர் பாதை’, தலித் மக்களுக்கு சம உரிமை பெறுவோம் எ‌ன்ற முழக்க‌த்துட‌ன் ‌‌விடுதலை ‌சிறு‌த்தைக‌ள் எ‌ன்ற அமை‌ப்பை தொட‌ங்‌‌கிய ‌திருமாவளவ‌ன், 1999ஆம் ஆண்டு நாடாளுமன்றத் தேர்தலில் மு‌த‌ன் முறையாக ஜி.கே.மூப்பானார் தலைமையிலான தமிழ் மாநில காங்கிரஸ் உடன் கூ‌ட்ட‌ணி சே‌ர்‌ந்து அர‌சிய‌ல் ‌பிரவேச‌ம் செ‌ய்தார். அ‌ன்று முத‌ல் இ‌ன்று வரை கூ‌ட்ட‌ணி‌க்காக ‌தி.மு.க., அ.இ.அ.‌தி.மு.க. க‌ட்‌சிகளுட‌‌ன் கூட்டணி சே‌ர்‌‌ந்து அர‌சிய‌ல் நட‌‌த்‌தி வரு‌கிறா‌ர்.

சீ‌ட்டு‌க்காக ம‌ற்றவ‌ர்க‌ள் ‌பி‌ன்னா‌ல் செ‌ல்ல வே‌ண்டா‌ம் எ‌ன்று ‌திருமாவளவ‌னு‌க்கு அ‌றிவுரை கூ‌றியு‌ள்ள sராமதா‌ஸ், இனிவரும் தேர்தல்களில் தானும் அதையே உறுதியாக கடைபிடிப்பாரா? அல்லது இப்படி மாறி மாறி கூட்டணி வைத்தும் சோபிக்க முடியாமல் போனதன் விரக்தியில் எழுந்த பேச்சா என்பதையும், திருமாவளவன் அந்த அறிவுரையை கேட்பாரா என்பதையும் தெரிந்துகொள்ள அடுத்த நாடாளுமன்ற அல்லது சட்டமன்ற தேர்தல் வரை காத்திருக்க வேண்டாம்... உள்ளாட்சித் தேர்தலே போதும்!
நன்றி: தமிழ் வெப்துனியா

சரியான அரசியல் கோமாளிகள்

ரெண்டு டம்மி பீசும் ஒண்ணு சேர்ந்துட்டாங்களா ?